KKground... ......................... . 搜尋文章請按首頁左上角...................................................................................................@留言請按我@

2011年2月4日 星期五

[忽然一周第810期] 處境喜劇愈做愈奀


今周最失望
唔係話《誰》嘅演員唔好,但夠唔夠份量去孭一套處境劇就係另一回事囉。

話咁快,《依家有喜》冇驚冇喜冇人講冇人理就嚟大結局。接住播映嘅新處境劇《誰家灶頭無煙火》上周四( 1月 27日)造型。媽咪姐一睇,嘩,唔係嘛,啲卡士真係愈做愈奀喎。早前嘅《同事三分親》有毛舜筠、黎耀祥孭飛。之後嘅《天天天晴》仲加多個李司棋。《女王辦公室》有汪阿姐壓陣,就算《依家有喜》都有郭晉安、米雪喎!呢套《誰》又有邊個孭到飛呢?大家睇睇張合照,係咪答唔出呢?話晒新老闆上場喎,點解會愈做愈縮呢?

《女王辦公室》

《天天天晴》

《畢打自己人》
之前嘅幾套處境劇,都有當家花旦小生坐鎮。

[忽然一周第810期] 好友陳國強入主無綫 陳總老定 樂易玲有排驚

眾星賣口乖



黎耀祥:樂小姐同殼王不和都唔知係咪真,不過都唔會影響到公司嘅,咁大間公司一路 run咗咁耐,都唔會因一兩個人改變而影響到。

http://bbs.ent.163.com/bbs/tvb/197122632.html

[忽然一周第810期] 黎耀祥點醒張可頤


NG1
臨急上陣嘅張可頤,可能未熟讀劇本,一句簡單對白都 NG幾次,要同祥仔再三對稿。

TVB唔少上位小生、姐仔都想同兩屆視帝黎耀祥合作,希望可以俾佢醒番兩句貼士,開竅提升演技。不過祥仔講到明唔會教其他演員做戲,皆因未必人人受落。實情就係祥仔睇人嚟教。
好似最近佢開緊《法證先鋒 III》,女主角佘詩曼因跣親甩骹,臨時易角俾張可頤。唔講唔知,原來兩人 13年前喺劇集《香港人在廣州》合作過,對手戲仲唔少o忝。今次兩人再度碰頭,應該會擦出唔少新火花。可惜,可頤因為臨時拉伕上陣,連劇本都未刨好就要埋位。就喺上周五( 1月 28日),佢哋喺 Mega Box拍首日外景,可頤連簡單一個同祥仔對話嘅場口都 NG頻頻。好在第 2場有祥仔在旁教路,仲細心幫佢度稿改晒啲拗口對白,先可以愈拍愈順,兼趕得切喺日落收工。睇嚟呢三個月,可頤都有排俾祥仔點啦!



NG2
換轉另一場口,對白更加又長又拗口,祥仔索性幫可頤改順啲對白。


喺玩具店拍攝時,祥仔同可頤趁空閒揀玩具,但可頤就不慎走光。


13年前嘅《香港人在廣州》,張可頤係女主角,配鄭丹瑞,黎耀祥就係大配角,配梅小惠。

2011年2月3日 星期四

[新聞] 黎耀祥財神到





財神黎耀祥祝賀《明報》讀者兔年財源廣進,萬事勝意!


黎耀祥手捧金元寶,今年繼續大豐收。


金幣滿天,財氣逼人,黎耀祥去年名利雙收,榮登兩屆視帝。
【明報專訊】今日大年初一,鴻運當頭的兩屆視帝黎耀祥變身財神爺,祝賀《明報》讀者兔年財氣冲天、財源滾滾、如意吉祥!祥仔旺氣逼人,兔年伊始,他已啟程赴美加演出,大發新年財。今年他主演的兩部重頭劇集《法證先鋒3》及《大太監》備受期待,大有再奪視帝之勢!不過名利都不及親情重要,祥仔的兔年最大願望,就是放假與太太、囝囝出外度假,享受天倫之樂。

祥仔由2009的牛年一直旺到2011兔年,廣告、登台、活動密密賺,旺氣繼續來!他應本報邀請,變身財神向大家拜年,手捧放滿金幣的金元寶,祝願大家財源廣進!

視帝三連霸 還看時勢

貴為娛樂圈紅人,祥仔延續牛年《巾幗梟雄》的「柴九」氣勢,在剛過去的虎年又有《義海豪情》的「劉醒」承接,名利大豐收。榮登兩屆視帝,兔年是否希望更上一層樓,憑新劇《法證先鋒3》或計劃開拍的《大太監》,締造視帝三連霸?「得獎與否看時勢,對手亦是好大因素。其實我攞了兩屆都好夠啦!再攞不知點算,怕冇朋友,TVB冇人肯同我拍戲。」

自從「柴九」之後,祥仔工作不斷,豬籠入水。「真的好滿意了,我不是要求好高及奢華的人,閒時和老婆到九龍城歎幾十蚊早餐、買餸返家煮飯已好開心,用的錢不多。現在供完樓,只欠供兒子讀書。我份人冇乜大志,做事穩陣,不會買樓投資或買股票,現在給我最大滿足的,就是演戲。」

期望長假期叙天倫

談到兔年願望及大計,祥仔說:「其實我沒什麼大計,只想去旅行,因為已10年沒有真正放假去旅行。兔年我期望有兩三個月的長假期,讓我放下一切,與家人外遊,度過開心之旅。」

(明報)
http://ol.mingpao.com/cfm/star5.cfm?File=20110203/saa01/maa1.txt

[新聞] 祥仔雯女冧莊帝后兔氣揚眉

旺足兩年的冧莊視帝視后黎耀祥和鄧萃雯,在大年初一宣佈繼人氣劇集《義海豪情》後將第三度攜手合作。不過,雯女與祥仔今次並非合作拍劇,而是一起拍攝保險廣告搵真銀。祥仔希望今次與雯女首度時裝 look拍檔能起化學作用,吸納更多搵銀合作機會,實行兔年賺個盤滿缽滿。

今日大年初一,視帝黎耀祥和視后鄧萃雯齊祝本報讀者兔年旺足全年,身體健康,萬事勝意。儘管祥仔近日忙於拍攝無綫新劇《法證先鋒 III》,雯女也忙於出席佈道會,但二人日前仍抽空為本報拍攝賀年照,祥仔舞獅時,雯女在旁打鼓,合拍非常。

前年祥仔與雯女在李添勝監製的《巾幗梟雄》中首度合作,結果為二人贏了人生首個視帝視后殊榮,至去年原班人馬再次合作《巾幗梟雄之義海豪情》,竟又再次為二人事業帶來另一高峯,齊齊冧莊做視帝視后,旺足兩年。


冧莊視帝視后的黎耀祥和鄧萃雯,祝本報讀者全年暢旺,萬事勝意。


醒獅頭約重 15磅,令祥仔舉到手軟。


《義海豪情》令祥仔與雯女兩度奪最佳男女主角獎,為二人事業帶來另一高峯。資料圖片

合拍廣告財源滾滾

問雯女會否再跟祥仔合作拍劇,她說:「我估短時間內都唔會,因為我想試嚇跟唔同對手合作,多啲新火花,對觀眾嚟講又會有新鮮感。」雖然難再見到二人合作,但原來這對好拍檔近日已秘密地第三度合作。雯女說:「係幫一間保險公司拍廣告,雖然過去兩年我哋好多時都會一齊出 function,但一齊拍廣告都係第一次囉。」

祥仔說:「之前兩次同雯女合作唔係民初就係 30年代,今次第一次係時裝,而且仲係我哋第一次合作拍廣告,真係幾難得,所以今次酬勞反而冇乜所謂,唔係我考慮接唔接嘅因素,因為個廣告客戶用我哋兩個拍已經開支好大,反而係我見未試過,覺得幾新鮮、幾得意,可以畀大家睇嚇我哋合作嘅時裝 look,所以作為一個新開始試嚇,希望起到化學作用,分分鐘其他客戶見到出嚟效果幾好,陸續搵我哋拍住做都唔定。」


繼《義海豪情》後,祥仔與雯女將再度合作,不過今次只是拍廣告而非拍攝電視劇。劇照


祥仔新年期間偕老婆到大馬及美加做騷搵銀,幸囝囝正橋未有半句怨言。資料圖片

祥仔珍惜搵錢良機


祥仔由年三十忙到年初十,不放過銀機會。

不過,雖然今次只是拍廣告,且又是時裝版本,但祥仔笑言賺得一點也不輕鬆,一分一毫也得來不易。祥仔說:「嗰日拍咗 15個鐘,由上晝 9點拍到凌晨 12點至收工,拍咗 10條不同版本嘅廣告片,個妝同個景要轉成 10幾次,仲辛苦過拍劇。嗰日拍到凌晨 12點之後我仲要即刻趕返公司開廠拍《法證》,真係攰到唔識點形容!」

今個農曆新年,祥仔如去年一樣沒有「收爐」,繼續由年三十晚做到年初十,而且為搵銀連續兩年未能跟囝囝一起過新年。祥仔說:「年三十晚先去大馬做騷,跟住年初一返嚟即刻轉機去美加巡迴演出,差不多初十先至返嚟,因為個仔初十要返學,跟唔到我哋兩公婆去。」連續兩年未有陪囝囝過年,囝囝可有怨言?祥仔說:「佢冇,搵食艱難,個仔都明白爸爸工作都係為咗個家。趁家時勢幾好梗係搵得就搵啦,雖然我身心好攰,但有嘢唔通唔做咩!我相信出年未必有咁多機會,出年又會輪到第二個 o架啦!我入咗行咁多年,都好明白喺呢個圈嘅遊戲點玩。」

雯女重視家庭團聚


雯女今個農曆新年跟往年一樣,都是提早收爐跟家人共敍天倫。

祥仔新年繼續忙碌搵銀,雯女卻剛剛相反,趁農曆新年跟家人共享天倫。雯女說:「其實我今年同舊年過年完全一樣,都係一早收爐,同屋企人一齊過。之前我忙住做嘢同埋做佈道會,冇乜時間陪屋企人,新年正好係個機會。」

攝影:林德雄
服裝:裕華國貨
場地:陸智夫國術總會
髮型: Kelvin Koo of hair(鄧萃雯)、 Ivan Lee of Headquarters(黎耀祥)
化妝: Omix B(鄧萃雯)



花絮: Julia笑老公「不舉」


Julia資料圖片

黎耀祥當日與鄧萃雯拍攝賀年照,身為賢內助的祥仔老婆 Julia全程陪伴在側。雖然當日祥仔只是作狀舉起獅頭影相,並非真的要他把獅頭舞來舞去,但因為要長時間舉起一個約 15磅重的大獅頭,令祥仔大吃不消,幾度搞到「不舉」。

不容失威撐得住

最搞笑是 Julia見到老公「不舉」時還哈哈大笑為祥仔打氣說:「唔緊要,叫佢舉多啲啦,佢平時冇乜點運動,等佢舉多啲當做運動啦。」在旁的雯女見狀亦忍俊不禁笑到肚痛,為免在真老婆和假情人雯女面前失威,祥仔只好繼續頂硬上。

(蘋果日報)
http://www.tvbchannel.com/zh-hk/wayne-lai-sheren-tang-year-of-the-rabbit.html

[壹周刊第1091期] 黎耀祥飽過劉華


劇情講黎耀祥激嬲劇中老婆胡定欣同埋個女,於是搵張可頤陪佢一齊行玩具店買禮物氹番個女,問黎耀祥之後會唔會同張可頤發展婚外情,佢話要保密,唔講得住!

無綫新劇《法證先鋒Ⅲ》上個禮拜五(一月廿八日)响九龍灣拍攝外景,因為佘詩曼受傷辭演,臨危受命頂替做女主角嘅張可頤當日亦有埋位,唔介意執二攤,專登剪短髮配合角色嘅可頤仲話等咗七年終於可以再同黎耀祥拍劇。
「我哋之前合作過《楚漢驕雄》,七年後嘅今日祥仔已經變咗視帝,黐住佢可能我運氣都好啲!」
好似執到寶咁,張可頤仲開心到踢爆黎耀祥顧住減肥,唔肯陪佢一齊食飯:「我見佢食得一條蕉,再飲咗碗湯咋!辛苦過啲女明星呀!」
秘密大公開,黎耀祥解釋:「我拍《義海豪情》其實瘦咗十幾磅,不過我太易肥,唔節食唔得啦!而家淨係可以飲湯同食蕉。(怕唔怕開工頂唔順?)猩猩咁大隻都係食蕉啦!劉華長期唔食飯都得,我冇六嚿腹肌之嘛!」嗱嗱嗱!劉華話自己有食飯 o架!詆譭劉天王,黎耀祥你又唔乖嘞!




係女人都貪靚,張可頤無時無刻都會叫工作人員補妝補唇膏,高清年代,無辦法。


有小妹妹 fans嗌合照,張可頤即刻踎低影番張靚相。

黎耀祥都有 fans,不過,係師奶,拍咗咁多年電視劇,果然做到師奶殺手。

2011年2月2日 星期三

[昔日] [東周刊] 黎耀祥親子的一天(影片)

2009-05-23

「柴九」黎耀祥在《巾幗梟雄》劇中命途多舛;幸而現實生活中的「祥仔」先苦後甜,由綠葉捱到今日爆騒王,更有幸褔好家庭。祥仔閒時便一家在屋苑碧堤半島的花園享受天倫樂。

http://www.eastweek.com.hk/index.php?aid=1866&highlight=%E9%BB%8E%E8%80%80%E7%A5%A5%E8%A6%AA%E5%AD%90%E7%9A%84%E4%B8%80%E5%A4%A9

[昔日] [東周刊第278期] 腦袋太忙 精子太閒 黎耀祥

2008-12-29



訪問黎耀祥,通常「買一送一」,太太Julia總是陪伴他到來,打點一切。
結婚十二年,她看着祥仔時,仍然充滿愛意,笑言:「因為我太鍾意佢!」

有溫婉嬌妻,兒子正橋又聰明乖巧,祥仔更由綠葉榮升主角,生活美滿。

無奈歲月的塵沙,滾滾撲面,四十四歲的祥仔說:「中年是一切都不能有太大轉變,慢慢走入死角,不會有太大發展,樣樣嘢都定晒,男女關係都定埋,除非好似倪震咁,四十幾歲仲有咁多女朋友。人好需要肯定自己,尤其是中年。」

掛上好老公的標籤,誘惑更大。

「有啲做呢行嘅,佢又唔mind(介意)你結咗婚,問題係你行唔行埋落去

人到中年,不是腦袋太忙,精子太閒;就是精子太忙,腦袋太閒。

倪震應該是後者,而祥仔則謂:「我努力控制緊啲荷爾蒙!」


祥仔的妻子Julia,為他拍下訪問的花絮。


祥仔結領帶時,妻子幫他整理,照顧得他妥妥貼貼。

平凡已是悲劇

黎耀祥在妻子Julia接載下到來做訪問,他先到場,Julia泊好車,為他到銀行入數後才現身。結婚十二年來,差不多每個訪問、每次登台,Julia都陪伴祥仔左右。他喝光了茶,即為他斟添。他穿恤衫,便為他整理衣領。

祥仔人生最大的成就,可能是有一個好老婆。

「太太可能都未滿意,我未達到她的理想,但我又覺得盡了力,點為之多,點為之少,好難有一個共識。」

他生性悲觀,全靠樂觀的太太支持。

「我十幾歲就追求人生意義,追求意義本身已是悲劇。我又長得平凡,平凡亦是悲劇,因為不夠精采。有她在我身邊,令我比較平衡,我很多謝她!」

近年事業愈見起色,但人到中年,祥仔又有一番感慨。

「對自己存在價值有質疑,體能開始衰退,有啲嘢又唔到你。後生仲話有時間,家計吓條數,中年喇,冇囉喎,若一個唔好彩,人生已過三分二。

「好多嘢已有定局,點去變,點去行呢,中年最大鑊係企咗喺度。這種感覺家都有,雖然今年事業發展比較好,但你話好大突破咩?又不是。我這種演員,太平實、太普通,並非劉德華那種,一爆就爆咗出來。」


祥仔十分疼愛兒子正橋,常跟他「拍拖」,一起踏單車和游泳。


得到無綫最佳男配角獎時,祥仔指李司棋在他耳邊說:「這是你應得的!」讓他很感動。

好男人都會滾

黎耀祥說,男人年紀漸長,會靠結識異性來證明自己,倪震便是最佳例子。

「係咪好男人就唔去滾,好難講,在我個世界事情無分對錯。你要明白上天作弄人,兩性關係是其一,情慾最玩人。性看似好美麗,透過性可以生兒育女,但性的另一方面亦好黑暗,可以家破人亡。可能有一刻受荷爾蒙影響,或是有個老友叫你落夜總會,人未能完全控制自己的情緒,否則就冇罪案啦。所有嚴重錯誤,都是一剎那的衝動。所有嘢都喺身邊,睇你有冇行埋嗰一步。」

祥仔直認曾面對誘惑。

「『祥仔,傾吓偈啦!』、『祥仔,好鍾意睇你做戲呀!』,呢啲絕對有。你好明白對方動機,行多一步咋,識多個女仔。去到家,OK啦,叫做控制到。大家都話我係好老公,我盡力去做,唔肯定將來完全控制到。」

他說男人最感慨的,是驀然回首,才發現自己揀錯了。

「畀你揀嘅時候,你唔識揀;到識揀嘅時候,已經冇得揀。驀然回首,發現身邊嗰個係唔啱嘅,都冇用啦,揀咗喇!好彩我嗰個都OK。」

犯錯為尋開心

當了綠葉多年,祥仔今年總算當上主角,又得到無綫的最佳男配角獎。

「攞個獎係好,但實際上又有幾好呢?今次攞獎,對我唔重要,對我身邊的人反而好重要。因為人需要知道努力有回報,令大家冇咁灰。」

他說現在是收成期,妻賢子孝,事業有較大發展,是最滿足和幸福的階段。

「我入行時諗住自己會踎街,但條路都唔難行,因為我從來冇抱有希望。以為自己只能當一個做極都做唔起嘅演員,沒想過會有這樣的運氣。現在都辛苦嘅,收割要彎腰,但辛苦得來有收穫。近年又沙士又金融風暴,原來人生可以好大鑊,去到咁仲想點,若仲話不足,好對唔住上天。

「人生為咗乜呢?每日營營役役,為開心啫。你見咁多人偷歡,不斷犯咁多錯,最終都是想開心。但原來開心不能亂追求,首先要搵番乜嘢叫開心,否則會追逐錯的。」


去年舉家到上海旅行,兒子正橋是祥仔和Julia的混合體。



我們仨

黎耀祥愛畫畫,會跟兒子正橋一起畫生日卡給太太Julia。

這幅一家三口的郊遊圖,正是他們的生活寫照。

「兒子十一歲了,過多幾年便十八歲,快長大成人了。」

祥仔記得兒子升讀小學的第一天,混在一堆嘰嘰喳喳的小學生裏,慢慢走進校園時,不斷回頭。祥仔看着他的背影消失在大閘後,對着背影既欣喜又悲傷。

「人生無不散之筵席,將來他走不走,個心喺唔喺度,對我兩夫婦來說不重要,最重要是現在。」

在這一生中,他知道自己將會一次又一次看着兒子離開。

他想追回擁抱,但又不敢張聲。

就像兒子踏單車愈走愈遠,頭也不回地勇闖新世界,夫婦倆默默地追隨着他的背影。

「就算將來他有自己的世界,仍是每天在照亮我的生命。」

http://www.eastweek.com.hk/index.php?aid=280&highlight=%E9%BB%8E%E8%80%80%E7%A5%A5

[昔日新聞] 老婆探班接收工 風騷黎耀祥鬆毛鬆翼

2009-08-28

憑《巾幗梟雄》柴九一角爆到七彩的黎耀祥,劇集落幕多時依然大把Job做,忙至周末日都要開工的他,其妻為爭取與老公見面,不惜冒住翳焗天氣往外景場地探班。日前,祥仔與毛舜筠在中半山街頭為《畢打自己人》拍外景,祥嫂到場乖乖企埋一邊等老公收工;不過,礙於女監製要求高,Take完再Take,毛毛黑面叉腰表達不滿,但有老婆現身支持的祥仔則非常風騷,OT兩個鐘後依然笑笑口主動跟記者打招呼,然後由老婆做司機接他往撐腳。採訪︰韓成、袁東亮

  《畢打自己人》播至明年2月就大結局,劇情原本安排飾演殷賞的毛毛會同飾演其前夫的歐錦棠復合,但據知毛毛就主動提出要求,要同黎耀祥飾演的余家昇結婚,所以未來日子,祥仔的戲份會愈來愈多。

  OT兩粒鐘毛毛黑面

  黎耀祥忙到甩轆,其妻惟有做跟得夫人務求見多幾面,日前,祥仔與毛舜筠在中半山街頭為《畢》拍外景,祥嫂滴汗企埋一邊等老公收工,不過,礙於女監製要求高,行到腳軟的毛毛以黑面叉腰抗議,拍完更一聲不響轉身收工,相反有老婆現身支持的祥仔則非常風騷,OT兩個鐘後依然笑容滿面,問到女監製是否要求太高導致OT,祥仔笑笑口答:「每個人做方式唔同。」然後由老婆做司機接他往撐腳。


※祥仔老婆為爭取與老公見面,即使天氣翳焗都往探班,睇到眼定定。




※無人探班又要OT的毛毛鏡頭前依然專業,但監製Take完再Take,毛毛忍唔住黑面叉腰表達不滿。




※有老婆支持,祥仔即使OT兩個鐘都笑笑口。


※收工後由老婆做柴可夫司機,接祥仔往撐腳。

(頭條日報)
http://www.hkheadline.com/ent/ent_content.asp?contid=86955&srctype=n

[新聞] 黎耀祥糕招迎春念親恩

黎耀祥很喜歡農曆新年的感覺,尤其是年輕時的新年,雖然所有店舖都關門,不過那份過時過節的熱鬧氣氛,比現時有過之而無不及。而祥仔與太太Julia往年都甚少行花巿,不過秉承祥仔母親的傳統,他們每年都會親自炮製幾底蘿蔔糕,今次更親自為本報示範。

有板有眼

拍照時,見祥仔煎糕時有板有眼,說到整蘿蔔糕的材料,他謂︰「每逢過節都會特別掛住阿媽,以前阿媽會自己整蘿蔔糕、角仔,全盒所有嘢又會好齊全,細個年年都會跟大隊一齊去大伯父、二伯父屋企拜年、逗利是,真係好開心,不過呢兩年都要出外登台,屋企全盒冇擺,又唔會有人嚟拜年,最多都係約阿哥、家姐食飯,可能阿媽唔喺度啦!有老人家喺屋企,凝聚力大啲嘅。」

撇甩囝囝

而過往兩年,祥仔都要往內地登台兼過農曆新年,今年亦一樣,他與太太將於年三十晚出發到馬來西亞,之後再到美加登台搵真銀,至於囝囝就會留在香港過新年。

祥仔謂︰「個仔要趕住返學,所以都跟唔到我哋去,本來想同太太留多幾日美加探親友,但係我又要返嚟開劇,我都同老婆講,以後新年都係請定假,抖吓都好呀!」


黎耀祥每年都會在家自製蘿蔔糕,手勢有板有眼。


黎耀祥餵老婆食蘿蔔糕,相當甜蜜。


黎耀祥坦言近年農曆新年都要出外登台,故來年希望能與太太Julia請假休息抖抖。

(東方日報)
http://orientaldaily.on.cc/cnt/entertainment/20110202/00282_026.html ================================================
黎耀祥請假陪老婆過年

公認恩愛的黎耀祥與太太Julia,每年都炮製年糕,祥仔表示自製年糕令他分外想念已離世的媽咪:「以前媽咪會自己整年糕同角仔,所以我哋依家都秉承佢留落嚟嘅傳統。」Julia透露奶奶在生時,由年廿五開始已忙個不停:「佢連角仔、豆沙角都識整,仲教我用木條壓薄啲餡皮。」她還自爆每逢新春都為老公及兒子正橋準備新睡衣、拖鞋及內衣褲。

另外,祥仔過往幾年的農曆新年都外出登台,今年亦不例外:「我同太太今晚就會飛去馬來西亞,之後再去美加,本來想留多幾日探親,但我要趕返嚟開劇,所以我同老婆講,以後新年都會請定假,抖吓都好吖!」


祥仔與老婆Julia合力煎糕,期間有商有量,盡顯默契!


祥仔細心地餵老婆食糕,令她甜入心。

(太陽報)
http://the-sun.on.cc/cnt/entertainment/20110202/00470_018.html