[FACE周刊第174期] 黎姿索爆出關

FBI不停問到孖女情況如何及改好名未，馬太只係笑住答：「多謝關心！」真係有家教嘞！

7月 24日幫富豪老公馬廷強生完孖女，唞咗足足個半月，馬太黎姿終於出關！

上星期四（ 16日）， FBI喺中環 ifc連卡佛撞到馬太，唔知係唔係坐完月、對腳消咗腫想買新鞋替換，黎姿一到就專攻女裝鞋部。馬太果然有霸氣，一嚟到就兩個助手、 3個 sales、 3個保安圍住侍候，加班記者前呼後擁十幾人大包圍， FBI想埋身都難，最後馬太乜都買唔到就俾人安排行職員通道閃咗。身材 keep番、下巴尖晒，就算 39歲、啱啱生完一孖都 keep到神彩飛揚，今期索媽 FBI揀你呀！

黎姿 7月時幫老公馬廷強（小圖）誕下孖女，馬生笑逐顏開，但生完嘅黎姿當時個肚仍籮咁大。

連卡佛派出 3個西裝保安加 3個 sales，再順手喺衣架攞起件 YSL男裝外套遮住馬太，皇帝唔急太監急。