三屆視帝黎耀祥昨日在將軍澳以代言人身份出席百佳四十周年活動。長做長有的祥仔連續第四年為百佳擔任代言人，兼且年年有人工加，他受訪時大賣口乖說：「我由細到大都好鍾意同阿媽行百佳，買嘢仲可以消磨時間。我仲係最長壽嘅百佳廣告代言人，希望再做多四十年，到時同百佳慶祝八十周年生日。」
對於和黃擬放售百佳，擔任代言人的祥仔說：「冇影響，廣告都係逐年續約，啱啱3、4月先續完約，新約最快都要出年先傾，轉新公司希望又有人工加，TVB都賣咗盤啦，大公司只係會愈做愈好，唔會有影響嘅。」
遊日享天倫
最近完成新劇拍攝的祥仔忙於搵真銀，昨日即飛往福州出席活動，對於大陸航班經常延誤，他笑謂日後傾合約或者要考慮加入航班延誤酬勞。完成福州登台後祥仔終於可以旅行休息一下，他說：「已經有15年冇正式一家人去過旅行，好期待今次兩個禮拜嘅日本旅行。」
祥仔到日本旅行之後，已經有兩套劇集等待他開工，首先是八月中到天津客串王晶為無綫拍攝的時裝劇，他扮演汪明荃年輕時期的丈夫，其他演員則有劉愷威、蕭正楠等，到九月則返無綫與蘇玉華開另一套新劇，視帝認真唔易做。
 |
祥仔再擔任超市代言人，並透露年年加人工。
|
 |
祥仔不擔心百佳賣盤，更笑言想做多40年代言人。
|
 |
孝順的祥仔自細最愛與母親逛超市。
|
(東方日報)
http://orientaldaily.on.cc/cnt/entertainment/20130725/00282_016.html#Scene_1
=========================================================================
黎耀祥望冧莊代言40年
三屆視帝黎耀祥昨日以代言人身份出席活動，他自言是百佳最長壽的代言人，希望再做多四十年，為其慶祝八十大壽，更指百佳賣盤就如無綫般愈做愈好，大賣口乖！
黎耀祥昨日到將軍澳出席百佳四十周年活動，他已連續四年擔任代言人，問到和黃擬放售百佳，對他可有影響？祥仔說：「冇影響，廣告都係逐年續約，啱啱3、4月先續完約，新約最快都要出年先傾。轉新公司希望有人工加，TVB都賣咗盤啦！大公司只會愈嚟愈好，唔會有影響嘅！」擔任代言人的他年年有人工加，故大賣口乖：「我由細到大都鍾意同阿媽行百佳，買嘢仲可以消磨時間。我仲係最長壽嘅百佳廣告代言人，希望再做多四十年，到時同百佳慶祝八十周年生日！」
祥仔最近完成新劇拍攝後投入搵真銀，昨日完成活動後即飛往福州登台，提到內地航班經常延誤，他笑說日後傾合約或要考慮加入「航班延誤酬勞」。祥仔之後將與家人去旅行充電，他說：「已經有15年冇正式一家人去旅行，好期待今次兩個禮拜嘅日本旅行！」
劇接劇冇時停
視帝唔易做，日本之旅結束後，他將開拍兩套劇集，下月中要到天津客串王晶為無綫拍攝的時裝劇，飾演汪明荃年輕時期的丈夫，其他演員有劉愷威及蕭正楠等；九月則會返無綫與蘇玉華拍另一套新劇。
 |
為百佳擔任代言人的黎耀祥大賣口乖，希望長做長有！
|
 |
魅力十足的祥仔與小天使及家長合照，大小通殺！
|
(太陽報)
http://the-sun.on.cc/cnt/entertainment/20130725/00470_050.html
==========================================================================
百佳賣盤 祥仔望提高代言價
【明報專訊】黎耀祥昨以代言人身分出席「百佳生日一齊做善事」活動。他接受訪問時有品牌公關在旁監聽，但視帝祥仔走慣江湖識賣口乖，他表示到目前為止，是該品牌最長壽代言人，已是第4年合作，今年是該超市40周年，他希望能夠做多4個10年的代言人。記者指該超市若賣盤的話，他是否也要改簽新約？他稱自己在3月才續新合約，所以暫時不會有任何改變，即使賣盤亦如無綫一樣，只會愈做愈好，故未有擔心合約改變，唯一想合約改價錢，可以更高。
他表示稍後一家三口與朋友一起去日本旅遊，因為內地亦接商演及會客串王晶與內地合作的無綫劇集，故只能得半個月休息。
記者﹕魏人
 |
祥仔已代言百佳4年，望再做多40年。
|
(明報)
http://ol.mingpao.com/cfm/star5.cfm?File=20130725/saa01/med1.txt
==========================================================================
黎耀祥：超市賣盤無問題
昨日黎耀祥出席代言人的超市活動，他透露已為該超市擔任代言人4年，是有史以來最長時間的代言人。他指雙方合作愉快，他每年有加酬勞。提到有指該超市賣盤，他說：「無問題，我無綫都賣盤啦，賣盤只會愈做愈好。」
此外，黎耀祥透露稍後會全家人及親友到日本旅行，大歎這次是10多年來首次全家人正式旅行，「之前都係偷得浮生，多數都係出外工作，自己留低一兩日。」祥仔說逗留日本8至10日，稍後回港客串由王晶監製的無綫劇集，「8月開拍，我客串阿姐(汪明荃)年輕時的前夫。」
(星島日報)
http://news.sina.com.hk/news/20130725/-17-3025329/1.html
==========================================================================
黎耀祥賣盤冇影響
黎耀祥昨日在將軍澳出席百佳活動，近日有傳百佳賣盤，其代言人合約有否改變？祥仔說：「唔會，廣告合約每一年重新去簽，唔會中途有變。」他透露今年剛續新約：「希望嚟緊40年都係我做。」有否留意賣盤消息？他說：「我諗影響唔大，大機構有佢嘅運作，唔會為一件事影響。」
稍後祥仔會與家人到日本旅行，他說：「呢次係15年嚟第一次同屋企人真正去旅行，跟住會客串晶哥（王晶）嘅電視劇，今次我做阿姐（汪明荃）後生時嘅老公。」
活動後祥仔趕往福州工作，卻遇到航班延誤，所以在微博狂呻。
採訪、攝影：何慧斯
 |
| 黎耀祥不擔心因賣盤傳聞而影響代言合作關係。 |
(蘋果日報)
http://hk.apple.nextmedia.com/entertainment/art/20130725/18347731
沒有留言:
張貼留言