無綫易主的消息落實後，電視城昨日風平浪靜，而旗下藝員對新老闆之一的陳國強入主表示有信心，至於之前有傳失落視后感心淡的佘詩曼（阿佘），昨日被本報獨家拍得往覆診，當問到無綫主權變動，她只謂藝員最緊要做好本分，而陳豪與阿佘亦口徑一致，相信新老闆不會重女輕男。
無綫當家花旦佘詩曼早前從內地返港時，因左手脫臼受傷，需要休息長達三個月，最後要辭演《法證先鋒III》，由張可頤頂上，無綫亦在此時宣布易主，認真巧合。昨日大約下午三時多，本報拍得左手打了石膏的阿佘，由經理人陪同下於北角寓所乘車往佐敦為手傷覆診。
唔擔心重女輕男
直至下午五時許，阿佘睇完醫生乘電梯離開診所，只見她精神尚算不錯，但行落樓梯時，就表現得非常小心翼翼，全程用右手扶實平衡身體，打上石膏的左手要用固定手套掛在頸上。當記者上前拍照時，阿佘初時有點抗拒，垂下頭向前行，當問到病情是否有好轉時，她亦大方回應說：「醫生話好啲。」談到無綫落實易主，她只謂：「做藝員最緊要做好自己本分，其他嘢唔需要去理，況且我依家受傷請緊假，現階段最希望快啲好番，隻手傷咗真係好唔方便。」問到新年有甚麼大計時，她也表示以休息為主。
另外，之前與阿佘傳過緋聞的無綫小生陳豪，昨日與鄭少秋、陳茵媺為新劇《心戰》在尖沙咀拍外景，談到新老闆陳國強入主無綫，陳豪與阿佘睇法亦差不多，他說：「做好本分，做好自己，拍好啲戲。」當然不擔心新老闆重女輕男，他續說：「初時有人話無綫易主，唔信，因為冇睇報紙，（識唔識陳生？）唔識，只係聽過個名，自己抱樂觀態度，所有嘢更加好，（會唔會要求加人工？）so far so good都開心滿意。」
(東方日報)
http://orientaldaily.on.cc/cnt/entertainment/20110128/00282_001.html
================================================
阿佘陳豪同聲同氣：拍好o的戲
早前因跌甩手骹被迫辭演新劇的佘詩曼，昨日秘密睇骨科。對於近日「殼王」陳國強入主無綫，阿佘與緋聞男友陳豪口徑一致：「做好本分，拍好啲戲！」
原定參演無綫新劇《法證先鋒III》的佘詩曼，早前從內地返港時，跌甩左手手骹，要打石膏及休養六周，被迫辭演，由張可頤頂上！
昨午3時半，戴上冷帽、黑超、身穿外套及雪靴的阿佘，左手打着石膏，由經理人陪同乘的士離開半山寓所，前往佐敦一幢商業大廈睇骨科。經過一小時治療後，阿佘戴上固定手套，令左手未能穿入外套，僅披着膊頭，落樓梯時還要借助右手扶住欄杆慢慢行。記者上前問到傷勢如何？她友善地說：「睇咗醫生好啲啦！（新一年有咩大計？）隻手傷咗要休息一排。」有傳去年因失落視后而感心淡的阿佘，被問到新老闆陳國強入主無綫，她說：「我哋做演員嘅，最緊要做好本分，拍好啲戲，但依家養好傷先。」其後乘的士離開。
至於阿佘的緋聞男友陳豪，昨日與鄭少秋（秋官）拍攝無綫新劇《心戰》。問到陳國強入主無綫，不知情的陳豪說：「我唔識陳生，但聽過佢個名。（有咩睇法？）抱住樂觀態度，所有嘢會更加好。（加人工？）So far so good，依家都開心滿意。（怕唔怕新老闆重女輕男？）唔理，做好本分，做好自己，拍好啲戲。」
(太陽報)
http://the-sun.on.cc/cnt/entertainment/20110128/00470_017.html
沒有留言:
張貼留言