因為《天與地》的關係，重燃觀眾追劇的心情；監製戚其義與編審周旭明再度聯手打造新劇《心戰》，繼續以破格手法探討人性。一頭銀白色長髮造型的鄭少秋，坦言今次角色最複雜，他對劇中對手、演變態殺手的陳豪讚不絕口：「佢用內斂嘅情緒去演好激嘅嘢，真係揀啱方向，我家都唔可以同佢比！」
撰文：何慧斯
在無綫劇集《心戰》中，飾演戲劇大師的鄭少秋，以演技推斷兇案細節協助警方破案，陳豪（ Mo）則飾演魔術師兼變態連環殺手，隨着兩人的接觸越多，秋官發現陳豪背後隱藏很多秘密，更相信與連環殺手有關，繼而掀起一場正邪角力。
《心戰》播映只有一星期，坊間已經有很大的迴響，網民在討論區內紛紛透露劇情，議論紛紛，戲內戲外都稱得是戲劇大師的秋官，對於陳豪今次的破格演出讚不絕口：「阿 Mo呢次嘅角色喺電視上未做過，拍宣傳片啲同事，睇完片段都話阿 Mo今次會畀觀眾新刺激，佢係一個好鍾意做戲嘅人，我感覺到佢希望每一次演出都有新嘢，呢次做法係考驗自己，佢專登收斂啲去做好激嘅嘢，今次佢揀啱咗方向，呢啲咪係好演員，真係任怨任勞，我家都唔可以同佢比。」
角色複雜
秋官又說：「實在呢套戲係等於破案，雖然我哋講到好懸疑，好玄妙，用演技去破案，但係我哋好清楚話你知係點樣做，我哋啲線好明確，等於研究一個人嘅思想行為。呢類新聞每日打開報紙都會睇到，假如你用理性分析件事，你會覺得無理由會發生，如果將啲新聞拍出嚟，又會俾人話戇居，點會咁呀？家阿戚啲嘢，你可以話佢戇居，但係佢就要咁樣，人同生活就係要咁樣，人性就係咁，呢樣係阿戚嘅熱誠。」
過往演慣大俠的秋官，今次亦有別過往，一頭銀白色的長髮造型，不單要代入疑兇角色查案，短時間融入不同角色，演出多場戲中戲，難怪秋官坦言今次角色最複雜，他說：「旭明嘅劇本寫得好緊湊，我收到劇本嗰陣，我同旭明講，如果我有乜唔明，會隨時打畀你。初期都有問，不過埋咗位之後已經冇時間問。」
放下執着
問秋官過往有否試過出現類似情況，他坦言：「真係好少，但曾經有個階段好緊張自己嘅戲，嗰陣係電視劇高峰期，我嗰時個勢好似樣樣都得，所以會好緊張想保護呢個成績，即係點解話阿姐（汪明荃）咁緊張四圍管啲監製，佢只係想保護自己嘅成就，我曾經都有段時間係咁，後來先諗通，呢個只係我理想諗法，事實上要各師各法，擺埋一齊先有新嘢出嚟，唔可能個個都係鄭少秋嘅諗法，如果個個啲戲都係咁，有乜癮呀？你要放番畀人做。」
問秋官今次是否要出盡全力上陣？他笑說：「我次次都係盡力做好每個角色，有時咪以為平淡簡單嘅角色易做，事實上越平淡、越簡單就越難掌握，反而越激烈、越澎拜嘅戲會容易捉到重點。」作為一個演員，能夠成功演活一個角色，得到觀眾認同，當然開心，不過在過程中忘我地投入角色，又是另一層次的享受，秋官說：「到咗呢個階段，感覺真係好 high，做演員情緒好豐富，觸覺亦好敏銳。我以前講過演員只可以用感性唔可以用理性，雖然唔可以一概而論，當有嘢要分析咪用理性去支持，但演嗰陣只可以用感性。」
陳豪原創
至於不少觀眾覺得故事情節與某些電影相同，血腥殺人的場面層出不窮，陳豪認為：「電視嘅尺度係非常有限，我哋只係透過畫面、氣氛令觀眾感受嗰種氣氛，我哋嘅戲反而係較着重內心世界，我殺人動機只係掩飾過去。我知大家話套劇似《沉默的羔羊》，但係我好注重原創，我唔要有任何人哋嘅影子，我要由零開始去創造，透過我嘅創意同過濾表達出嚟，我唔會諗好唔好，最少係我原汁原味創造出嚟。」
至於劇集的收視，雖然有人覺得現階段的收視未有定案，但他們異口同聲地說：「或者家趨勢係戲好未必等同收視好，我哋唔係放棄，一套劇嘅成功，唔係一個人嘅力量，好多方面配合，我哋有信心亦都有期望。」
(蘋果日報)
======================================================
秋官無懼血腥劇被Cut
前晚播出的第5集《心戰》再有殺人場面，飾演陳豪邪惡心魔的黃德斌殺害懦弱心魔戴耀明，而劉丹得悉其妻因李家鼎而死後刀插其大髀，鼎爺奪門而出並插死鄭少秋女兒的兒時好友羅泳嫻。此外，劇集還有陳豪兒時父親綁架秋官女兒的片段，埋下弒父伏線。《心》劇話題不絕，帶挈眾主角成為追訪目標，日前秋官接受電台訪問後被包圍，對於劇集收到大量投訴，他笑說：「係好事！（丁蟹效應拖累股市？）咁咪幾好，要入貨，等我問吓老婆先。」並表示不擔心劇集因太敏感而被禁播。
(太陽報)
http://the-sun.on.cc/cnt/entertainment/20120527/00470_043.html
======================================================
新劇接投訴秋官讚好
無綫話題劇《心戰》播出後毀譽參半，主角鄭少秋日前往電台接受訪問，泊車後被問到劇集收到大量投訴，秋官笑言有投訴是好事。此外，《心戰》前晚第五集再有殺人場面，劉丹用刀插傷李家鼎大髀，受傷的鼎爺奪門而出並插死鄭少秋女兒小時候的好友羅泳嫻。
(東方日報)
http://orientaldaily.on.cc/cnt/entertainment/20120527/00282_029.html
沒有留言:
張貼留言