[新聞] 獲陳志雲盛讚字正腔圓 祥仔想做電台Phone In節目

http://news.sina.com.hk/news/15/1/1/2709323/1.html

http://paper.wenweipo.com/2012/07/04/EN1207040001.htm

http://news.sina.com.hk/news/15/1/1/2709131/1.html

http://hkm.appledaily.com/detail.php?guid=16482211&category_guid=462&category=daily

[新聞] 黎耀祥 得「宇」恩果 千年記

陶大宇與黎耀祥相識十多年，這份兄弟情誼建基於2000年二人合作之《影城大亨》，祥仔借今次與大宇摸酒杯底，娓娓道來當年得陶大宇協助而銘記在心等不為外人知的事，對祥仔照顧有加的大宇，則認為對方雖比自己年少，但其高EQ卻可彌補他情緒上的缺失。


黎 = 黎耀祥　陶 = 陶大宇

陶：祥仔，你兩屆視帝，我的確好戥你開心，要我形容對你贏到呢兩個獎嘅感覺，兩句說話：「心服口服、得來不易！」

大宇關照齊登台


黎：多謝！多謝！其實我都好珍惜今次同你敍舊機會，可以飲少少酒，大家摸吓酒杯底傾心事，對你以前關照我嘅種種，我仲銘記在心！當年合作《影城》日日相對，拍咗六、七個月時間，每朝開工，你買咖啡總會預我一份，2000年我喺廣播道買樓，都搵你問意見，你買「波子」（Porsche保時捷），我又會叫你揸返嚟影廠一齊欣賞，又試過一齊炒股票，一齊「賴嘢」……哈哈！總之大家一齊經歷好多，交往好密切，經常噓寒問暖！拍完個劇好唔捨得，每次都想見番你呢個阿哥！



陶：其實我都有好多人生道理要請教你，而你又畀到答案我，雖然有啲似是而非……哈哈！加上當年我都幾火，好忟憎，睇唔過眼就爆……不過，我兩個從未鬧過交，我發洩後又冇事！



黎：我仲記得，當年一齊做騷又送呔給我，就連我買樓時，可能你知我「唔掂」……喺內地登台都預我一份，將自己騷錢都分一半畀我，你仲記唔記得？



陶：哦……嗰次正好遇上一位老闆搵我到內地登台，我同老闆提議多一個藝人，但對方話唔使只要我一位，我為咗想同你一齊演出，我就同老闆講：「我送多一位藝人畀你搞氣氛，人工照舊！」當時我仲問你：「祥仔，你平日登台收幾多？我照畀你，一齊上嚟玩吓！」咁我就將我自己嘅酬勞部分分畀你，多、少幾萬收入對我嚟講其實冇太大分別，但我好開心，大家可以一齊唱吓歌、玩吓又當去旅行！



將情緒用於角色

黎：大宇哥你咁重情，每次起、居、飲、食你都照顧我……



陶：我仲記得拍《影城》時，我連你着嘅襪都幫你買……當時我哋喺影廠排戲，睇見你着嘅襪釘住牌，但個劇係六、七十年代，戲服又係吊腳褲，為配合戲劇背景，我跑咗去買了半打白襪畀你開工用。不過，只限買襪，底褲就留畀你老婆買！



黎：係喎……當時我仲以為對襪拉高唔太覺眼，但你就睇得好細心！



陶：可能我係處女座，凡事都追求完美，所以我對拍戲，每遇到睇唔順眼就會上火……



黎：連我對襪你都咁留意，證明你好細心，難怪拍戲你會咁躁！因為拍戲實在太多細節，外間誤會你發脾氣，其實你係追求完美，反之我就比較睇化，因為我習慣呢行嘅遊戲規則，你發脾氣，對件事又唔會有幫助，不如將這份情緒用喺適合角色上。



陶：兩屆視帝嘅金石良言，性格應用喺演戲角色而非待人接物！你EQ高，我都要靠你安撫，記得早幾年拍《掌上明珠》喺電視城再遇到你，有時都會因工作上忟憎，而我又會走過去搵你去傾吓偈，好多事當抒發完又冇嘢，所以我估當時我都煩你好多！



願做「帶子洪郎」

黎：不過，兩、三年冇見，大宇今次見番你，其實你內、外畀我嘅感覺都冇乜變，反而多咗一份經歷，眼光亦沉穩咗！猶記得以前你似有團火咁，行路亦似衝鋒，節奏好快，而今次你畀我感覺回落咗啲，淡定咗，比以前更舒服！



陶：階段唔同咗，你喺我眼中亦都長大咗，做咗慈父，你個仔好乖、好跟你，又會同你影相，換轉時下嘅青少年，同家長相處好有隔膜，唔係打遊戲機，就係拿手提電話玩，願意跟你出入，好難得！



黎：我又唔介意做「帶子洪郎」，等佢體會父母嘅工作環境，亦想個仔了解呢個娛樂圈嘅生態！



陶：相當同意，不過，我唔太習慣有親人喺我工作範圍出現，因為太有壓力，我會擔心親人呆等會悶，反而分心自己工作而唔投入，所以我好佩服你可以接受到！



黎：我都會有呢個感覺，因為工作需要，我都會同其他對手溝通，甚至女對手，大家都要互相了解，習慣了對方節奏先可融入演戲中，會更自然……所以會有啲尷尬位，我都會同老婆講，最好唔好跟！



陶：咁你太太會好明白，佢好好……有家人陪，其實好幸福，正如最近你喺橫店開工，你太太都有陪你，照顧你！



黎：嗰次去橫店係為《大太監》拍外景，休息時間冇問題，反而係當地太多旅客圍觀，我哋喺影城內取景，個地方係旅遊區，所以好多旅行團買票入場參觀，難為我哋要經常「攔人」而NG，阻住進度，辛苦就係當時又熱又曬又着厚厚古裝「焗等」！



陶：但你好捱得，當年你拍《影城》時，外面又拍電影，見你幾乎冇覺瞓，幕後人員見到你捱都搖搖頭……嗰時劇組收機，你趕去拍電影，廠外有車等住接走你！



黎：嗰時最高峰可以忙到四日冇瞓落張床，當年我個仔仲未出世，老婆又大肚，而我係電影新人，好多電影都想用我，但又唔係主角，戲份唔多，為賺錢，我頂硬上都會接拍，最高紀錄有六組戲喺身！今時今日有呢個底子，都係當年捱出來！

(東方日報)
http://orientaldaily.on.cc/cnt/entertainment/20120701/00282_040.html

[新聞] 鄭少秋陳豪交錯觀眾睇唔明

前日無綫電視劇《心戰》大結局，被網民狠批無厘頭、唔知講乜！戲中的鄭少秋更誤當自己為陳豪，同一鏡頭內陳豪與鄭少秋不斷轉換，使觀眾非常混亂。

《心戰》劇情被指血腥暴力，通訊事務管理局總共接到約120宗投訴，無綫則表示比《天與地》的投訴數字少。

(東方日報)
http://orientaldaily.on.cc/cnt/entertainment/20120701/00282_036.html
======================================================
《心戰》接約120宗投訴

《心戰》前晚大結局，鄭少秋在劇中精神錯亂以為自己就是陳豪，鏡頭不斷轉換，相當混亂。該劇播映以來，通訊事務管理局約接到120宗投訴。

(太陽報)
http://the-sun.on.cc/cnt/entertainment/20120701/00470_056.html

[專欄] 人生路 - 黎耀祥 各師各法尋快樂

各師各法尋快樂


(2012年06月29日)



到南韓拍攝一個主題是尋找快樂的半旅遊式節目，看看到底韓國人有甚麼令自己快樂的方法，或會做些甚麼令自己快樂的事情。從食物養生到外形包裝，他們都有些自己獨特的見解；其實世間上任何一個民族都應該會有他們尋找快樂的方法，但因為大家不同的民族習性、氣候水土，產生出與別不同的方法。

這個節目的主題令我重新思考快樂這事情；快樂，是一種感覺，不容易觸摸，甚至不知道它到底藏在我們腦袋中那一個角落；很多時我們努力追尋，卻是徒勞無功；但有時在不經意的時候，它卻會如泉湧出。一直以來都在思索，我們怎樣能夠利用我們的意識能力，去為自己製造快樂；這問題的難處在於，我們不能直接製造快樂，快樂是一種並不具體的感覺，我們只能通過去做一些具體的事情，而令快樂這感覺產生出來。

發覺所謂知足常樂，只是令我們因為知足而不會不快樂；不知足會令自己覺得欠缺甚麼，因為人生中的欠缺而不快樂，但要達至快樂，還是需要為自己做點事情；甚麼事情能夠令自己快樂？找找吧！不要拘泥形式，不用計算價值，大家都有自己的快樂地圖！

http://www.am730.com.hk/article.php?article=110351

[新聞] 中央電視台 回歸15周年特輯到訪TVB

今年為香港回歸祖國15周年，中央電視台的攝製隊伍於早前開始製作回歸特輯。TVB亦一盡地主之誼，早前派出三位藝人胡杏兒、林峯及郭晉安作導遊，參與節目跟明星一起逛香港，帶領內地觀眾體會香港特色風景。


本星期二(25日)，TVB再安排中央電視台到無綫電視廣播城民初街，拍攝《神探高倫布》劇組工作情況及訪問藝員(黎耀祥、唐詩詠)，中央電視台亦派出主持魯健、記者龍惠榆作採訪，當時《神探高倫布》劇組正拍攝槍戰場面。大家可以觀看以下相片先睹為快，播放特輯時萬勿錯過！

http://www.ihktv.com/cctv-return-of-hong-kong-15-special.html

[新聞] 竄後樓梯避記者險象環生 GiGi驚龍胎曝光極速暴走

黎姿（GiGi）09年下嫁富商馬廷強後，不久便誕下一對孖女家蔚與家鎂，今年4月她再度宣布有喜，「龍B」更隨時打孖上！日前，腹大便便的GiGi跟友人現身銅鑼灣Cova歎下午茶，明顯發福不少，難怪她一見記者，護肚之餘還要左閃右避！




黎姿年前與拍拖多年的富商馬廷強拉埋天窗，做其幸福少奶奶，旋即又誕下孖女家蔚及家鎂，一家四口樂也融融。一心一意相夫教女的GiGi婚後亦決意引退，生活更十分低調，幸好她不時在微博報告最新近況。今年3月傳出GiGi再度成功人工受孕，當時她只用「有趣」來回應傳言，但承諾有喜訊必定第一時間向大家公布，想不到不夠一個月，GiGi便在微博宣布再度懷孕的喜訊，有了上次生女的經驗，GiGi今次變得較為輕鬆，懷孕初期未有即時戒口，繼續食棉花糖及蛋糕。




發脹不少



日前， GiGi又相約友人到銅鑼灣利園商場內的Cova歎茶，一坐便坐了個半小時。GiGi當日身穿啡色長袖褸、卡其色短裙及涼鞋，歎完茶便跟友人一同離開咖啡室。就記者所見，GiGi比之前發脹不少，而且笑容滿面，不停跟友人有講有笑。當她發現記者後，隨即返回咖啡室內，友人即時向職員打聽後門所在，經職員指示，兩人經洗手間旁的後樓梯離開。友人趁記者不留神，便拖着GiGi以9秒9速度走到後樓梯，雖然記者在梯間多次表示不會追上前，勸她慢慢行，但GiGi落樓梯的速度跟正常人沒兩樣，認真驚險。



左閃右避



最後兩人不消1分鐘便從員工出入口離開了商場，期間記者多次表明來意，央求GiGi停下來拍張照片，雖然她面帶微笑，一臉怕醜的樣子，但她拒絕之餘，還用頭髮及朋友的身體來擋着自己，一直左閃右避，期間更刻意用外套來遮掩腹部，最後極速跳上座駕離開。

(星島日報)
http://www.ihktv.com/gigi-speed-runaway.html

[新聞] 陳敏之長腿搶鏡 撼贏候選港姐

香港文匯報訊（記者 李思穎）TVB為迎接暑假來臨推出特備節目，昨日舉行《TVB Amazing Summer》記者會，主要介紹各頻度的暑期節目，參與藝人均以夏日服飾出現，不少女藝人紛紛穿上短褲騷腿，其中以「長腿姐姐」陳敏之的修長美腿最搶鏡，「揮低」同場候選港姐。

　活動上，出席藝人有黎耀祥、鄭則士(Ken哥)、鍾嘉欣、馬國明、賈曉晨、江若琳等，當祥仔和Ken哥上台介紹新劇《造皇者》時，田蕊妮指二人分別是影帝視帝，Ken哥幽默地說：「我是過氣影帝，佢(祥仔)才是視帝，今年又是他拿，不過，我們不和。」大搞氣氛。祥仔指《造》劇的播映檔期不俗，希望繼《盛世仁傑》有逾30點收視後，今次再創新高。


(文匯報)
http://paper.wenweipo.com/2012/06/29/EN1206290018.htm
======================================================
陳敏之熱褲曬長腿 失守露豹紋內褲
 
黎耀祥鄭則士「延續不和」

黎耀祥與鄭則士合作的劇集《造王者》將於暑假檔推出，田蕊妮稱今次很慶幸跟影帝鄭則士及視帝黎耀祥學習，但鄭則士卻自嘲：「我是過氣影帝，祥仔就是視帝，應該今年都是他拿。」之後，鄭則士又開玩笑稱與祥仔延續之前所傳的不和。祥仔指之前與鄭則士合作的《盛世仁杰》收視晉身本年最高收視3甲劇集，期待《造王者》有更好表現。

記者：鍾一虹

有黎耀祥（左起）及鄭則士兩位好戲之人，加上田蕊妮及唐詩詠，劇集《造王者》令人期待。

(明報)
http://ol.mingpao.com/cfm/star5.cfm?File=20120629/saa01/mct1.txt

[新聞] 《飛虎》割頸接10投訴 首播平均收視29點 殺出血路

【明報專訊】無綫新劇《飛虎》前晚（24日）首播，成功打出周日黃金時間「血路」，以血腥吸引觀眾注意，成為一周最高收視節目，平均收視29點，觀眾人數186萬；最高收視30點，觀眾人數192萬。《飛虎》不乏槍戰爆炸場面，惹爭議的是飾演賊王的馬國明先後兩次以刀割頸殺人的場面。



劇中，馬國明以刀割飾演警察的梁証嘉頸項放血，雖然畫面刻意調暗，不過殺人動作被批評恐怖。馬國明對受重傷的同黨陳志健也割頸，以免被拖累。結果，通訊局接到5個投訴指內容暴力、殺人場面恐怖，無綫也收到5個有關投訴指血腥。



無綫外事部副總監曾醒明稱，《飛虎》首集反應非常成功。網民對《飛虎》議論紛紛，有指劇中飛虎隊的行動欠缺真實感，也有批評劇情有抄襲杜琪峯的電影《大事件》之嫌。





2宗投訴《五覺大戰》太色情



除了《飛虎》被投訴，前晚《五覺大戰》新加坡篇的迫爆泳裝美女，也有觀眾嫌太色情，無綫接到2宗投訴。節目不乏美女泳裝濕身參加遊戲，好身材的梁靖琪在水底玩急口令，帶有非一般的效果。





《心戰》收視再跌1點



已進入大結局階段的《心戰》上周收視再下跌1點，平均23點，投訴則增加，上周再增5個投訴指恐怖血腥、令人不安與意識不良。

(明報)

======================================================
http://news.sina.com.hk/news/15/1/1/2701868/1.html
 
http://the-sun.on.cc/cnt/entertainment/20120626/00470_042.html
 
http://orientaldaily.on.cc/cnt/entertainment/20120626/00282_026.html

[專欄] 人生路 - 黎耀祥 吃粽吃出思念

吃粽吃出思念


(2012年06月22日)



每逢佳節倍思親。雖然母親離世多年，但總時刻掛念，或許是母親每逢年節都會炮製美食應節；過年時的年糕、蘿蔔糕、油角煎堆，端午節的粽子等等，她的鹹肉粽和鹼水粽，到現在仍是回味無窮，甚麼名牌貴價貨色亦比不上；特別是鹼水粽，巿面上都很難有人與她匹敵，因為此粽真的是落足心機，而我亦功不可沒。

還記得童年時候，端午時節，母親例必要我坐定定，然後拿來一大盆糯米，為的就是要我從糯米中，找出混雜了的粘米；因為當年的米是散裝的，雜貨舖的叔叔在裝袋及送貨的過程中，多多少少都會令到那些米變得不夠純淨；其實當時完全沒有在意這小小的功夫有甚麼作用，現在才明白，原來粘米夾在糯米當中而造出的鹼水粽，會不夠軟綿，這道理是吃過其他鹼水粽後作出比較，再回想母親造粽的方法，方才明白。

母親的教導並沒有大條道理，絮絮叨叨，亦沒有甚麼苦口婆心、循循善誘，她總是在她人生的路上，生活的細節上，諸如造一隻粽、煮一頓飯當中，身體力行地實踐人生的大智慧，大智慧原來就在我們的飯碗當中。逢年過節，懷念往日吃過的應節食品，還有，那以後沒有機會一起吃飯的人。

http://www.am730.com.hk/article.php?article=109402

[新聞] Bobby爆大宇用褲菲女嘲small

過百集的經典劇《壹號皇庭》，造就了陶大宇、歐陽震華（Bobby）和駱應鈞（阿公）成為老友，三人重聚暢談當年軼事，笑料百出。堪稱「笑料貨櫃」的Bobby大爆大宇當街甩褲，更被菲傭取笑「small」！大宇卻反嘲對方當街PK，二人加埋近百歲還樂此不疲，最老正的阿公坦言三人聚首是何等難得和極具紀念性。

陶：我幫你哋諗好形象，三人行埋都有不一樣嘅感覺……

Bobby：你就話打Bow連戲，但我就再搵唔到從前嘅髮型！我個頭仲年復年變圓，遲啲要倒吊瞓，等面皮唔好鬆……哈哈！

阿公：《皇庭》至今已經廿年，我哋再一齊坐埋，認真難得，好值得紀念！以前拍劇就專飛紙仔，不過我依家就轉咗新公司（CTI），公司規定唔可以飛紙仔！

咀陳慧珊唔停口

Bobby：其實觀眾鍾意睇我哋幾兄弟嘅屋企戲，但我就鍾意睇大宇嘅kiss戲！佢同陳慧珊、宣萱拍咀戲，嘩……拍到「施施SirSir」，放消夜、收機仲喺度緊！

陶：又唔係我要求，不過通常對手都對我好好，陳慧珊嗰次仲係「螢幕初吻」！

阿公：佢哋個個鬼妹仔性格都好主動，你同陳慧珊嗰場，真係好正！

陶：你又知正？係正都只有我知……哈哈！

Bobby：講到拍咀戲，我遇上關詠荷，嗰次咀戲我真係學到嘢！自己拍咀戲怕醜又「蛇Ger」，點知當日我同佢拍咀戲時，佢竟然拍攝中途講嘢……叫我面口唔好疊住佢，鏡頭後我仲怪佢唔投入，後來佢話邊講邊咀會好逼真，果然拍出嚟又真係好有效果！唔信嘅話，大宇你試吓！

陶：唔會啦……到咗呢個階段，我已經唔敢喺鏡頭前錫女仔，早晨一個輕吻還可以，要談戀愛式激吻，嘩……好核突！

Bobby：我試過同蔡少芬有一場激吻戲，好驚……你話好似大宇有輪廓下巴兜兜拍咀戲就話好睇，我呢啲扁口扁面，一撞埋乜嘢眼、耳、口、鼻都唔見晒啦，所以我想到一個辦法同少芬講：「到時我錫吓你塊面，再唔係錫埋你額頭就夠！」佢竟然答我：「唉喲……我都係咁諗！」頂……

阿公fit過羅仲謙

陶：阿公拍差人戲都好辛苦，拍查案走勻全港，不過阿公生活好有規律，當年我去佢屋企，已經見佢有私人健身室，依家身形仲係Keep得咁fit，比羅仲謙更好！

阿公：當年拍一場查案戲可以拍十一、二日，當年後生，不過依家我都有保持運動量，幕前都要見得人o架！

陶：其實我哋個個都貪靚，拍《皇庭》時我要求場場換衫，要唔同顏色，所有Bow都係私伙！

Bobby：你（指大宇）連睡衣都要全白絲綢，着到好似「白龍王」咁！有一次外景喺街邊換衫大出洋相……當日係星期日，喺皇后像廣場取景，我同你攞住戲服，本來想行過去酒店換，但又想快，索性喺外景車旁換，點知你解開褲頭，竟忘記個銀包袋咗喺後袋，結果墜甩咗條褲，成條褲跌到落腳眼呀，現場大群菲傭見到呢個露底場面不禁大叫：「oh！Michael…… small！」我睇到反白眼！我只好話：「下次勤啲換底褲啦！褲頭橡筋都變成波浪紋啦！」哈哈哈哈……

陶：你夠因為戴黑超，喺商場睇唔到路，行扶手電梯踩錯腳PK啦！哈哈！

Bobby：你仲好意思講，嗰次唔係你笑聲震天，都唔會全個商場啲人都知道啦！個個望過嚟，我不知幾尷尬！

兄弟同心良性競爭

當年三個後生仔，不為上位明爭暗鬥、互篤背脊，反而兄弟同心，衝勁十足，連收工都約埋歎咖啡度戲。

Bobby：我哋兄弟雖然貪玩，不過工作就很團結，每拍完都會去附近茶餐廳傾吓戲，每個人心態都好好、好Fit！我都有問監製（鄧特希）點解搵我哋這班二線演員演出，佢話搵一線演員可能戲份會集中一個人身上，但係全班都係二線，就可造出良性競爭！

阿公：我都發現一個現象，我哋兄弟不止有監製計算嘅效果，就連互相交惡、爭戲情況都冇，感情之好，仲可以合作五輯都冇變，實在好難得。要是其他劇，大家演員長時間對住，好多都會有爭拗！

Bobby：所以我好期待《皇庭》長拍長有，仲要搞多啲聚會……

陶：我哋呢班爛玩兄弟已踏入人生另一階段，時至今日要再走埋一齊，相信監製都要諗一啲「新口味」配合至得！

(東方日報)
http://orientaldaily.on.cc/cnt/entertainment/20120624/00282_052.html