[新聞] 祥仔翻生博三度奪視帝

黎耀祥憑《巾幗梟雄》和《義海豪情》兩奪「視帝」，多得幕後編審張華標將祥仔角色立體打造，據知張華標十月將強勢回歸，返無綫與李添勝炮製《巾幗》系列第三集，祥仔得悉「鐵三角」重組十分開心，看來他三度稱帝並非難事。

黎耀祥於今年五月生日時曾許願，希望往台灣發展的「金牌編審」張華標回巢，經多月來的「望郎歸」，祥仔終於望到；昨日獲戲劇科製作主任李添勝證實，離巢十四個月的張華標，將於今年十月回歸，重掌助理創作主任職位，並「埋班」與添哥度劇本，原班人馬炮製《巾幗》系列第三集。

明年四月開拍

添哥表示今次新劇會有《巾幗》、《義海》一些延續，他說：「鄧萃雯、黎耀祥都死咗，角色就冇得落去啦，只係攞番個故事背景一啲延續，譬如係六十年代或民初，但個故事就獨立嘅，我已經跟祥仔度咗期，明年四月佢可以嘅，（雯女呢？）佢最近忙內地拍劇，我都要同佢傾，希望佢有期啦！」而身在台灣的張華標被訪時表示因不慣當地生活，老婆「詐型」，他說：「我都未完成手頭工作，未落實㗎，老婆放暑期過咗嚟探我，但我成日都同添哥、祥仔聯絡！」

有新嘢畀觀眾

至於祥仔今次成功「望郎歸」，他坦言很開心：「我都有聽聞華標返嚟，我願望成真，（再拍《巾幗３》？）有聽添哥講，拍嘅話計埋出街時聞，距離《義海》都有兩年，我相信觀眾仲會有新鮮感，（壓力？）我又唔擔心，佢哋久經戰陣，我覺得會有新嘢畀觀眾。」至截稿前鄧萃雯未回覆。

(東方日報)
http://orientaldaily.on.cc/cnt/entertainment/20110805/00282_018.html
====================================================================
黎耀祥再做「梟雄」冇壓力

曾編寫《巾幗梟雄》和《義海豪情》的「金牌編劇」張華標10月將強勢回歸，與李添勝和「視帝」黎耀祥合力炮製《巾幗》系列第三集，新劇將於明年4月開拍。

於5月生日時曾許願華標回巢的祥仔，昨日終於得無綫戲劇科製作主任李添勝證實華標回歸：「華標10月返，《巾幗3》係有之前兩集一啲故事背景延續，鄧萃雯、黎耀祥都死咗，角色就冇得落去o架喇！我已經跟祥仔度咗期。（雯女？）佢最近忙內地拍劇，我都要同佢傾明年先開，希望佢有期啦！」而祥仔則開心說：「我願望成真！（再拍《巾幗3》？）有聽添哥講，計埋出街時聞，距離《義海》都有兩年，我相信觀眾會有新鮮感。（壓力？）我又唔擔心，佢哋久經戰陣，我覺得會有新嘢畀觀眾。」至於鄧萃雯則在截稿前仍未回覆。

黎耀祥（左起）、李添勝及鄧萃雯憑《巾幗》系列獲獎無數。

(太陽報)
http://the-sun.on.cc/cnt/entertainment/20110805/00470_011.html