黎耀祥以大使身份出席「寸心行動」，呼籲學生捐錢並親自送交內地小朋友，讓他們更加了解當地情況，有關善款可以做教育基金，給小朋友了解保育環境的問題，同場還有全國人大常委會香港基本法委員會副主任梁愛詩。祥仔很鼓勵兒子參與，如果自己有時間可以跟兒子一起探訪，這樣更有意義，祥仔謂：「香港的小朋友太幸福，物質生活豐富，看不到貧窮地方的困難，慶幸兒子沒有公子病，他每月都會捐錢去慈善機構，(用自己零用錢？)唔係，都係我幫佢捐，但起碼讓他了解成件事。」黎耀祥謂：「視帝只是香港，但這個大使可以幫到內地人脫離隔代貧窮，希望將這個訊息傳開去，而且幫到人是福氣。」
今個農曆新年祥仔會到美加登台，屆時有太太同行，但兒子的假期太短要留在香港，(會否乘機造人？)試下啦，有消息會通知大家，(係咪想添個BB？)唔係，一個夠晒數，免得分薄對兒子的照顧，如果有多餘錢可以捐款幫人。」提到有傳無線高層何麗全離職轉投now發展，祥仔表示未收到這個消息，也沒時間返公司了解。
(文匯報)
http://paper.wenweipo.com/2011/01/18/EN1101180017.htm================================================
黎耀祥：一個夠晒數
黎耀祥昨日以大使身分出席「寸心行動」活動，他覺得幫人是福氣，尤其希望內地更多人可以脫貧。祥仔即場呼籲學生捐款及親自帶善款返內地。他坦言香港小朋友太幸福，雖然兒子沒有「公子病」，但有時間希望與兒子一齊去探訪。
祥仔透露今年春節將到美加登台，太太亦會同行。追問會否想造人？他坦言不想，因為一個已經夠晒數。最近再傳出無綫高層何麗全辭職，他表示未收到消息，笑言可代傳媒了解。
(星島日報)
http://www.singtao.com/yesterday/ent/0118fo03.html================================================
黎耀祥生仔一個夠晒數
【明報專訊】黎耀祥擔任「寸心行動」大使，呼籲學生捐錢幫助內地有需要的小孩，他坦言兒子也有捐錢：「每個月，我也會代兒子捐錢去慈善機構，雖然錢由我出，但他也了解到應該做善事。」他表示奪得視帝殊榮是香港的事，而擔任「寸心行動」大使可幫助內地有需要的小孩，義意更大。
黎耀祥表示有機會，也想與兒子到內地山區探訪，他說：「香港的小孩太幸福，物質太豐盛，應感受一下別人生活的困難，能幫助別人是福氣。」農曆新年，黎耀祥會去美加登台，太太也會同行，不過兒子因為沒有太多假期，所以會留港。問到會否趁機「造人」？黎耀祥說：「一個夠晒數，我怕分薄對兒子的愛，有多餘錢的話，倒不如捐錢幫人。」
(明報)
http://ol.mingpao.com/cfm/star5.cfm?File=20110118/saa01/mee1.txt================================================
黎耀祥教囝囝每月捐錢
黎耀祥噚日以大使身份到灣仔出席「寸心行動」，呼籲市民到內地探訪貧困同有需要嘅人，又叫小朋友捐利是錢送到內地，祥仔喺台上講：「視帝只係限於香港，但做呢個大使就可以幫埋內地人，幫到人係一種福氣。」訪問時祥仔話想同個仔一齊返內地探訪，至於個仔有冇公子病？佢話：「咁又冇，每個月佢都有捐錢，不過其實都係我嘅錢。」提到無綫高層何麗全將離職，祥仔表示未有所聞。
(蘋果日報)
================================================
政情：肥平籲捐利是助內地貧童
香港人豐衣足食，莫講話缺糧，連制水都少見。不過遠在甘肅嘅小朋友，就飽受沙漠化困擾，三餐不繼。由前民政事務局局長何志平等人組成嘅「寸心行動」，尋日發起捐利是行動，呼籲全港中小學生，新年後捐出一封或以上利是，送暖到內地。教育局副局長陳維安（Kenneth）帶頭做好榜樣，教囝囝善用利是。
陳維安封利是冇上限
Kenneth教仔有一套，舊年鼓勵大仔去桂林陽朔做義工，了解民間疾苦。肥平發起嘅「寸心行動」，佢都好支持，鼓勵學生將部分利是儲起之餘，捐助內地貧苦大眾，仲教佢囝囝咁樣善用利是。講起封利是，Kenneth唔使太太操心，由佢一手包辦，仲自爆封利是冇上限。
「寸心行動」主要為中國受沙漠化或荒漠化影響嘅貧瘠地區籌款，用作綠化環境及扶貧。不過肥平話，全世界最沙漠化嘅地區，係香港人嘅愛國心。佢話中國幅員廣闊，香港學生捐出嘅利是錢，只係杯水車薪，意義大於實際，事關香港回歸十三年，好多人依然未有愛國意識，所以希望透過今次活動，灌溉香港年輕一代沙漠化咗嘅愛國心。
(東方日報)
http://orientaldaily.on.cc/cnt/news/20110118/00176_082.html?pubdate=20110118================================================
政情：肥平送暖籲港生捐利是
由民政事務局前局長何志平等人組成嘅「寸心行動」，尋日發起捐利是行動，呼籲全港中小學生，新年後捐出一封或以上利是，送暖到內地。
教育局副局長陳維安舊年鼓勵大仔去桂林陽朔做義工，了解民間疾苦。肥平發起嘅「寸心行動」，佢都好支持，鼓勵學生將部分利是儲起之餘，捐助內地貧苦大眾，仲教佢囝囝咁樣善用利是。講起封利是，佢唔使太太操心，由佢一手包辦，仲自爆封利是冇上限。
「寸心行動」主要為中國受沙漠化或荒漠化影響嘅貧瘠地區籌款，用作綠化環境及扶貧。不過，肥平話全世界最沙漠化嘅地區，係香港人嘅愛國心。佢話中國幅員廣闊，香港學生捐出嘅利是錢，只係杯水車薪，意義大於實際，事關香港回歸十三年，好多人依然未有愛國意識，所以希望透過今次活動，灌溉香港年輕一代沙漠化咗嘅愛國心。
(太陽報)
http://the-sun.on.cc/cnt/news/20110118/00408_003.html?pubdate=20110118
.jpg)
.jpg)
.jpg)
.jpg)
.jpg)
.jpg)
.JPG)
.JPG)
.jpg)
.jpg)
.jpg)
.jpg)
.jpg)
