KKground

2015年7月1日星期三

港劇景點－惡毒老人同盟－味王餐廳

劇集:惡毒老人同盟
集數:CH08，CH12，CH14
地點:味王餐廳
地址:葵涌健康街2—6號飛亞工業中心地下5號鋪
http://www.openrice.com/zh/hongkong/restaurant/%E8%91%B5%E6%B6%8C-%E5%91%B3%E7%8E%8B%E9%A4%90%E5%BB%B3/19666?tc=sr1

惡毒老人同盟CH08

惡毒老人同盟CH12

惡毒老人同盟CH14

香港的酷熱天氣令人透不過氣來，黎耀祥、林夏薇與陳國邦等，為無綫新劇《公公出宮》到開平拍外景，三位藝員及劇務都先後中暑。其中薇薇情況較嚴重，出現頭痛及嘔吐現象。祥仔也有頭痛作嘔感覺，他立即飲「正氣水」補充水分，幸休息一會便沒事。
耀祥、胡定欣、林夏薇、曹永廉、蕭正楠、陳國邦與姜大偉等，早前拉大隊到開平拍攝新劇《公公出宮》外景。今次大隊於開平逗留了一個月，穿上民初戲服的藝員，在烈日下開工可謂熱到爆。
祥仔透露有日在一個廣場取景時氣溫高達40度，自己每日開工都必備「正氣水」。原來林夏薇之前到浙江省拍《寒山潛龍》一劇的外景時也飲過，所以台前幕後也瘋狂入貨。
祥仔說：「聽薇薇說正氣水可以防中暑，不理有沒有效，味道苦苦甘甘不太好喝，不過薇薇飲了也中暑，還是較嚴重的一個。」
祥仔表示開平的碉樓很出名，姜文的電影《讓子彈飛》也在該處取景，今次《公公出宮》主景也在被保護的村莊內。不過，有次在旅遊區拍攝外景時卻遇上小意外，大家夾錢買飲品，劇組亦準備大冰桶雪凍飲品消暑，大隊遠離大本營，返轉頭發現幾箱冰凍飲品被人偷光，可謂損失慘重，大家都哭笑不得！
祥仔日前也拍攝了一場落水戲，劇情講述陳庭欣誤會他害死自己的夫君，言語間推了他落水。拍攝期間遇到風雲變色落大雨，令眾人十分狠狽。另外拍攝了一場胡定欣坐在他的單車尾發生意外的戲分，由於路窄不平，所以導演安排了車軌拍攝這場戲，做足安全措施。
祥仔表示今次拍攝《公公出宮》很順利，七月初大隊便可以返港，這幾天大家也四處發掘美食，當地的黃鱔飯及酸辣魚很有名，日前他沒有夜戲，便抽空前往一嘗地道美食。
另外，姜大偉及林夏薇分別在前日及昨日生日，工作人員為兩位壽星準備蛋糕慶祝，令他們在外地工作也感覺到一份溫暖。

(星島日報)
http://news.sina.com.hk/news/20150701/-17-3867444/1.html

2015年6月23日星期二

[新聞] 大熱天拍劇棉襖頸巾樣樣齊祥仔焗出汗要求加人工

黎耀祥、曹永廉、蕭正楠及陳國邦等「兄弟幫」，齊齊合作拍攝TVB新劇《公公出宮》，夏日炎炎不但要頂住高溫，還要穿上厚厚棉襖拍攝一場逃難戲，每位演員都大汗疊細汗！近日眾人更轉戰內地開平，一樣要披棉襖上陣，加上現場不乏炸彈及燒田戲分，令祥仔大呼「想死」！笑言要加人工補數。至於笑言跟女友黃翠如同樣「無腦」的蕭正楠，則不排除有閃婚可能。

祥仔、曹永廉、蕭正楠（Edwin）及陳國邦等演員，繼之前合作叫好叫座的《大太監》後，近日再度合作喜劇《公公出宮》。早前就有場走難戲，要到大埔鐵路博物館拍攝兼取景，由於劇情講述他們由北平逃難到南方，故幾位大男人均要冒住高溫，披棉襖上陣，拍得人人大汗疊細汗！

祥仔透露，劇集還會到開平拍攝1個月外景，同樣要穿上這身「冬日」裝扮，加上不乏炸彈及燒田等戲分，熱上加熱，真的「想死」，阿廉聞言笑說：「希望公司加人工啦！」祥仔亦附和：「熱天拍劇真係好辛苦，況且有邊個打工仔唔想加人工呢，哈哈！（會向高層反映？）呢啲當然交畀John哥（姜大偉、阿廉外父）負責啦！」

二人訪問時已不斷鬥嘴，原來在拍攝期間也經常爆肚，祥仔說：「喜劇係靠演員撞出火花，好難預先設定笑位，今次大家咁有默契，個個都有爆肚。」問到會否開拍第3輯？阿廉即笑說：「好難喇，祥仔依家獨當一面，一個人孭100集都可以啦。」祥仔亦不甘示弱還擊：「你夠可以孭鑊啦！」

至於Edwin就「質疑」阿廉的性取向：「阿廉扮乸形，真係維肖維妙，所以上開平，我都唔敢同佢同房，夜晚更加要鎖好門窗。（着多幾條底褲防範？）沒用嘅，佢係隻禽獸嚟，哈哈！」

另外，月前生日的Edwin，亦要在工作中度過，問到女友翠如BB送了甚麼禮物給他？Edwin即大爆女友趁他開工前，送了個生日蛋糕：「我早排學玩遙控飛機，但已經炒爛咗架，翠如再送了兩架有防撞功能嘅畀我，仲有其他好有心思嘅禮物，不過唔方便透露。」

再追問Edwin今年生日願望，是否想成家立室？他說：「咁又無咁快，依家好享受拍拖生活，先努力工作。（有否共識？）我哋都無腦嘅，唔會刻意去計畫囉，多數『叮』一聲，想做就去做。（閃婚？）都有呢個可能，但機會好微囉，哈哈！」

(星島日報)
http://news.sina.com.hk/news/20150623/-17-3850886/1.html

2015年6月20日星期六

[新聞] 祥仔拜劍神為師拍新廣告

最近黎耀祥為「藍十字保險」拍攝新一輯廣告，穿上劍擊服的祥仔型到爆，廣告中他要跟香港花劍公開賽冠軍、且有「劍神」之稱的張小倫學劍擊，祥仔初接觸劍擊運動，大感新奇，尤其那套劍擊服有型有款，他笑言早知年輕時就去學玩劍擊，相信可迷倒萬千少女。

今次廣告會讓祥仔與劍神交換角色作生活體驗，祥仔跟劍神學做劍擊教練，而劍神則跟祥仔學演戲，帶出做人要有足夠準備，活出精采人生的訊息。劍神邊教邊讚祥仔天分高，不用多教，已能學會，祥仔則說：「劍擊易學難精，好多小朋友年紀細細已便開始鍛煉，劍擊好講求身體協調。」

除了天分高，演戲出身的祥仔，模仿力特強，更說拍劇拍戲，好多時臨場才學，慶幸本身運動底子不算差，每周更會抽2、3日時間跑步及舉重，而且自問已年屆51歲，年紀不輕，一定要保持做運動。

祥仔透露，今次拍廣告出動了4套私伙衫，兒子黎正橋特別為他精心選購及配襯，從而發覺兒子對衣着愈來愈有品味，現時自己但凡出席大小活動，穿的服裝也由兒子來配襯，兒子與太太儼如他的左右手，工作變得愈見輕鬆。

換上劍擊服的祥仔，型英帥靚正。

祥仔擺出持劍之勢，盡顯功架，甚有「西門吹雪」上身之效。

(星島日報)
http://news.sina.com.hk/news/20150620/-17-3846141/1.html

2015年6月19日星期五

港劇景點－tapagria

劇集:潮拜武當；愛．回家；鬼同你OT
集數:CH20；CH814似是故人來；CH18
地點:tapagria
地址:尖沙咀彌敦道100號The ONE 18樓
http://www.openrice.com/zh/hongkong/restaurant/%E5%B0%96%E6%B2%99%E5%92%80-tapagria/144991

潮拜武當CH20
=====================================================================

愛．回家CH814似是故人來
====================================================================

鬼同你OTCH18

2015年6月16日星期二

[新聞] 《大時代》結局吸逾52萬觀眾

【明報專訊】無綫公布上周收視成績，深宵時段重播的《大時代》，自播出以來成為全城熱門話題，上星期五大結局更錄得重播以來最高收視，平均7.6點，最高8.1點，約521,000觀眾收看，出現在劇集尾段。對於劇集大結局尾段跳樓鏡頭全被刪去，無綫企業傳訊部副總監曾醒明解釋，他指1992年首播時，第一集（有跳樓戲）出街後很震撼，引起社會廣泛討論；因當時正值90年代初期，社會較保守，所以覺得很殘暴，逼於尾段時將一些拍了的戲修飾，去迎合當時社會氣氛，以及是應當局的要求。曾生亦強調現在所播出的大結局版本與當年一樣，並無修剪過。

(明報)
http://ol.mingpao.com/cfm/star5.cfm?File=20150616/saa01/mbc1.txt
======================================================================
《大時代》創深宵最高收視

TVB深宵重播經典劇《大時代》，引來不少迴響，吸引眾劇迷夜深煲劇，不過上周五大結局，卻刪剪了丁蟹與4子跳樓一幕，遭網民投訴，但仍錄得8點收視，約52萬人觀眾收看，再創深夜重播劇最高收視。

重播劇集《大時代》終於在上周五大結局，雖然丁蟹與4子跳樓一幕被刪剪，但尾段仍錄得最高收視8點，約52萬觀眾人次，而平均收視亦超過7點，再創深夜重播劇最高收視！不過，有網民投訴TVB將大結局刪剪掉丁蟹跳樓一幕，通訊事務管理局亦接獲兩宗投訴，投訴刪剪劇情及自我審查。

無綫企業傳訊副總監曾醒明解釋，92年首播第1集時，丁蟹將4個仔掟落街的一幕，引起很大迴響，當時TVB更遭警告及罰款，所以大結局已經刪剪才播出，主要是迎合電檢處的條例，而上周五大結局，正是92年的版本。

(星島日報)

http://news.sina.com.hk/news/20150616/-17-3837377/1.html

======================================================================

曾江坐輪椅謝賢邊推邊揼

《大時代》結局無刪減

另外，無綫神劇《大時代》上周五大結局錄得最高8.1收視，約有52萬觀眾捧場。講到重播的結局被指有刪減，無綫企業傳訊部副總監曾醒明強調結局未作修剪，與首播時一樣，只是該劇於1992年首播第一集，跳樓戲份引起震撼回響，故無綫逼於修飾尾段內容以迎合當時的社會氣氛及電檢處（廣管局前身）的要求。

(東方日報)

http://orientaldaily.on.cc/cnt/entertainment/20150616/00282_058.html

======================================================================

謝賢做「看護」打鑊曾江

另外，無綫神劇《大時代》上周五大結局錄得最高8.1點收視，約有52萬觀眾捧場，而《武則天》同日錄得28點收視。提到《大》劇重播的結局被指有刪減，無綫企業傳訊部副總監曾醒明強調結局未作修剪，又透露無綫會製作特輯悼念病逝的前香港足球先生胡國雄。

(太陽報)

http://the-sun.on.cc/cnt/entertainment/20150616/00470_018.html

2015年6月10日星期三

[新聞] 黎耀祥晒上海話稱雄

無綫布重兵進軍上海電視節，安排三部新劇主要演員戲服上陣谷宣傳。初到上海的洪永城與陳凱琳笑言眼界大開，廣東話本已「水皮」的岑麗香說普通話鬧出笑話！反觀黎耀祥與湯鎮業大晒上海話宣傳《梟雄》，成為焦點！

無綫製作資源部總監樂易玲昨日率領藝員黎耀祥、湯鎮業、洪永城、陳凱琳（Grace）、陳展鵬、岑麗香（香香）、黃宗澤（Bosco）以及龔嘉欣出席一年一度的上海電視節，為隆重其事，無綫搭建搶眼的大型攤位，藝員更穿上戲服力谷《梟雄》、《張保仔》、《無雙譜》三部新作，成為展覽會中的焦點。

正在開平忙於拍攝新劇《公公出宮》的祥仔明顯曬黑不少，他與湯鎮業即場大晒上海話為新劇《梟雄》宣傳，又說該劇於上海取景，令他相當期待。提到拍新劇，祥仔笑言：「開平真係好曬，曬到燶咗！」

洪永城覺震撼

首次參與盛事的洪永城初訪上海令他眼界大開：「第一次嚟，見到個場面好震撼，規模好大！所有樓梯、地下都貼住我哋TVB劇集嘅海報，保證見到都會嘩一聲，今次真係見識到，希望每年都有機會可以參加呢項盛事啦！」身穿戲服化身「張保仔」的他還說：「所有拍攝時嘅開心同辛苦都返晒嚟，今日仲要見番陳凱琳同陳展鵬，大家傾番拍攝時嘅趣事，好希望套劇可以喺10月順利出街。」

岑麗香鬧笑話

同樣首次到訪上海的Grace亦大讚規模震撼，身為上位花旦的她驚訝已儲落不少內地粉絲：「大家都好熱情，好有禮貌，今次最擔心要用普通話做訪問，平時少講，嚟上海前都有練習。」香香以普通話宣傳時鬧出不少笑話，要在旁已北上發展的Bosco充當翻譯護花。

(東方日報)

http://orientaldaily.on.cc/cnt/entertainment/20150610/00282_040.html

=======================================================================

上海晒冷！陳凱琳練定「煲冬瓜」

視帝黎耀祥、湯鎮業、陳展鵬、洪永城（Tony）、陳凱琳（Grace）、岑麗香、黃宗澤（Bosco）及龔嘉欣，在無綫製作資源部總監樂易玲帶領下，昨日現身一年一度的上海電視節，眾藝員穿戲服力谷《梟雄》、《張保仔》及《無雙譜》三部新作，成為展覽會中的焦點！

首次參與盛事的Tony和Grace眼界大開，再度化身張保仔的Tony說：「所有拍攝時嘅開心同辛苦都返晒嚟，仲要見番陳凱琳同陳展鵬，大家忍唔住傾拍攝時嘅趣事，好希望套劇可以喺10月順利出街。」而Grace發現有內地粉絲到場支持：「大家都好熱情，好有禮貌，今次最擔心要用普通話做訪問，平時少講，嚟上海前都有練習。」而廣東話「水皮」的香香以普通話宣傳時鬧出不少笑話，身旁的Bosco急急充當翻譯護花。

祥仔與湯鎮業更以上海話宣傳，正在開平拍《公公出宮》的祥仔被指曬黑不少，他笑說：「開平真係好曬，曬到燶咗！」

(太陽報)

http://the-sun.on.cc/cnt/entertainment/20150610/00470_018.html

=======================================================================

鄭嘉穎認與陳凱琳發展中

【明報專訊】鄭嘉穎被傳借酒壯膽送戒指向陳凱琳求婚，陳凱琳澄清所戴只是自購的50元戒指。不過兩人已開始約會，日前鄭嘉穎參加深圳衛視《廚房的秘密》錄影，大方承認與陳凱琳正在「ing（進行中）階段」。他在節目中贏得一枚戒指，未知會否真的送給陳凱琳？

鄭嘉穎錄影節目大展廚藝時，主持人笑問他：「現在她們（女粉絲）是否沒有機會？」嘉穎笑笑口答：「你（主持）不是說過，只要還沒有結婚那一刻就有機會。」主持繼續逼問：「你與女友進展到什麼地步？你女朋友會不會逼婚？」他初時堅決不談，沉默片刻又突然開口承認戀情：「我們現在正在ing階段，目前發展中。」

陳凱琳昨日出席上海電視節《TVB 2015節目推介發布會》，有粉絲到場支持。對於《殭》海報只有鄭嘉穎與謝安琪，她說他們是主角好正常，她的戲分不多。與緋聞男友鄭嘉穎會否再約會？她說順其自然。嘉穎在內地工作，她未有時間探班，下月要開拍新劇《巨輪2》。

無宣傳多部劇集《梟雄》、《張保仔》、《無雙譜》、《殭》、《流氓皇帝》等，演員湯鎮業、黎耀祥、黃宗澤、陳凱琳、陳展鵬、洪永城等均以劇中造型亮相。

黎耀祥讚湯鎮業好前輩

黎耀祥正在開平拍攝《公公出宮》，特別乘夜機到上海出席。他說開平天氣好熱如焗爐，是他近年所拍最辛苦的戲。對歐陽震華續約問題，他認為每個演員都有觀眾鍾意，最好每個類型都有。像湯鎮業是很好的前輩，影響到全組都好有團隊精神。

記者：梁榮達

(明報)

http://ol.mingpao.com/cfm/star5.cfm?File=20150610/saa01/mbc1.txt

2015年6月8日星期一

[新聞] 韋家輝親解謎天意造就《大時代》

就快可以睇到四蟹被掟落街嘅情節，只可惜方家受難時間太長........

神劇《大時代》今個星期來到結局周，雖然各主角的結局觀眾都心裏有數，但大家依然引頸以待，神劇的吸引力就在此。當年居中策劃的大監製韋家輝為我們作最後的大解構，不老的周慧敏到今時今日仍然是慳妹不二之選。

1.林保怡：今年2015年，點解當年搵我做陳滔滔角色呢，請回答。
韋：林保怡先生太耐嘅事真係唔記得，除咗天意我相信好嘅演員自然有人搵。

2.艾威：假如當年《大時代》收視理想，你會唔會留番係TVB？
韋：人係唔同時間應該有唔同嘅嘗試，好多都係上天安排好。

3.黃智亨：好想知當年鄭少秋佢接咗丁蟹嘅角色嘅反應，係興奮定藐嘴？
韋：秋官係一個好出色嘅演員，任何角色都可以應付自如，丁蟹嘅角色當然唔例外，演得好出色。作為一位咁專業演員遇到有挑戰角色，應該係急不及待去試。

4.郭子健：敏敏（楊羚飾演）嘅醜事俾人貼通街之後，羞愧跳樓自殺、丁蟹定罪之後，丁家搵人掟晒方家啲人落樓死剩方展博呢兩幕最後都因為敏感冇出到街。想知除咗呢兩場之外，仲有冇其他場口係拍咗冇出街呢？
韋：當時好想拍跳樓同掟人落街嘅情節，所以第一集已經有五蟹跳樓嘅戲。記憶中應該冇其他鏡頭冇出街。

5.周秀娜：再拍《大時代》電影版嘅話，你覺得我啱唔啱做慳妹呢個角色？
韋：好多謝周秀娜小姐咁鍾意慳妹個角色，如果真係拍，周慧敏個樣都冇變，好啱，或者佢會駕輕就熟啲。

6.杜琪峯：《大時代》嘅成就代表香港歷史文化同香港電視光輝一頁，韋家輝係咪真係拍電影版呀？
韋：杜Sir，不如我問返你，你拍我咪拍囉。

7.陶大宇：韋家輝先生好耐冇見呀，你知唔知我係邊個？我係大宇即係丁蟹個仔丁益蟹，點解當初搵我做嘅？聽講本來係艾威做，點解最後搵咗我做？
韋：陶大宇先生你好，你之後都拍咗好多出色劇集。咁多年前嘅嘢都真係唔記得，不過應該係天意安排。

8.唐寧：你寫呢套戲非常刺激，角色好兇狠，慘嘅好慘，惡嘅好惡。我睇番都覺得唞唔到氣，到底你寫嘅時候會唔會寫到唔忍心或者你都會覺得唞唔到氣？
韋：套劇其實係集體創作，好多幕後手足都有參與，曾謹昌先生亦有好多好提議，我將一啲經歷同想拍嘅情節加咗入去。要寫好一個古仔，創作人投入同代入創作好緊要，希望答到你嘅問題。

9.曾謹昌：當年度《大時代》大家日以繼夜半年返屋企嘅次數都係4、5次咁多，嗰時見你枱頭有個樽仔載住粒藥丸，好想知嗰粒係乜嘢藥？係咪搞唔掂時用嚟啪咗佢？
韋：曾謹昌先生你記性真好，應該仲好過我，因為我都冇乜印象，多謝你提起。

10.吳詠紅：韋生戲裏面我做方芳，除咗呢個角色你覺得我仲會啱邊個角色？
韋：吳詠紅小姐你演嘅方芳好出色，我相信劇中好多角色你都可以勝任。

(蘋果日報)
http://hk.apple.nextmedia.com/enews/realtime/20150607/53827275

2015年5月30日星期六

[新聞] 《大時代》造星傳奇

【狂煲大時代】《大時代》方家三姊妹前晚慘死，玲姐藍潔瑛變癲，下星期則踏入最後10集，高潮迭起。《大時代》不但見證時代變遷，也是當日一班配角成長印記。當年林保怡還是個演戲初哥，跟前輩江毅做對手戲未埋身已手震，結果10多年後他摘下香港及亞洲視帝，成為公認的好戲之人。而當日總是站在一旁羨慕劉青雲擔正神劇主角的陶大宇，3年後已火速榮升師奶殺手；《大時代》展現的不只是大奇蹟，亦是一個個演員的奮鬥歷程。

撰文：戴彩煥

早已榮登視帝的林保怡，原來愛收工後留低欣賞其他前輩演出，從而吸取經驗。

當年還是演戲初哥的林保怡（左），在《大時代》與江毅對戲時嚇到手震。

【林保怡收工留低學做戲】

憑04年《金枝慾孽》及10年《掌上明珠》成為香港視帝及亞洲視帝的林保怡，在《大時代》中飾演陳萬賢（江毅飾）的私生子陳滔滔，23年前接拍《大時代》時，還是個20來歲的年輕小伙子，演戲資歷僅得2年，幾乎是張白紙，要跟鄭少秋、江毅一眾實力前輩合作，保怡自然要打醒精神。保怡說：「一睇劇本，好多台詞喎！嘩同江毅叔呀？直情有啲手震，唔得，我要做好功課，我要睇熟啲劇本先。」

「鍾意《天與地》多啲」

念對白對當年保怡來說是個負荷，一個鏡頭往往要拍多次才成功。保怡說：「有場同江毅老師對戲對得好勁，我take兩個take，江毅老師就會話：『等等，我出去休息吓先。』因為佢啲戲好用力，拍一兩場好似打場波咁，要出去休息吓。」
拍完收工是常識吧，但保怡偏偏喜歡繼續留低偷師：「喺鏡頭後邊睇人點擺機位，演員點演，對自己有幫助，袋錢落袋，有機會多留喺拍戲現場，睇其他演員演出，唔單止免費，仲係live，何樂而不為？當年我有睇青雲、藍潔瑛，秋官佢哋做戲，當然係縮埋一邊唔敢騷擾佢哋啦。」今日翻看自己演出感覺如何？保怡笑說：「可能有朋友睇到覺得演技好嫩，但我當時已經盡咗力，我冇後悔，當然𠵱家睇番，有好多嘢要改。」
《大時代》跟保怡擔正的《天與地》同被網民封為神劇，兩部神劇，那一部最「神」？保怡笑說：「兩個劇種都唔同！我鍾意《天與地》多啲，由《大時代》到《天與地》，我已經攞到好多經驗。其實兩個劇嘅劇本都好好，我亦好開心可以拍到《大時代》呢部咁出色嘅神劇。」

場地：Harlan's（The ONE）

楊羚感激劉青雲和藍潔瑛當年在演技上給予不少意見和提點。

楊羚（右）在《大時代》中被丁益蟹強姦，最後更跳樓自殺身亡。

【楊羚獲提點磨練演技】

已故前輩藝人劉克宣外孫女楊羚，在《大時代》飾演方敏，戲份雖然不多，但自殺不遂入院及跳樓前笑別家人等片段，令觀眾留下深刻印象。無綫近年愛在劇集中加插女藝人被姦場口吸睛，但楊羚在《大時代》被陶大宇強姦，只是對白交代也一樣可以震撼人心，楊羚說：「當年完全冇嗰啲鏡頭，唔似𠵱家撕爛衫嗰啲。我覺得始終係小朋友睇電視時間，鏡頭唔好拍得咁明顯，營造氣氛就足夠，唔使咁露骨！」
楊羚當年演戲經驗不足，多得藍潔瑛和劉青雲不時提點：「青雲仲送過本研究演戲嘅書畀我。當年我會嘻嘻哈哈走嚟走去，佢哋會拉我返入廠叫我培養情緒。」

撰文：戴彩煥

艾威指當年與藍潔瑛和陶大宇經常相約打牌。

艾威自爆投入角色，曾真心戀上玲姐。

【艾威約玲姐益蟹打牌】

艾威飾演癡戀「玲姐」藍潔瑛的警察李立光，他說：「光Sir梗係鍾意玲姐，我拍戲通常唔吝嗇我嘅感情，尤其玲姐當時咁靚，鍾意佢一啲都唔難。我同佢唔需要有火花，因為我係單向暗戀，我serve佢都可以畀面色我睇㗎。嗰時會約埋佢同陶大宇嚟我屋企打麻雀，都有畀面色我睇……當我扣住佢啲牌嗰陣，哈哈。」
「我仲記得拍攝時曾經問過青雲：『你𠵱家到底係方展博定劉青雲？』佢話：『我可唔可以唔答你呢個問題。』我諗係因為演戲有時係一種出賣，出賣感情同出賣關係，要喺拍攝期間將自己同身邊人關係打破晒，然後再重新建立過。」

撰文：嵐山

唐寧指秋官和松哥在戲外都很好人。

【唐寧靠丁蟹帶入戲】

唐寧當年只是10歲，卻有幸被選中在《大時代》飾演童年版方芳，仍然是充滿童真稚氣的她，遇到戲外的鄭少秋和《大時代》的丁蟹，唐寧覺得好神奇，她說：「拍嗰時冇留意佢真係咁癲，𠵱家睇番佢個角色真係幾慘，長期處於好唔穩定嘅狀態。不過，秋官戲外同松哥一樣咁好人，成日同我哋玩，一開工就好開心，丁蟹就更加明顯，一入到戲就係兩個人咁，話惡就惡，驚咗佢？喺戲入面就驚，一cut機佢就變第二個人，所以小朋友好容易被丁蟹帶動做得好自然。」

撰文：楊潔雯

黃寶龍最深刻是與玲姐在雨中拉扯的戲份。

【黃寶龍難忘方家搬屋】

《大時代》做童年方展博的黃寶龍已經長大成人，今年34歲，未婚卻育有一個16歲的兒子，為家人打理書局生意，日前他接受訪問時說：「最記得當日玲姐要我哋搬走，我又要搬單車又要搬玩具，嗰幕真係好深刻。有幕係玲姐逼我返去師傅度，嗰時落住大雨，仲要同玲姐拉拉扯扯，我仲記得嗰晚已經凌晨兩、三點，好記得條後巷好污糟，我又濕晒。」

撰文：盧妹

(蘋果日報)有片睇
http://hk.apple.nextmedia.com/entertainment/art/20150530/19165254
======================================================================
陶大宇羨慕青雲演方展博

憑《刑事偵緝檔案》獲封「師奶殺手」的陶大宇，在92年《大時代》中飾演打家劫舍、姦淫擄掠，集所有壞事於一身的丁益蟹，雖然角色衰到貼地，但大宇仍要特別多謝監製韋家輝帶挈，大宇說：「佢拍完《大時代》之後好快離開TVB，原來佢臨走之前交帶咗好多身後事，就係叫其他監製同幕後人畀多啲機會大宇，話呢件好嘢嚟！真係好多謝韋家輝。」

回想《大時代》第一場掟仔落街經典場面，大宇指四蟹本來要吊威吔真跳，大宇說：「嗰場戲好辛苦，拍咗20幾個鐘頭，廠景到朝早10點，緊接到灣仔商業大廈天台拍，開頭設計set威吔真跳，但真係太危險，我哋又唔夠瞓，唔夠體力，所有配套唔能夠好安全拍呢場戲，導演同武指研究過，最後取消呢個念頭。」

大膽創造角色

大宇戲份不及大佬孝邵仲衡，但角色卻是四兄弟中最搶，大宇笑說：「個角色真係好搶，我自己又演得比較大膽，因為嗰時冇人理我哋，理都理秋官同青雲哥，我呢啲老茄連海報都冇張相，基於咁嘅理由，畀我哋自由度好大，我可以創造呢個角色出嚟，冇包袱。」

大宇跟劉青雲同期訓練班畢業，眼見青雲當主角，大宇直認十分羨慕：「青雲你就好啦，接到一部神劇，個角色又咁好發揮、咁漂亮。當時我覺得呢部戲唔係屬於我，但𠵱家睇番，都好多謝網民觀眾咁留意我，我可以參與到呢部神劇，都有少少無悔。」若然可以重新「洗牌」，最想演那個角色？大宇笑說：「當然方展博，呢個角色幾完美，好有發揮空間，反差好大，但當然青雲會演繹得好過我啦。」

場地：Fifth Salon