KKground

2014年3月19日星期三

[新聞] 黎耀祥怕陌生唔諗離巢

視帝后級的黎耀祥與田蕊妮，昨日為新劇《無雙譜》到屯門拍外景，祥仔佗着劇中要孵化的道具蛋受訪，他說：「呢個劇同神話有關，輕鬆嘅劇拍得冇咁辛苦，觀眾都睇得開心。」祥仔透露與無綫合約明年中屆滿，他說：「未有咁快傾新約，喺TVB好開心，工作人員都識咗十幾年，我最怕陌生。」

黎耀祥與田蕊妮為新劇到屯門拍外景。

(東方日報)
http://orientaldaily.on.cc/cnt/entertainment/20140319/00282_051.html
========================================================================阿田處女騷唔請秋生

田蕊妮與黎耀祥昨日為新劇《無雙譜》到屯門拍外景，阿田透露近日精神壓力極大：「我4月出碟又開Show，依家忙籌備，我會喺個Show度跳舞，總之好期待，近排發夢都係開會同背歌詞！阿澤會趕返香港撐我第一次，但係咪上台、做啲乜就仲諗緊，賣個關子先！」阿田早前被問到杜汶澤與黃秋生不和時，暗寸秋生應改名為「Anything Wrong」，秋生事後指十年前已為自己起此花名，對此阿田說：「咁我Out囉！（請秋生睇你個Show？）唔使啦！唔係咁好。關於佢嘅嘢，我要回應嘅已經回晒，點到即止啦！唔想沒完沒了！」

祥仔有意續約無綫

而祥仔則佗着劇中要「孵化」的道具蛋受訪，他說：「呢套劇比較輕鬆，同神話有關。（鍾意《巾幗梟雄》劇種？）都鍾意，各有滿足感，輕鬆嘅劇冇咁辛苦，觀眾亦睇得開心。」他又透露與無綫的合約將於明年中屆滿：「未咁快傾新約，我喺TVB好開心，工作人員識咗十幾年，我最怕陌生。（考慮去內地拍劇？）機會微啲，但我唔抗拒，隨緣啦！睇到時想法係點再決定。」

(太陽報)
http://the-sun.on.cc/cnt/entertainment/20140319/00470_050.html

[新聞] 《叛逃》收20個投訴

無綫「倉底劇」《叛逃》3年前已拍竣，最近終於重出生天，周一首播平均收視有30點，最高31點，成績算不錯。至於無綫及通訊局共收到20個投訴，指吳卓羲戲分不及陳展鵬；槍戰場面不夠震撼，同時有觀眾覺得不應播放以恐怖分子為題材的劇集。監製王心慰希望觀眾耐心追看，往後有更激場面，同時否認陳展鵬戲分多過吳卓羲。

(星島日報)
http://news.sina.com.hk/news/20140319/-17-3216461/1.html

2014年3月4日星期二

[新聞] 《食為奴》最高收視31點接6投訴

【明報專訊】無昨日公布上星期黃金時段收視，劇集《愛．回家》與《守業者》維持24點及26點平均收視。王祖藍與萬綺雯飛的劇集《食為奴》成績最好，平均29點，最高31點；但收到6宗投訴，3個批評萬綺雯的年紀與角色不相稱，兩個指劇情平淡，其餘一個認為劇情與歷史有謬誤。

萬綺雯被指年齡與角色不相稱

新節目《搵個好男人》則有19點平均收視。而周日播出的《我要做老闆》和《燭光晚餐》的收視微跌2點及1點，分別有19點和16點平均收視。

記者：鍾一虹

(明報)
http://ol.mingpao.com/cfm/star5.cfm?File=20140304/saa01/mcj1.txt
======================================================================
胡諾言拒做「怪獸家長」

譚凱琪効力有線七年後早前轉投無綫，今次是首次拍劇，她否認是高層余詠珊邀請過檔，但她坦言看見黃翠如、洪永城等過檔後發展順利，覺得由主持轉型拍劇是一個機會。另外，無綫公布上星期黃金時段收視，劇集《食為奴》平均29點，最高收視更有31點成績最好，但有3宗投訴主角萬綺雯演技與年齡不相稱。

(東方日報)
http://orientaldaily.on.cc/cnt/entertainment/20140304/00282_034.html

2014年3月2日星期日

[新聞] 祥吐真言阿田參透人生只係賺經歷

田蕊妮入行日子不淺，不過面對演戲及人生均經驗豐富的黎耀祥，視后也不敵視帝，甘拜下風！阿田於祥仔身上學會參透人生，兩人之間話題充滿哲理，大談人生如戲，但演戲卻又假亦真時真亦假，當眾人皆醉我獨醒時卻實悲哀，認為演員並非開心工作，人生行到盡頭即使何其精彩，最終能夠帶走的也只是經歷，可謂無限唏噓！

田蕊妮：田黎耀祥：黎
田：21歲拍亞視劇《電視風雲》時識你，嗰時好細個，角色唔係好多戲，但我幾驚你，你係我偶像，知道同你拍戲好緊張，你知啦，當時有人讚話覺得我做戲叻，當要對住好戲之人就好驚，會唔會發現我嘅破綻。

黎：我對你有印象係拍《蘇東坡》，覺得你細路女，當時好多群戲，你做郡主，本身性格好直，易睇到，畀人鬧兩句就眼濕濕，我冇特別開解你，只係將氣氛搞relax啲，依家你都係直接，喺呢行屬於好直，咩都講得，唔係好怕醜，係冇咩顧忌，到早前拍《造王者》時你咩都問，咁多個女對手最多問題係你。

田：多數問你演戲點處理，有機會坐低就問，好似詢問處。
黎：我都冇避你，你問實在嘅嘢，呢個世界有咩我答唔到，都吹得o架！
田：平時唔會好意思打電話問你，見你答人好瀟灑，其實唔夠瞓。
黎：有時攰唔想人煩，有時有point，傻有傻答，演員要控制情緒，唔好影響拍戲，人生只係賺經歷，可以帶走都係呢樣嘢，完全冇脾氣又唔係，梗會有多少，老婆會開解，演員習慣唔開心，好明白，人生亦唔係開心事。
田：以前會覺得係唔開心，喺機器前又喊又笑點會開心，依家覺得演員係有福分工作，透過角色認識自己，清楚入面情緒係點，對人生係賺經驗，最後就似發夢一樣，唔會當所有嘢係真實，做戲係真實定唔真？人生似做戲，做戲似唔真，只係同嗰個人感情、感覺係真實，但其實又唔真實。
黎：真同假係複雜問題，演員基本唔開心，牽涉層面太深入，對人生真同假要有一個觀點同價值，好多時真假好模糊，以為係真，其實係假，當件事係假點面對，價值觀大問題，淨係真假已有排諗，人生係一個夢，但個夢唔真實仲要爭取咩，好深嘅哲學問題，係假又做嚟有咩意義？

難抽離角色視帝也無奈

田：人生係冇意義，唔係所有人都知係假同冇意義，咁就大家enjoy啦！
黎：眾人皆醉我獨醒咪仲悲哀，悲觀下產生樂觀，消極入面產生積極，明白咗會覺得自己好無聊，呢個問題係兜圈諗唔通，人生都要入世，唔可以用理論參透人生，理論上面，實際下面，我都試過喺角色好耐先出嚟，所以認真大鑊，上天畀相當酬勞你，演員付出感情係必然，當你明白時係幾無奈。
田：既然係咁你仲可以keep住啖火演戲？
黎：唔知點解，我慢慢唔鍾意演戲，但必須要演，因為係我生命。
田：攞咁多視帝有冇壓力？
黎：成功對我嚟講唔重要，有人讚唔代表你識做戲，人生冇盡頭，你問我係咪好叻？我仲有好多嘢未做到，自己搞掂又有其他嘢，點會完，愈行出去愈覺得自己不足。
田：驚唔驚返轉頭都係嗰點？
黎：唔驚，根本係咁，人生行到最後都會返轉頭。

後記：遇上對手

年前曾經與田蕊妮做過一個深情訪問，當中阿田的對話相當玄妙，亦包含一些佛偈，令筆者印象深刻，沒想到今次阿田遇上對手——黎耀祥，祥仔那種參透人生的睇法，令筆者與阿田也要停一停，想一想箇中道理，基於話題認真，阿田也把平日講唔停的性格放下，洗耳恭聽這位經驗豐富的前輩「教書」，事後阿田笑謂：「同祥仔傾偈真係得着太多，我諗除咗老公會同我傾呢啲話題之外，就只有佢會睬我！」

祥仔的說話充滿人生哲理，阿田亦甘拜下風。

三度封視帝的祥仔，仍自覺有不足之處。


	阿田說與祥仔傾偈，有很多得着。

(東方日報)
http://orientaldaily.on.cc/cnt/entertainment/20140302/00282_066.html

2014年2月28日星期五

[新聞] 黎耀祥指家人有難會盡幫

有報道指黎耀祥哥哥在深圳居住做廢紙回收，與祥仔的富裕生活有天淵之別。昨日祥仔回電視城拍《無雙譜》時表示有留意報道，解釋他們生於大家庭有六兄弟姊妹，長大後各人都各有發展，自食其力，只要家人主動要求幫忙，相信各兄弟都會盡力幫忙。他說：「我們是和睦家庭，又不是有錢人要分身家，哥哥選擇這種方向是不能強迫，他喜歡在深圳住，難道我叫他返來香港住，由我養他嗎？」祥仔坦言覺得今次報道有少少無謂，笑言他如做生意也可以叫兄弟幫手，但他是做戲的，難道叫哥哥回來幫手拍戲？

(文匯報)
http://paper.wenweipo.com/2014/02/27/EN1402270019.htm
=======================================================================
黎耀祥：不可能逼他返港住 53歲胞兄深圳自食其力

【明報專訊】三屆視帝黎耀祥，近日爆出任職回收場工人的53歲胞兄黎偉祥涉及去年一宗撞傷老人家案件外，另一胞兄黎達祥是位裁判官，被指兄弟命運差天共地。黎耀祥昨日於電視城拍攝《無雙譜》，認為毋須大驚小怪，他無奈地說：「在我個年代的家庭兄弟姊妹多，各有各發展，有些好、有些不好，這是必然，但不成問題。各有各家庭，自食其力養妻活兒，個個如是，不覺得有什麼問題，搞到家人有點無謂。」
兄弟姐妹感情無問題

黎耀祥直言胞兄黎偉祥性格一向自立、獨立，很早已離家自住，一向沒甚聯絡，多數是從另一胞兄知道黎偉祥的消息；不過，他強調兄弟姐妹感情無問題、無不和，且胞兄黎偉祥有權選擇自己方向，在深圳生活又搵到食，不可能逼對方返香港居住。黎耀祥說：「有人問我點解不幫他，難道我說我有錢，我養埋他？不是這樣的。若然他主動要求幫手，我相信任何兄弟姊妹都會幫，因為我們全個家庭都好和睦。老實講，我們又不是有錢人，不用爭身家，大家由零開始，無大衝突。只不過我做這行，又無得關照他、叫他幫我做戲，除非我有好多生意，就叫他幫手。」

記者：梁榮達

黎耀祥是三屆視帝，他的另一位哥哥黎達祥則是位裁判官。

(明報)

http://ol.mingpao.com/cfm/star5.cfm?File=20140227/saa01/mcm1.txt

=======================================================================
黎耀祥否認兄弟不和

視帝黎耀祥昨日到將軍澳拍攝劇集《無雙譜》，對於有報道指他有兩個哥哥，一個任法官，另一個是回收場工人黎偉祥，而黎偉祥早前惹上官非。祥仔指黎偉祥少聯絡屋企：「佢少搵我哋，我都係由另一個阿哥先知佢近況。冇咩需要大驚小怪，每人有自己嘅自由發展。我哋兄弟間冇不和，各有各家庭，自食其力。」談到名成利就卻不幫兄弟，祥仔笑說：「唔可以咁講，佢自己都搵到食，又冇主動要我幫，搵到食就OK，我唔係做生意，唔通叫佢返嚟做戲咩？」

祥仔指哥哥能自食其力，毋須大驚小怪。

(太陽報)

http://the-sun.on.cc/cnt/entertainment/20140227/00470_041.html

=======================================================================

祥仔與兄疏離：唔使大驚小怪

視帝黎耀祥昨於將軍澳為劇集《無雙譜》開工，有指他任回收場工人的哥哥黎偉祥早前惹上官非，祥仔指對方很少聯絡屋企：「自己有好多兄弟姊妹，阿哥獨立生活，少搵我哋，我都係喺另一個阿哥口中先知佢近況。唔使大驚小怪，每人有自己嘅自由發展。我哋兄弟間冇不和，各有各家庭，自食自力。」談到祥仔的另一個哥哥是法官，而他是視帝，為何不幫兄弟？他否認說：「佢（黎偉祥）自己都搵到食，又冇主動要求我幫忙，搵到食就ＯＫ。每人都有每人的生活，我唔係做生意，唔通叫佢嚟（ＴＶＢ）做戲咩？」

(東方日報)

http://orientaldaily.on.cc/cnt/entertainment/20140227/00282_028.html

=======================================================================

哥哥做回收場工人黎耀祥認少聯絡

去年在油塘涉及撞傷阿婆的回收場工人黎偉祥，在其感化報告內表示，兄長是現職司法常務官的黎達祥、兩個弟弟分別是視帝黎耀祥及警務人員。

其後黎偉祥承認此事，但因身份及地位關係，退出兄弟聚會。黎耀祥昨在將軍澳開工時說：「唔使大驚小怪，兄弟姊妹大個咗有各自嘅生活，我呢個做廢紙回收嘅哥哥係一個獨立嘅人，我哋冇不和，只係少啲聯絡。我只係拍戲賺錢，唔係做大生意，冇理由畀錢哥哥用，如果有需要幫忙，一定會企出嚟。」

採訪：張曦彤

(蘋果日報)有片睇

http://hk.apple.nextmedia.com/entertainment/art/20140227/18638975

2014年2月26日星期三

[新聞] 黎耀祥搵Bosco食蠔傾心事

香港文匯報訊（記者李思穎）黎耀祥和兩位馬來西亞演員龔柯允及程旭輝合演電影《丐世英雄》首映禮昨日舉行，向來守時的祥仔昨日竟大遲到，遲上一小時才到場，累得其他演員呆等，對此，祥仔深感抱歉。

他解釋因正趕拍新劇《無雙譜》，昨日便拍攝外景，差點趕不及過來看首映。祥仔透露該片是首部在大馬拍攝的電影，大部分在檳城取景，當中亦有新加坡演員。問到祥仔是否進駐大馬市場？他謙稱：「不敢這樣講，都是老闆見馬來西亞電影開始蓬勃便手推廣，對自己而言是好開始，稍後會到檳城宣傳，也是幾經艱辛才度到期宣傳。」

近日被傳「澤崢戀」玩完的黃宗澤(Bosco) 有份拍攝《無雙譜》，Bosco可有受感情問題影響拍攝進度？祥仔稱：「不會，因Bosco是專業演員，不過我同佢對手戲不多，對方和岑麗香較多對手戲，(Bosco和楊崢分手？)全部都是說而已。（之前Bosco親口承認與楊崢拍拖！）有些事的深度未必愛到難捨難離，我們很少談心事，但他應承請我吃蠔，到時會摸酒杯底問他好了，(Bosco有否異樣？)大家在現場有講有笑，十分開心，況且我們都專業，不會因私事影響工作的。」

(文匯報)

http://paper.wenweipo.com/2014/02/26/EN1402260041.htm

======================================================================

黎耀祥抵抗力變差爛嘴

由新加坡、馬來西亞與香港三地演員合作的電影《丐世英雄》昨日舉行首映禮，有份參演的黎耀祥遲到了1小時，他表示因忙於拍攝無綫劇集《無雙譜》所致，事前已通知有關方面。面露疲態的祥仔稍後還要到檳城為電影宣傳，嘴角有傷口的他坦言最近抵抗力低，吃海鮮都敏感爛嘴。

談到有指黃宗澤（Bosco）情變影響《無》劇拍攝進度，祥仔力撐Bosco專業，拍劇時有講有笑沒影響工作。他又透露Bosco邀他到其開設的蠔吧聚餐：「到時摸吓酒杯再傾心事啦！」

(星島日報)
http://news.sina.com.hk/news/20140226/-17-3198829/1.html

======================================================================

被問情變黃宗澤：畀條生路行吓

黃宗澤（Bosco）與楊崢戀情曝光後是非不斷，楊崢日前更向電台請假休息。Bosco昨日回電視城開工，問到分手的傳聞，他沒好氣地說：「日日都唔同版本，又講呢啲都驚悶親市民大眾。（楊崢放假療情傷？）休息吓都要嘅。留番畀我哋搞啦！畀條生路我行吓啦！」至於楊崢不斷被負面新聞纏身，問到會否覺得女友壓力大？Bosco說：「休息都有好多原因，係人都要休息。」而黎耀祥昨日出席電影《丐世英雄》首映，問到與Bosco合作拍劇會否覺得對方不開心？他說：「有講有笑不知幾開心，好多嘢都係傳聞嚟！」

(太陽報)有片睇
http://the-sun.on.cc/cnt/entertainment/20140226/00470_017.html

======================================================================

Bosco楊崢有聯絡

另外，黎耀祥昨日出席電影《丐世英雄》首映，問他與Bosco合作時，有否覺得對方不開心？他謂：「有講有笑不知幾開心，好多嘢都係傳聞。」

(東方日報)
http://orientaldaily.on.cc/cnt/entertainment/20140226/00282_016.html

2014年2月25日星期二

[新聞] 陳慧珊否認家暴老公愛惜被車門撞爆眉頭

無綫三線劇收視跌

《燭光晚餐》前晚首播平均17點（約110萬觀眾），由於對上周同時段播映《單戀雙城》大結局，跌了17點。周一至五三線劇集收視亦下跌，《愛‧回家》平均24點（約156萬觀眾），下跌2點；首周《守業者》平均26點（約169萬觀眾），比上周《單戀雙城》跌2點；《食為奴》平均27點（約175萬觀眾）跌1點。無綫及通訊局共收到3宗《守業者》投訴，指劇情沉悶、重複、無新意及有錯誤資訊。無綫播索契冬季奧運會收3宗投訴，指太多重溫及訪問運動員片段，評述聲音太大。

記者：鍾一虹

(明報)
http://ol.mingpao.com/cfm/star5.cfm?File=20140225/saa01/mea1.txt

2014年2月18日星期二

[新聞] 227萬觀眾睇《單戀雙城》結局

【明報專訊】無綫公布上周收視，農曆年長假過後，三線劇集收視全線上升，處境劇《愛‧回家》平均收視26點，上升2點，約有168萬觀眾收看；接《新抱喜相逢》棒推出的《食為奴》首集收視高開，首周平均有28點收視，約有180萬觀眾，但接獲1宗投訴，指劇集馬虎，出現貨Van穿崩場面；《單戀雙城》結局篇平均收視28點，上升3點，前晚兩小時大結局成績更佳，平均32點收視，最高更達至35點（10點52分接近尾聲時段），約有227萬觀眾收看，全集平均26點收視，但有觀眾指故事沉悶，及演員演技一般，共收到5宗投訴。至於體壇盛事《2014索契冬季奧運會》亦收到2宗投訴，指評述員口齒不清。而周日播出的《愛情來的時候》日本篇，平均收視23點，約149萬觀眾，較韓國篇跌3點。

記者﹕陳釗

(明報)
http://ol.mingpao.com/cfm/star5.cfm?File=20140218/saa01/meb2.txt