[FACE週刊第198期] 徐子珊咀歪吳卓羲

鼻歪嘴歪
為投入二人咀到瞇晒眼，吳卓羲嘅嘴同鼻仲因為徐子珊塊面太貼而歪晒。

上星期四， FBI路經何文田太平道，發現徐子珊同吳卓羲喺度拍緊《法證先鋒Ⅲ》喎。當晚佢哋拍一場咀戲， FBI見到子珊同吳卓羲撲埋一齊係咁咀，雖然二人冇乜 NG，但就要應導演要求，起碼咀咗 5、 6次嚟度位，搞到吳卓羲嘴都歪埋。好彩對手係子珊唔係咀欣宜啫！

金魚嘴
口歪鼻歪後就變為金魚嘴，幾多花款喎。

拗晒腰
子珊出名蛇腰，當日佢同唱 K撲埋就拗晒腰，認真誇張。

擰歪面
咀咗 5、 6次後，導演叫停，吳卓羲即刻擰轉面，同子珊保持距離。成棚記者喺佢面前，都係小心啲好。

奀茄偷影
二人咀嘴期間，沈震軒同沈卓盈竟然用 iPhone偷影，做埋狗仔嗰份。