文：影視組
佘詩曼過往曾發生不少意外，先後曾撼親下巴及撞車，大前晚她於杭州返港時，不慎被地上的冰跣倒，左手手肘着地，引致甩骹，要即時入院打石膏，亦因此要辭演無綫劇集《法證先鋒III》。除受皮肉之苦外，她坦言最不開心是影響劇組。
記者昨日致電阿佘，她聲線微弱的表示已跟監製梅小青、高層曾勵珍及樂易玲通電話：「最唔開心係影響咗小青姐，令佢好麻煩，劇組已開廠，如果停廠等我會有困難，最後公司叫我休息養傷，今次係第一次拍祥仔，依家拍唔到真係可惜。」她又坦言開始發覺腳部麻痹，醫生檢查後指壓着神經線，手痛之餘，腰亦不可保持一個姿勢太久，故睡也睡不好，幸而其母在港可照顧她。
黎耀祥感可惜
至於監製梅小青昨日接受訪問時透露，正急於物色另一個既好戲又是一線花旦頂替：「依家我處理緊，影響梗係有，不過阿佘好有演員道德，佢都話怕我哋唔知點算。（有乜心水？）之前睇咗祥仔、徐子珊拍落嗰啲片，佢哋做得好好，都要搵個好戲、一線嘅演員。」她表示最重要是阿佘身體健康：「就算夾硬要佢開工，個骹都好易甩，拆石膏後佢都要做物理治療。」
本是首次與阿佘合作、劇中與她飾演一對的祥仔說：「估唔到第一次同佢合作就撻Q，係咪我剋親佢呢！（想換邊個做你另一半？）依家個個埋晒班，我都幾戥監製頭痛。」而與阿佘有不少對手戲的徐子珊表示，已聽聞對方受傷：「最緊要早日康復，我之前未同佢合作過，本來打算向佢偷吓師，真係好可惜！」
黎諾懿碌落樓梯
另一邊廂，黎諾懿日前在中環為此劇拍攝一場碌落樓梯的場面，由於地上有不少玻璃，碌了十多級後，其餘都要由替身上陣，問他是否靚樣緊要時，他打趣地說：「梗係啦！我哋啲冇演技梗係要靠個樣。」對於有份參演該劇的佘詩曼辭演，他說：「唔知喎！冇聽過。但係都會問候佢，希望佢身體冇事，快啲好番，可以盡快投入工作。」
(太陽報)
http://the-sun.on.cc/cnt/entertainment/20110122/00470_020.html
================================================
佘詩曼仆甩臼新劇被飛
佘詩曼原本於大陸返港拍攝新劇，但不慎跌甩手臼，要打石膏兼休養六星期，令監製要臨時換女主角，認真頭痛。首次與阿佘合作的黎耀祥大嘆可惜：「估唔到第一次同佢合作就撻Q，係咪我剋親佢呢？」
本報收到消息，阿佘大前晚於杭州準備返港時，到機場遇大雪，落車時不慎被地上的冰跣倒，其左手手(月爭)先落地引致甩臼，要即時在當地醫院打石膏。阿佘回港後即時再求醫，拆了石膏再包過，不過由於休養需時，故被迫辭演劇集《法證先鋒Ⅲ》。
監製選新角頭痛
阿佘昨日接受電話訪問，她聲線柔弱謂：「我發現隻腳開始麻痹，醫生檢查過話壓住神經線，依家隻手好痛，條腰又唔可以保持一個姿勢太耐，所以尋晚都瞓得唔好。」雖然日常生活有很多不便之處，但慶幸佘媽媽在港照顧她。昨日阿佘已向監製梅小青、高層曾勵珍及樂易玲溝通，她說：「最唔開心係影響咗小青姐，令佢好麻煩，劇組已開廠，如果停廠等我會有困難，最後公司叫我休息養傷。今次係第一次拍祥仔，依家拍唔到真係可惜。」
監製梅小青承認急切找一位既好戲又是一線的演員頂替阿佘，她說：「依家處理緊，原本佢今日開工，依家影響梗係會有！不過阿佘好有演員道德，佢都話怕我哋唔知點算。（選角有乜心水？）都要一線啦！之前睇咗祥仔、徐子珊拍落嗰啲片，佢哋做得好好，都要搵個好戲啲嘅。」她強調最重要是阿佘身體健康：「就算要佢夾硬開工，佢個臼都好易甩，佢抖完六個星期都應該要做物理治療。」
祥仔要靚女拍檔
劇中與阿佘飾演情侶的祥仔聞得拍檔甩臼被「飛」新劇，他坦言「打個突」：「估唔到第一次同佢合作就撻Q，係咪我剋親佢呢？（想換邊個做你另一半？）真係唔知，好難講，依家個個埋晒班，我都幾戥監製頭痛。（搵番個好似阿佘咁靚？）梗係！最緊要靚女，我喺劇入面都係型男嚟o架！」同劇的徐子珊表示聽聞過阿佘受傷，她說：「最緊要係佢早日康復，我之前都未同佢合作過，本來打算向佢偷吓師，不過依家冇機會，好可惜。」
(東方日報)
http://orientaldaily.on.cc/cnt/entertainment/20110122/00282_007.html ================================================
阿佘受傷辭演《法政3》
佘詩曼原定演出的新劇《法證先鋒3》昨日突然辭演，其警察角色將由張可頤頂上。
原本由佘詩曼與黎耀祥首度擔正合演的《法證先鋒3》，昨日監製梅小菁表示，佘詩曼因在內地撞車受傷以至左手脫骹，腰部亦有傷患，目前左手己打上石膏，但仍需要休養一段日子方能康復。對阿佘曾幾度受傷，以前已試過撞車和撞傷下巴，今次又發生意外，令人十分心痛。
梅小菁謂昨午收到佘詩曼來電，指日前由無錫乘坐七人車往上海準備搭飛機返港途中發生車禍，左手手肘脫骹及腰痛，神經綫被壓着導致腰痛，她的手要打石膏定位，約六至八個星期再拆石膏及接受物理治療，「阿佘好擔心拍不了套劇唔知點算，總之佢為我擔心，我為佢心痛，我已叫她不用擔心，大不了就換人！她曾要求兩星期拆石膏後加入拍攝，但我想：『劇就只是一部，她的手是一世』。我知道弄不好就會容易再甩骹，所以我還是叫她不要拍好了。」
梅小菁臨時找張可頤頂上，對方二話不說答應，梅小菁感激對方推掉大堆登台、剪綵等賺錢工作，笑言此角色很有發揮，將來一定賺回來！張可頤又希望阿佘專心休息，稱獲悉其受傷消息後晴天霹靂。而劇中與阿佘有感情戲的黎耀祥，亦對她的受傷消息感到震驚。
(星島日報)
http://www.singtao.com/yesterday/ent/0122fo05.html
================================================
佘詩曼甩骹養傷 張可頤臨危受命《法證先鋒Ⅲ》
向有女鐵人稱號的佘詩曼，一劇接一劇年中無休，原定在無錫拍罷《帶刀女捕快》返港，緊接為《法證先鋒Ⅲ》開工，但在上海返港期間，她卻不慎跣落地，跌甩左手手骹，即時送院診治，結果要打石膏六星期，擔正女主角的《法證先鋒Ⅲ》都要辭演，阿佘接受本刊訪問時表示：「我個心好唔舒服，因為我受傷，令製作上會帶來麻煩，不能跟祥仔合作，好可惜。」
(明報週刊)
http://www.tvbchannel.com/mingpaoweekly-2202-charmainesheh.html
沒有留言:
張貼留言