【明報專訊】息影6年的黎姿，日前出席其CosMax激光醫學皮膚護理中心中環分店開幕禮做生招牌，她雖已是三女之母，但依然明艷照人，歲月沒有在臉上留下任何痕，肌膚白滑，身形更加是fit到漏油。大姐大可以大膽講句：「黎姿仲靚過以前，fit過以前！」黎姿與所有做美容的人說法一樣：「世上無唔靚的女人，只有懶的女人，想靚就唔可以懶。我是白老鼠，所有機器我親自試過才推出。」
妮歌潔曼後悔打Botox
以為黎姿會hard sell護理中心的產品，但她反而倒米：「冇乜事就唔好做，唔好碰咁多塊面，有鬆馳和雀斑先好去處理，唔好話做什麼激光、facial和C6，要問過專業醫生意見才做，同埋唔好貪心，貪心就好膠。我話間係美容院，細佬睇到即刻慢慢用手打字email畀我更正，話這間不是美容院，而是皮膚醫學診療所 。」
黎姿說得對，不要貪心，貪心就會膠，很多人因為貪心而搞到「膠面」，荷李活巨星金像影后妮歌潔曼曾表示後悔曾打Botox弄致「膠面」，令臉部冇晒表情，影響演出。《Hotel King》韓國女星李多海、《城市臘人》朴敏英亦被指整容現「膠面」，只得嘴把郁郁說對白和眼仔睩睩，臉上毫無表情。
李麗珍認打瘦面針
劉曉慶、模媽陳靜儀（Mia）、黃婉曼、劉愷威、汪東城，以及最近演出劇集《女人俱樂部》的李麗珍也現「膠面」，李麗珍承認曾打瘦面針。早前突然現身香港、息影多年的80年代「女神」王祖賢亦驚現「膠面」，事後獲朋友拍照上載微博，力撐她無整容，只是沒有化妝和拍攝角度問題而已。
大姐大認同黎姿所說「唔好貪心，貪心就好膠」，睇睇這隻白老鼠仍這麼自然，就證明真係唔好貪心。
(明報)
http://ol.mingpao.com/cfm/star5.cfm?File=20140603/saa01/mau1.txt
沒有留言:
張貼留言