[新聞] 苦等 14年 大茄捱出頭 宮崎隊長擔正日伽

在《義海豪情》分別演宮崎隊長及日文繙譯員的楊證樺與日伽，在劇中都有好表現，並獲金牌監製李添勝大讚，兩人即獲無綫賞識，在改編自幾米作品的新劇《你們我們他們》其中一個單元擔正做男、女主角。二人前日首日開工，心情興奮，繼續連聲多謝添哥提拔，在 TVB捱了 14年、 35歲的楊證樺則望有出頭天，表示自己人生還有很多個十年！

每個人都是等待一個機會，楊證樺等了 14年，憑着興趣及堅持，等閒之輩終有機會大躍進，在《義海豪情》做日本軍官，苦練幾句日文對白幾百遍，努力給人看見了，又得到認同，無綫隨即安排他在新劇《你們我們他們》其中一個單元做主角，劇情講述飾演 IT主管的楊證樺跟日伽是一對有可能發展的男女。

日伽有壓力

前日楊證樺及日伽在鯉景灣海旁拍攝外景，第一次擔正做主角的滋味，甜在心頭，楊證樺說：「好開心，第一次做主角，好多謝添哥，小慧姐。」日伽說：「真係好開心！好緊張，噚晚仲瞓唔着，好興奮。」首次擔正的日伽坦言有少少壓力，她說：「我喺 06年參加過港姐，不過冇入圍，之後去咗讀藝員訓練班。其實壓力都係自己畀自己，我會當係動力。」已有 14年演藝經驗的楊證樺表現淡定，不過他仍然覺得自己幸運，他說：「機會落喺我身上，我覺得自己好彩，好多朋友都戥我開心，尤其係一班同我同期訓練班出身、好多仲默默耕耘緊嘅演員。

同學多轉行

楊證樺續說：「我 89年已經接觸呢行，代表紐約參加過新秀歌唱比賽，之後參加藝員訓練班，第十屆畢業，都無乜同學留喺呢行，家 35歲，但我人生仲有好多個十年！」



(蘋果日報)
http://www1.hk.apple.nextmedia.com/template/apple/art_main.php?iss_id=20110304&sec_id=462&art_id=15037578

http://www.tvbchannel.com/zh-hk/you-that-we-take-them.html