[新聞] 視帝發火 黎耀祥轟港府政策亂

黎耀祥跟蘇玉華相隔15年合作的劇集《載得有情人》，口碑不俗，日前他接受本報專訪，他認為劇淡情濃是主因。談到早前跟「視后」胡杏兒合拍的《巾幗梟雄之諜血長天》，被指有露骨劇情而被抽起不能做台慶劇，祥仔坦言傳聞不合理。而講到亞視續牌一事，視帝祥即發火轟港府對廣播政策混亂，令行業經營困難，認為政府應作長遠對策。
　　
　　「視帝祥」對上一次跟蘇玉華合作《反黑先鋒》，已是15年前的事，今次兩人首演一對，他認為單看外形已相當適合故事，「我年紀同氣質都唔係適合激情，套劇情節雖淡但戲味濃，晒我去演，雖然有人質疑邊有小巴司機咁斯文，但係我哥哥以前賣魚，都睇好多書，總有例外。」

　　離巢是好事

　　對於繼林後，再傳出胡杏兒將不續約，祥仔反而認為是好事，「佢仲後生，真係需要出去見識，我同安仔（郭晉安  ）都離開過啦！咁樣再年青一輩先有機會上嘛！」談到《巾幗梟雄之諜血長天》，因雞姦戲等劇情過於露骨而被刪戲，因而抽起不能做台慶劇，祥仔沒好氣道：「我拍咁耐劇都冇試過一早話邊套係台慶劇，同埋仲話由30集cut到15集，邊可能拍到15集係色情戲！」

　　祥仔火未消，談到亞視續牌申請一事，繼續一撻即，「其實續唔續畀亞視已經係後話，首先政府搞清楚廣播政策先，又話植入廣告太明顯，又有好多煙酒產品唔賣得，你睇人韓國政府做得幾好，咁樣落去成個行業生存空間都愈愈窄，冇錢賺仲邊有人願意投資。」

        撰文：杜淑霞　攝影：陸旻昱

　　髮型：Ivanlee@headquarters 場地：觀塘帝盛酒店

祥仔認為廣播政策混亂，直接令行業發展受影響。

祥仔談起電視行業前景，即時火滾。

(頭條日報)

http://hd.stheadline.com/ent/ent_content.asp?contid=300084&srctype=n

[新聞] 黎耀祥期待 激吻蘇玉華

【明報專訊】黎耀祥click me與蘇玉華相隔15年再度合作，於無綫劇《載得有情人》譜出一段成年人世界的愛情故事，淡如水的細膩愛情遠比轟轟烈烈的愛情更難掌握及演得好；不過，劇本交到視帝與劇后手上當然難不到他們，大概是現實中二人均覓得有情人已久，那種舊式的浪漫情懷早就根深柢固。

祥仔在劇中飾演一名離過婚的小巴司機，現實中他亦同樣經歷過一段失敗婚姻，不論戲裏戲外，最終也覓得有情人。他強調純屬巧合，但可以找到一個人陪伴着一起走，確是一種難得的緣分。阿蘇所演的是一名處事果斷的女強人；於現實生活中，她處理感情事同樣果斷，與男友潘燦良拍拖18載，說不結婚就不結婚，一直揚言只要關係舒服及合適就可以。不過，此關係似乎在今年內會有改變，因她早前漏口風男友已求婚成功，更許下此劇收視達40點立即結婚宣言。

再合作默契十足

阿蘇與祥仔對上一次合作要數到99年的劇集《反黑先鋒》，今次再合作，祥仔已躍升為「視帝」，但阿蘇形容再與對方合作依然愉快，默契十足，感覺就如以往一樣十分有親切感，大家亦很滿意這個作品。今次合作對手是祥仔，也是阿蘇願意接拍此劇的其中一個重要元素。祥仔亦表示再有機會跟阿蘇合作感到十分開心，簡直有重拾舊歡的感覺。二人笑指今次最可惜是劇本沒安排有身體接觸，唯有期待下次再合作，屆時定會要求監製安排一幕雨中激吻補數。

別低估觀眾

成年人世界的愛情故事未必每個觀眾合口味，不過他們卻對此新題材十分有信心，收視也十分理想，證明只要是好戲且用心去拍，定會獲觀眾欣賞。他們亦坦言監製起用此題材十分大膽，阿蘇說：「我一直認為香港製作一直太低估了觀眾，有些觀眾是遠比我們想像中聰明的，是識睇的，我相信今次觀眾一定會覺得新鮮。其實我們從事創作，起碼要令自己和觀眾覺得興奮和新鮮，如連這步也不去做，我們就枉為一個創作人或文化人了。」祥仔亦附和：「我覺得這套劇可稱得上雅俗共賞，最好的作品就應該要做到這一點，不用太高深，大家看到幾多就幾多。」

話題不離舞台劇

阿蘇10多年前已在舞台劇封后，除了間中接拍電視劇，她大部分時間都投放於舞台劇上。祥仔坦言十分羨慕阿蘇那片海闊天空，故二人合作時傾談話題也離不開舞台劇。阿蘇卻強調已不需要引誘祥仔入局，因祥仔已被其他人引誘了，將於稍後參演舞台劇。

場地：千禧新世界香港酒店La Table
記者：林祖傑
攝影：梁迺楠

黎耀祥與蘇玉華笑指今次合作最可惜是沒身體接觸，下次一定會要求監製安排雨中激吻戲補數。

(明報)
http://www.ol.mingpao.com/cfm/Photo3.cfm?File=20140904/saa01/mbt1.txt&Mode=2

[新聞] 黎耀祥幫小巴司機平反

香港文匯報訊（記者 梁靜儀）黎耀祥昨日以代言人身份，在樂富出席親子烘焙工作坊活動，並即場示範整麵包。祥仔表示在家中也有整麵包給兒子做早餐，又笑言自己是阿茂整餅。

祥仔表示做了代言人後，經常都會在家中整麵包，也有教兒子整包，不過兒子近日就最愛煎牛扒，他也有試過兒子的手勢。問到兒子是否為追女仔而學煎牛扒？祥仔笑道：「唔知呀，(你當年都係用呢招追女仔？) 我唔使啦。」

近日祥仔與蘇玉華主演的劇集《載得有情人》收視理想，昨晚祥仔更自掏腰包請食飯慶功，如收視再好就叫阿蘇請。問到祥仔預算收視有多少點？他表示收視很難預期，但求反應口碑好已很開心。對於阿蘇表示若收視有四十點便會結婚？祥仔笑言要大家幫手，谷爆收視。

在《載》劇中祥仔飾演小巴司機，對於有網民拿他跟在電影中曾扮演小巴司機的林雪作比較，祥仔即笑道：「我型佢好多呀？其實每個行業都有另類的人，其實我係為的士及小巴司機平反，唔好以為佢爛撻撻，有好多好有型，好似我咁。」

(文匯報)

http://paper.wenweipo.com/2014/09/01/EN1409010031.htm

========================================================================

祥仔請食飯賀新劇高收

黎耀祥昨在商場與一班小朋友一齊整麵包，他謂平時都會教兒子整麵包和煮飯，兒子最近學識煎牛扒，令家庭生活更開心。問他追求太太時是否都靠煎牛扒？他笑言不需要。提到新劇《載得有情人》收視不俗，祥仔透露昨晚會請食飯，收視再好就輪到蘇玉華請去旅行。

阿蘇聲稱收視到40點就結婚，祥仔即着大家要幫幫手捧場。最近有網民把祥仔飾演的小巴司機跟林雪在《那夜凌晨，我坐上了旺角開往大埔的紅Van》中的角色比較，他即說：「我有型好多，每個行業都有另類造型，小巴司機都可以好Fit、沒有肚腩，視乎個人問題。」他笑謂要為職業司機平反，不是所有司機都是不修邊幅，做司機都可以好有型。

(星島日報)

http://news.sina.com.hk/news/20140901/-17-3350138/1.html

========================================================================

黎耀祥冧試囝囝廚藝

黎耀祥昨日以「金像牌」預拌粉代言人身份，出席「I CAN BAKE．親子烘焙工作坊」活動，與來自多個不同的家庭組合，體驗親子烘焙的樂趣。祥仔表示平日亦有整麵包給兒子做早餐：「因為預拌粉用法好方便，只要開水攪拌後，用簡單方法就整到蛋糕同麵包。個仔依家仲識煎牛扒，食到個仔煮嘅嘢好開心。」對於與蘇玉華合作的劇集《載得有情人》收視報捷，他說：「我會請台前幕後同事食餐飯先。」蘇玉華曾表示收視有四十點便會結婚，祥仔笑言要谷爆收視。談到有網民拿他劇中小巴司機造型與電影「紅Van」的林雪相比，他說：「唔好成日覺得小巴司機就係爛撻撻。」

黎耀祥（左）與南順香港集團巿務及業務發展總管黃廣林先生整蛋糕。

(太陽報)有片睇

http://the-sun.on.cc/cnt/entertainment/20140901/00470_033.html

========================================================================

黎耀祥出煮意 教仔追女

黎耀祥昨日出席活動與多個家庭體驗烘焙樂，於現場炮製麵包和蛋糕，相當熱鬧。下廚了得的他更透露最近教兒子煎牛扒，傳授技巧讓他追女仔！

視帝黎耀祥昨日以「金像牌」代言人身份，出席「I CAN BAKE．親子烘焙工作坊」活動，與現場多個家庭組合一起炮製麵包和蛋糕，體驗親子烘焙的樂趣，更與南順香港集團市務及業務發展總管黃廣林分享成果。

黎耀祥表示平時亦有整麵包給兒子做早餐，他表示：「因為預拌粉用法好簡單，只要開水再攪拌，再用簡易方法便可整到蛋糕和麵包，依家兒子都識整，佢仲識得煎牛扒，食到個仔煮嘅嘢，我哋都好開心。（兒子煎牛扒追女仔？）點都要學少少嘅。（你都係咁追你老婆？）我煮嘢不嬲都叻。」

叫齊朋友谷收視

對於與蘇玉華合作主演的劇集《載得有情人》收視報捷，他說：「係呀，我都會請工作人員、台前幕後的同事食餐飯先。反應好口碑好已經好開心。（叫蘇玉華請去旅行？）好呀。」對於蘇玉華表示收視有四十點便會結婚，祥仔笑言已叫身邊所有朋友一齊睇，誓要谷爆收視上到四十點，需要大家一齊幫幫手。而有網民指他過分有型與小巴司機有出入，他說：「咁又唔會嘅，小巴司機都可以鍾意影相、操得好fit，好睇個人，同個職業無乜關係，最重要我哋改變一般人對小巴司機嘅形象，唔好覺得小巴司機就係爛撻撻，其實我哋係平反，好多司機都好有型o架。」

黎耀祥透露平日常下廚，更會為兒子做早餐，果然是廿四孝爸爸。

黎耀祥與現場多個家庭一同體驗烘焙樂。

(東方日報)

http://orientaldaily.on.cc/cnt/entertainment/20140901/00282_065.html

[新聞] 跟視帝祥隔15年合作 蘇玉華視新劇為代表作

蘇玉華繼99年跟黎耀祥合作劇集《反黑先鋒》後，相隔15年，最近再度合作新劇《載得有情人》，阿蘇大讚今次跟「視帝祥」合作，絕對是電視劇代表作之一，因跟祥仔默契十足，而且劇本一早收到，令她拍得相當享受。平日作風低調的阿蘇，一直以來都能成為廣告界寵兒，她認為全靠形象夠真實及健康。

　　撰文：杜淑霞　攝影：陸旻昱 場地：觀塘帝盛酒店

　　阿蘇當年跟祥仔在《反黑先鋒》合作時，對手戲不多，但已留下專業的印象，相隔15年一樣沒變，「時已經覺得祥仔好認真，家當然無變過啦！佢都係咁用心同投入，大家雖然唔係第一次合作演一對，已經好有默契。」

　　阿蘇難得返TVB，除了對手正外，更難得劇本早已收齊，可以有更多時間準備，「今次真係拍得好享受，全部對手都好好，最重要劇本未開工已經有，可以早去準備，對演員講好緊要。」阿蘇更將新作喻為代表作之一，「今次劇本真係好好，雖然係好淡，但感情好細膩，好似我同祥仔成套戲都冇乜身體接觸，最尾我拍場海灘拖手戲，但係監製話唔夾，都係cut，但係睇出我成套劇，感情依然好豐富，可以話係我拍過劇講，其中一部最鍾意。」

　　低調寵兒

　　論曝光率阿蘇絕對屬低調，但打開電視看到她的廣告卻不少，就算不用出面也有機會出聲，絕對是廣告界寵兒，「可能我形象夠真實，好似我大家都知道晒，冇乜秘密咁啦！自己都覺得好開心，客戶就算唔用我個樣，都肯用我把聲，希望繼續keep住啦！」訪問當日，酒店職員知阿蘇來，紛紛要求合照，人好自然多人錫啦！

(頭條日報)
http://hd.stheadline.com/ent/ent_content.asp?track=news&contid=299190&srctype=n

港劇景點－載得有情人－洋紫荊園

劇集:載得有情人
集數:CH15
地點:洋紫荊園

[壹週刊第1277期] 三代同堂 黎姿抱細女湊細佬

现在有三位寶貝千金嘅黎姿，早個禮拜拖住就快兩歲嘅細女 Pegella，行街街買背囊仔，為嚟緊九月返學前班做好準備。上星期六（八月二十三日），黎姿帶埋三個囡囡同老公舉家出動，陪老豆老母加細佬黎嬰，三代同堂去中環開餐。

     黎姿父母同細佬先到，戴住黑超嘅黎嬰，由外傭貼身照顧，唔使兩個老人家操心。隔冇幾耐，黎姿同三個女蒲頭，大細孖 Pricia同 Gianna由三個外傭睇實，生得肥嘟嘟嘅細女 Pegella就由媽咪抱實，大大細細一齊入咗置地嘅 CIAK食意大利餐。

     小朋友眼瞓，黎姿安排三個囡囡食飽先返屋企，自己同老公以及屋企人就 hea到接近十點先走；細佬黎嬰好精靈，上車前仲八八卦卦四圍望。 07年黎嬰死裡逃生，黎姿決定退出娛樂圈，幫細佬打理皮膚中心生意。今日一家人整整齊齊，得來不易。

大細孖（箭嘴）有三個工人照顧，黎姿就負責抱實生得肥嘟嘟、頭縛蝴蝶結嘅細女 Pegella。

黎姿顧住煲電話粥，老公馬廷強（箭嘴）嗌佢都聽唔到。

落樓上車，有外傭照顧嘅黎嬰，不時四圍望，外傭仲會幫佢梳頭扮靚。

為方便坐輪椅嘅黎嬰，七人車加裝咗斜板，外傭同司機可以好輕鬆將輪椅推上車。  

http://hk.next.nextmedia.com/article/1277/17351323

[新聞] 黎耀祥蘇玉華心照神交

黎耀祥與蘇玉華拍檔演無綫新劇《載得有情人》，這個組合屈指一算原來已相隔十四年。二人言談間發現這個事實，不禁驚訝時日飛逝。各自在藝壇耕耘，再度合作，阿蘇笑言沒有演技上的比併，反而是更多的體驗與交流，感受到祥仔演技的質樸。而祥仔亦指今次與阿蘇一拍即合，與這位拍檔合作毫不費力。

通識取經

祥仔演活不少草根角色，帶領觀眾投入故事當中，為他贏得不少掌聲。原來一切源自祥仔每天都做的功課，生活就是他的課題。

祥：我鍾意生活實在嘅感覺，就連平時飲茶食飯都會留意啲侍應，坐車就會留意司機，今次就揸小巴。

蘇：仲做埋我私人司機添！

祥：其實揸小巴都好得意，今次要揸車、要面對生活，又遇到個咁麻煩嘅女人，會點呢？我哋都畀戲劇規範咗、電影化咗，如果演一個侍應就要好有禮貌，其實佢係咪好有禮貌呢？

蘇：我自己演戲時，好多時都會嘗試實現自己嘅諗法。

祥：我會去觀察佢哋，發掘背後嘅想法，相信係大家認為我演草根角色好睇嘅原因。

注入靈魂
阿蘇笑言每個角色都有蘇玉華的存在，亦因此助她投入角色。對於演戲，阿蘇仍希望繼續精進，對自己每次的表現都充滿期待。

蘇：個角色嘅背景係我冇嘅嘢，大富大貴嘅屋企，做CEO嘅能幹爸爸，浸鹹水、高學歷，仲有一個好好嘅男朋友。

祥：你投訴緊你男朋友？

蘇：我都有一個好好嘅男朋友！佢係一個冷靜、質樸嘅人，崇尚自然嗰種女仔，呢部分係似我，但佢唔願意面對自己嘅生活，就唔似我嘞。

祥：演咗出嚟一樣就慘啦！

蘇：我希望變成一個可以多樣化啲嘅人，而自己同角色之間嗰條橋樑，係我演戲時要搵嘅嘢。

祥：每個角色始終係發掘緊啲唔係屬於你嘅嘢，亦因為咁出咗去個安全位置，但好多演員都停咗喺度，變成只有「本色」嘅演員。

演戲搵食
阿蘇在演藝圈十多年，從合作夥伴的身上獲益良多，更希望能一一訪問欣賞的藝人，承傳寶貴的經驗。問阿蘇會如何訪問祥仔？祥仔立即自問自答。

祥：梗係問：「做乜鬼嘢演戲！」

蘇：咁你演戲最大得着係乜？

祥：搵到兩餐。我係冇大志嘅人，搵到食就得喇。

蘇：應該唔止呢啲。

祥：一言難盡，最大得着係補充自己嘅人生空白，每個人天生有啲嘢冇咗，大家都會搵嘢去填補，每個人都唔同，而我係靠演戲去填滿。

蘇：細個都冇夢想要做乜？

祥：冇o架，我係冇夢想嘅人。

蘇：作文堂要交功課喎，我就會作大啲！

活在當下
二人談夢想、談興趣、談演戲，祥仔不諱言演戲只是打份工。面對生活變化仍能不受拘束，祥仔追求的，是隨遇而安的生活。

祥：好似要小朋友喺標籤為「好」嘅職業中選夢想。

蘇：大個睇番，我都唔係要做呢啲，我會想去派吓牛奶都好喎，咁小朋友咪有奶飲囉。我仲有諗過不如做賽車手，因為我好鍾意揸車o架。我鍾意收信，亦都有諗過做郵差，係一件好浪漫嘅事。

祥：但朝朝返工都四圍走，仲要日曬雨淋，仲會唔會有浪漫感覺？

蘇：可能未必會有，但係現實生活當中見到有人係樂在其中，尊重自己嘅工作同埋搵到樂趣，我都好享受現在嘅生活。

祥：而我覺得仲搵緊，係咪樂在其中？我覺得OK，我冇乜好具體嘅興趣，唔似你鍾意去學好多嘢，可以令自己好忙。我覺得自己冇話有一條行開嘅路，或者「習慣」。同屋企人食吓飯，睇吓電視，睇吓《載得有情人》，我覺得係隨遇而安。

蘇：之前有位做開電視嘅朋友早排去試舞台劇，佢好肯定咁同我講：「我終於知道我唔係鍾意舞台，而係享受拍攝。」係我最近嘅一個有趣發現。

祥：我都唔肯定自己鍾意舞台，以前都做過《雷雨》，但試完後冇咩感覺。但我自問係享受演戲、享受經過嘅。

後記：滔滔不絕
訪問前一天，祥仔為新劇《梟雄》開工至深夜五時而略顯疲憊，但可以感受到他對演戲如何全力以赴；而阿蘇則神采飛揚現身。對生活抱有與演戲相同的熱誠，二人有講有笑，言談間不時停頓思考，並不是未有做好準備，而是他們對表演以及生活，實在是有太多的感受與經驗希望與你分享。

蘇玉華

髮型：Renton Hung via il colpo
化妝：Winki Tsang
服裝：Loom Loop PMQ, HAK PMQ
配飾：Coney and Co. PMQ
場地：千禧新世界香港酒店 La Table
筆錄：影視組
攝影：李柏儒

黎耀祥與蘇玉華再度拍檔毫不費力。

祥仔不諱言演戲只是打份工，搵餐飯食。

(東方日報)
http://orientaldaily.on.cc/cnt/entertainment/20140824/00282_055.html

[新聞] 被4友人點名「冰桶挑戰」 蘇玉華承諾一次過找數

香港文匯報訊（記者 吳文釗）黎耀祥、蘇玉華、洪永城與唐詩詠等人昨日宣傳劇集《載得有情人》，眾人分組玩三人四足遊戲時，唐詩詠俯身露出事業線，成功搶走其他人風頭。近期興起「冰桶挑戰」，蘇玉華坦言已被4位朋友點名，祥仔也是其中一人，而她也承諾會一次過在家中天台找數。

無《載》劇推出後反應不錯，收視穩步上揚，黎耀祥相信是觀眾開始接受這種題材。近期全球興起「冰桶挑戰」，祥仔笑言也有參與，更點了好拍檔蘇玉華接棒。蘇玉華就表示已有4位朋友開她名，但因日前開工至凌晨5時故未能兌現，她說：「我會一次過在家中天台找數。」

祥仔與蘇玉華皆有份拍《梟雄》，他們表示香港戲份快將完成，下月就赴上海拍外景，相信中秋節能在港度過，祥仔說：「其實年年中秋都在工作中過，難得可與家人一起過節。」蘇玉華稱家人一向重視中秋節，屆時蘇母會開壇擺水果陣，一家人邊吃水果邊賞月。日前蘇玉華揚言劇集有40點收視便結婚，笑問她準備好婚紗沒有？她笑道：「我會催促一下親友開電視。」但她嫌祥仔包一圍酒席太少，祥仔即加碼包多一圍，但就取笑蘇玉華是真的結婚才好。

唐詩詠嘆無人約度中秋

唐詩詠昨日低胸少有地露事業線，她亦承諾有35點收視會露4吋事業線，她笑道：「今次先給大家看線頭，引誘一下大家。」提到劇中與洪永城激吻一幕，詩詠直言不滿意自己表現，因為當時太緊張和感尷尬。問她是否介意拍激吻戲，她笑道：「沒理由給新人洪永城的表現奔放過我，覺得不忿氣。我也不理那麼多，要投入角色，當對手是另一半，放低自己。」提議她找個男朋友幫手拍感情戲，詩詠說：「現在拍劇當拍拖，每幾個月就拍一次拖。」至於中秋有沒有男士相約？她坦言自己沒人問津，希望到時會有驚喜，她說：「其實很期待有個浪漫的男士，簡簡單單陪我去沙灘賞月。」  

(文匯報)

http://paper.wenweipo.com/2014/08/24/EN1408240013.htm

========================================================================

蘇玉華天台一鋪清

視帝黎耀祥、蘇玉華及唐詩詠等昨日到油塘為無綫新劇《載得有情人》造勢，前晚通宵開工的阿蘇被已接受冰桶挑戰的祥仔點名找數，她表示會在寓所天台找數：「已經有4個朋友點我名，我想一鋪過找數。（淋4桶？）冇呢條例，但做善事都開心！」兩人又透露下月將到上海拍新劇《梟雄》，會留港過中秋，阿蘇更笑言會堆「水果山」賞月。阿蘇曾揚言若《載》劇收視達40點便結婚，問到是否已挑選婚紗？她即笑稱要先催親友幫忙谷收視。

同場的詩詠淺露事業線，談到在劇中與洪永城互摸激吻，她大呻不滿意表現：「冇理由佢比我表現得仲放，唔忿氣！」她又自爆中秋沒約會，期待會有浪漫男送上驚喜。

(太陽報)
http://the-sun.on.cc/cnt/entertainment/20140824/00470_038.html

========================================================================

唐詩詠咀洪永城留力

黎耀祥、蘇玉華及唐詩詠等昨於油塘宣傳無綫新劇《載得有情人》，微露事業線的詩詠談到日前該劇播出她與洪永城的激吻戲，她自爆太緊張而不滿意表現：「冇理由佢仲表現得放過我，唔忿氣！」她又自爆中秋冇人約賞月，故期待浪漫驚喜。

而日前接受冰桶挑戰的祥仔點名要阿蘇接力，阿蘇稱會於家中天台「找數」：「有四個朋友點我名，我想一鋪過找數。（淋四桶？）冇呢條例，但做善事都開心！」九月將到上海拍劇集《梟雄》的祥仔與阿蘇都會留港過中秋。問揚言收視40點就結婚的阿蘇是否揀好婚紗？她笑稱要先催親友開電視谷收視。曾答應包酒席的祥仔又加碼催婚：「我包多一圍，你係結先好！」

(東方日報)
http://orientaldaily.on.cc/cnt/entertainment/20140824/00282_010.html

[新聞] 黎耀祥指兒子更愛幕後工作

香港文匯報訊（記者 李慶全）黎耀祥、梁小冰及錢小豪昨日齊齊偕同仔女出席灣仔會展舉行的《李行齊國際魔法城堡2014 》。由於黃秋生前晚點名祥仔玩「冰桶挑戰」（Ice Buckets Challenge），祥仔便於活動上跟魔術師李行齊一起淋冰水，他更即場挑戰毛舜筠、鄧萃雯及蘇玉華。祥仔帶笑表示前晚太太給他看片段後，又知道李行齊昨日都會淋水，故此一起來玩，但當中最大意義是行善，他也一樣會捐錢，並希望大家會加把勁呼籲關注。問他為何找挑戰的都只是女藝人？祥仔笑說：「已經好多男藝人被挑戰了，再點他們感覺沒意義，至於選三位女士是因為很記掛她們，都是跟我合作過的拍檔！」

談及兒子黎正橋成長了，樣子長得酷似祥仔，祥仔聞言哈哈大笑表示兒子可替他去拍劇，不過演戲是講求天分跟興趣，兒子現在的興趣是拍照，可能他會喜歡幕後多於幕前的工作，一切隨他意思，不會勉強他的。

梁小冰偕兒子Louis來欣賞魔術表演，只可惜老公陳嘉輝要拍劇未能前來。小冰指兒子對魔術很迷，經常會叫她買魔術道具給他試玩，並常問她台上的魔術是如何變法。最近老公回巢無，問她會否也重返娘家？小冰則指她下月會演舞台劇，要是她也拍劇，恐怕會沒時間照顧小孩子。

(文匯報)

http://paper.wenweipo.com/2014/08/23/EN1408230019.htm  

========================================================================

黎耀祥搵仔做替身

黎耀祥昨一家三口到會展看魔術師李行齊表演，祥仔更與李行齊一起接受冰桶挑戰。前晚被黃秋生「挑機」的祥仔謂：「原來小齊都諗住做，所以就一齊。」淋冰後祥仔點名叫毛舜筠、鄧萃雯和蘇玉華接力。

之後記者指祥仔兒子愈大愈似老竇，祥仔笑言要找兒子做替身，但坦言兒子無意入娛圈：「佢鍾意影相多啲。」

(東方日報)

http://orientaldaily.on.cc/cnt/entertainment/20140823/00282_021.html

========================================================================

金秀賢淋冰祥仔濕完捐錢

ALS協會「冰桶挑戰」熱潮傳遍各地，昨日視帝黎耀祥一家三口到會展觀看魔術師李行齊表演，兼一起接受「冰桶挑戰」，淋冰水後祥仔即點名毛舜筠、鄧萃雯及蘇玉華「找數」。而前晚受到黃秋生挑機的祥仔說：「睇咗條片，原來佢喺公司淋咗，橫豎小齊都諗住做，所以一齊啦！」祥仔又指捐錢才是活動主要意義，故會捐錢到ALS協會及本地有關組織。有記者指祥仔的兒子愈大愈似他，他即笑言要找兒子做替身，但坦言兒子志不在此：「佢鍾意影相多啲！」



(太陽報)
http://the-sun.on.cc/cnt/entertainment/20140823/00470_015.html

[新聞] 黎姿徐子淇冰桶互淋

【明報專訊】「冰桶挑戰」為ALS（肌萎縮性脊髓側索硬化症）籌款的活動在蔓延，昨日眾星登場，有「男神」古天樂與余文樂、「女神」Angelababy（楊穎）、佘詩曼，鴛鴦戲水的林與吳千語，加上半裸王祖藍傾力演出；不過，「千億新抱」徐子淇加黎姿的凍齡美魔女組合一出，誰與爭鋒？

用泳池水夠環保

徐子淇接受「冰桶挑戰」，以一貫的優雅形象在鏡頭前先給大家講解ALS的怎樣病，又將冰塊與水加入大木桶裏，現場還有豪宅的私人泳池作背景，說用泳池水便不致浪費了。大膽要徐子淇淋冰水的原來是自己人，由她的妹夫Alex挑戰。子淇解釋由於遲「找數」，逾24小時才完成挑戰，故罰自己用雙倍冰。她坐木桶裏由旁人兜頭淋冰水，大叫好凍。完成任務後她下戰書，包括黎姿；鏡頭拉開，原來給子淇淋水的人就是黎姿。兩人同穿著牛仔恤衫似姊妹裝，當黎姿準備入木桶裏時，還被子淇按要坐低些。兩位靚太出水芙蓉的姿態靚絕，她們還合力將木桶的水倒到泳池裏。

【冰水照頭淋】黎姿與徐子淇為了善事齊齊互淋，就算濕身也開心。  

【冰水照頭淋】黎姿 

【冰水照頭淋】黎姿加徐子淇這個凍齡美魔女組合攜手行善。

【冰水照頭淋】兩位靚太合力將水倒入泳池不致浪費。

(明報)

http://ol.mingpao.com/cfm/star5.cfm?File=20140822/saa01/mbc1.txt

========================================================================

徐子淇淋水挑機黎姿

昨日繼續有不少藝人玩冰桶挑戰，包括余文樂、古天樂、黃曉明、Angelababy等等。兩位幸福少奶徐子淇和黎姿互淋對方，並將淋過的水放回泳池，森美亦用一粒冰自淋，齊齊響應節約用水。林峯找來女友千語BB淋自己，譚詠麟則率領明星足球隊一齊淋，肝病康復中的羅家英亦有參與，僅捐款的郭富城將有個人資料的捐款收據放上Instagram，被粉絲提醒後即刪除。 

(蘋果日報)

http://hk.apple.nextmedia.com/entertainment/art/20140822/18840606

https://www.youtube.com/watch?v=Xu1l5GA8EQ0