[壹周刊第1117期] 黎姿老公獨來獨往

黎姿孖女滿一歲，上星期日（七月廿四日），喺半島酒店搞 noon party慶祝生日，黎姿大方俾傳媒任影，唯獨老公馬廷強繼續玩低調，唔見人！仲有傳佢喺半島酒店搭直升機鬆人。

幾日後（二十八日），《壹》仔途經灣仔新鴻基中心，見到馬廷強一支公上車離開，望吓個鐘，踏正五點放工時間，收工返歸！個天就係咁，莫講話影一家四口全家福，就算要影到馬生馬太孖咇蒲頭，都冇咁易！

行動不便，但馬廷強自己落樓梯唔使人扶，工作人員只係幫手開車門俾佢上車。

甚少同老公出雙入對嘅黎姿，早排單拖約朋友中環食晏，邊行邊玩 talk box。