早前剛播映完的無綫劇集《造王者》，找來影帝鄭則士和視帝黎耀祥兩大高手孭飛，不少人認為今次是頒獎禮的前哨戰，大家以為他們為追逐名利而拼過你死我活，似乎大錯特錯，正所謂識英雄重英雄，祥仔直言：「同Kent哥合作最開心嘅地方，我哋都明白係要做好套戲，大家嘅方向好清晰，最重要係部戲好睇，邊個出唔出都唔緊要，我哋都認同就算出咗個人物，但係戲唔好睇，咁又有乜用？冇意思㗎，所以呢個溝通同方向係好緊要，我覺得其他演員應該係咁樣，家好多後生係為咗搶戲而搶戲，結果搞到破晒啲戲，搞到啲水準越嚟越差，冇咗個方向。」
 |
貴為入圍視帝的大熱人選，鄭則士與黎耀祥識英雄重英雄，一直以來合作愉快。
|
 |
祥仔直言獎項是娛圈的宣傳活動，攞獎要平衡政治等其他因素。
|
贏經驗零對手
Kent哥坦言很欣賞祥仔今次《造王者》的演出，他說：「我唔係擦祥仔鞋，但係祥仔今次加咗好多分，點解會咁講？佢做《盛世仁傑》同《造王者》嘅心態有好大分別，《盛世》雖然壓咗好多有能力嘅人，但只係去到二線頭同一線邊，佢呢幾年嘅洗禮亦令到佢成長得好犀利，以前佢可能係將軍，家變咗係主帥，主帥嘅策劃同變動能力強好多，《造王者》係絕對睇到佢嘅進步，遇到嘅事情令佢成熟穩重咗，要有咁嘅人先會壓得到戲，先可以得心應手。」
Kent哥直言今年視帝對手不多，他說：「我都有同祥仔講過，今年數對手就冇，三連冠畀唔畀你就睇吓個天幫唔幫你。」論資排輩又實在難分高下，Kent哥笑說：「佢攞最佳男主角，我攞最佳男配角囉，點解我會咁講？到今時今日為止，今年冇乜特別出色嘅角色，反而佢落嚟仲有套《大太監》，你計到一定唔會唔好睇，佢由後生做到老，個變化係好大，試問搵乜同佢打？真心話講，如果冇其他外來因素，祥仔係好有希望。」
 |
祥仔先後憑《巾幗梟雄》和《巾幗梟雄之義海豪情》兩度封視帝。
|
考慮政治因素
對於Kent哥的讚賞，祥仔說：「我覺得有好多嘢要平衡，我成日都話獎項係圈裏面嘅宣傳活動，要平衡埋啲政治同埋功用，唔係話好就係得，有啲因素真係要考慮。」敢言的Kent哥反而持相反的態度，他說：「如果唔係好特別，就唔使放到咁大，放到咁大都係因為重視呢樣嘢，好似攞金牌同銀牌比，睇吓調轉制唔制？不過都要兩方面睇，有啲攞完沾沾自喜，但係平心而論係咪應該呢？有啲真係好努力，但原來係乜都冇，呢樣嘢唔係我哋嘅控制範圍，所以只有平心而論我哋對演戲嘅睇法，而唔能夠講其他嘢。」正因為這原因，祥仔和Kent哥反而求好劇本多於其他。
老戲骨後繼無人
祥仔憶述當年在訓練班的日子，倍感懷念，他說：「嗰陣時大家一齊搬道具、排戲，一班人同心合力為部劇，家你會發覺新一輩好似各自為政，你有你打電話，佢有佢打遊戲機，入到廠好似一盤散沙，冇咗個團隊精神。」Kent哥更有感而發說：「嗰種唔努力已經由化妝開始，佢哋會揸住個電話不停㩒，但係冇乜特別事，無厘頭咁玩，變咗冇去進修，拍戲未成材之前係苦功，嗰種苦係心力交瘁之外，又唔可以當係乜嘢一回事咁不停去追，幾時成材唔知，睇吓個天幫唔幫你。」
賺錢養家
面對娛樂圈的青黃不接，祥仔承認問題嚴重：「我哋都希望多啲人去參與戲劇，引起新一輩嘅興趣，呢個唔係一個人參與嘅遊戲，唔好以為企喺一邊就冇興趣，事實上如果大家都做得好，係一件好好玩嘅事，講到底呢個遊戲係大家一齊玩。」Kent哥接着說：「其實呢行真係要有好強嘅鬥心先得，唔係今日拍完好就得，仲要keep住每日都要有進步，要畀自己滿意，我同祥仔都係想搵多啲錢令家庭生活好啲，大家都係專業，只係做好自己嘅嘢，壯大自己嘅能力，再用呢個能力去長存，講句難聽啲，我哋都將演藝事業判斷做終身職業，變咗好專注去做呢件事，所以你會希望撞到好多唔同嘅嘢，令根基越嚟越厚。」 黎耀祥Hair：Ivan Lee@HeadquartersImage：k@geniuskingdom.com
場地提供：AKA Japanese Cuisine& Lounge
(蘋果日報)
http://www.ihktv.com/kent-wayne-king-bucket.html
考慮政治因素
對於Kent哥的讚賞，祥仔說：「我覺得有好多嘢要平衡，我成日都話獎項係圈裏面嘅宣傳活動，要平衡埋啲政治同埋功用，唔係話好就係得，有啲因素真係要考慮。」敢言的Kent哥反而持相反的態度，他說：「如果唔係好特別，就唔使放到咁大，放到咁大都係因為重視呢樣嘢，好似攞金牌同銀牌比，睇吓調轉制唔制？不過都要兩方面睇，有啲攞完沾沾自喜，但係平心而論係咪應該呢？有啲真係好努力，但原來係乜都冇，呢樣嘢唔係我哋嘅控制範圍，所以只有平心而論我哋對演戲嘅睇法，而唔能夠講其他嘢。」正因為這原因，祥仔和Kent哥反而求好劇本多於其他。
 |
不停互笠高帽的鄭則士與祥仔，只求好劇本多於獎項。
|
 |
與老戲骨米雪合作無綫劇《大太監》，祥仔的演技可發揮得更淋漓盡致。
|
 |
早前播畢的無綫劇《造王者》，成功造就忠臣祥仔與奸角鄭則士這兩位王者。
|
老戲骨後繼無人
祥仔憶述當年在訓練班的日子，倍感懷念，他說：「嗰陣時大家一齊搬道具、排戲，一班人同心合力為部劇，家你會發覺新一輩好似各自為政，你有你打電話，佢有佢打遊戲機，入到廠好似一盤散沙，冇咗個團隊精神。」Kent哥更有感而發說：「嗰種唔努力已經由化妝開始，佢哋會揸住個電話不停㩒，但係冇乜特別事，無厘頭咁玩，變咗冇去進修，拍戲未成材之前係苦功，嗰種苦係心力交瘁之外，又唔可以當係乜嘢一回事咁不停去追，幾時成材唔知，睇吓個天幫唔幫你。」
 |
與太太育有一子的祥仔，最重視與家人關係。
|
賺錢養家
面對娛樂圈的青黃不接，祥仔承認問題嚴重：「我哋都希望多啲人去參與戲劇，引起新一輩嘅興趣，呢個唔係一個人參與嘅遊戲，唔好以為企喺一邊就冇興趣，事實上如果大家都做得好，係一件好好玩嘅事，講到底呢個遊戲係大家一齊玩。」Kent哥接着說：「其實呢行真係要有好強嘅鬥心先得，唔係今日拍完好就得，仲要keep住每日都要有進步，要畀自己滿意，我同祥仔都係想搵多啲錢令家庭生活好啲，大家都係專業，只係做好自己嘅嘢，壯大自己嘅能力，再用呢個能力去長存，講句難聽啲，我哋都將演藝事業判斷做終身職業，變咗好專注去做呢件事，所以你會希望撞到好多唔同嘅嘢，令根基越嚟越厚。」 黎耀祥Hair：Ivan Lee@HeadquartersImage：k@geniuskingdom.com
場地提供：AKA Japanese Cuisine& Lounge
(蘋果日報)
http://www.ihktv.com/kent-wayne-king-bucket.html
沒有留言:
張貼留言