[新聞] 拍喜劇《水髮胭脂》宣傳片 黎耀祥Chok住咀蓋鳴暉

繼多年前合作《西遊記》後，黎耀祥與蓋鳴暉有機會再合拍喜劇《水髮胭脂》，昨日二人拍攝節目巡禮，只見他們一時扮接吻、一時扮怕醜，表情誇張又好笑！

黎耀祥因為要配合播出只有1分鐘左右的節目巡禮，所以現場無論動作表情都特別Chok，他笑言因為時間太短，所以演出要誇張一點，利用兩場戲便要突出所有劇中人物性格和故事，亦希望屆時劇集開得成，因很久未有再拍喜劇。

故事講述怕醜的蓋鳴暉是粵劇反串小生，於現實中做回女生即不懂如何去愛兼無膽入情關，與祥仔拖拖拉拉，其中一個鏡頭講她差點跌落懸崖，就是以誇張手法講述她如何怕接觸男生。其實他們自合作《西遊記》認識，之後也合作過《畢打自己人》，所以二人相當熟絡。

至於3年未拍劇的蓋鳴暉似乎對鏡頭感陌生，但幸好也很快再上手，與祥仔再結片緣很開心；她坦言與無綫有劇集合約，他們說長篇不行就拍短篇，但要拍長劇才能解戲癮，最辛苦是不夠睡眠時間，但她很享受整個演戲過程，與劇組像一家人的感覺。

問到身為視帝的祥仔與前有分別嗎？蓋鳴暉表示對方成名之後一樣是好好先生，唯一不同是變得成熟，以前《西遊記》是大細路喜歡玩，現在穩重好多，很會照顧對手。

祥仔與蓋鳴暉扮接吻，表情很誇張。

(星島日報)

http://news.sina.com.hk/news/20131008/-17-3084907/1.html
================================================================祥仔送吻驚嚇　蓋鳴暉速逃

黎耀祥、蓋鳴暉噚日喺大帽山幫無綫拍《水髮胭脂》節目巡禮，呢個好明顯係搞笑劇，因為劇中祥仔要力追都係做粵劇老倌嘅蓋鳴暉，但慣咗反串做小生嘅蓋鳴暉唔識應付愛情呢味嘢，見到祥仔都怕怕，從中發生唔少笑料，噚日拍攝時，佢兩個仲有作狀親吻戲㖭，都算重口味！

撻足五次

拍攝時為咗營造喜劇效果，祥仔一於chok到盡，蓋鳴暉就半推半就，既表現出冧樣，但見祥仔要咀過嚟時，又扮驚逃走，仲講佢嚇到碌落山，所以蓋鳴暉就要拍撻落榻榻米嘅戲拍咗五次咁多。
祥仔話拍巡禮得幾分鐘交代劇情，所以要誇張啲，笑言自己啲表情好似色狼咁：「不過場親熱戲係唔會真錫。」祥仔同蓋鳴暉對上一次合作係三年幾前嘅《畢打自己人》，祥仔希望呢個劇拍得成，因為佢好耐冇拍喜劇，亦都想探討啲老倌嘅內心世界。  

能夠再同祥仔合作嘅蓋鳴暉就話好開心，個戲係做番自己，不過見佢拍攝時走位有啲陌生，佢話：「好耐冇拍劇，好在有祥仔幫，若果拍都係明年嘅事，應該可以適應。」
蓋鳴暉又讚祥仔比以前穩重：「佢拍《西遊記》時好鍾意玩，𠵱家穩重咗，人仲係咁好，成功人士成名就係冇乜分別。」

祥仔承認為咗幾分鐘內表達劇情，所以同蓋鳴暉嘅形體動作都要誇張啲。

(蘋果日報)有片睇
http://hk.apple.nextmedia.com/entertainment/art/20131008/18454003