揀男朋友，都係博。 36歲的黃金剩女阿佘間中 dating，順勢擴闊社交圈，有傳內地富豪對她輪住追，甚至傳她早前於內地開工期間，有神秘人坐豪華靚車載滿鮮花等伊人放工，畫面浪漫到暈。阿佘承認等愛，但男友有錢冇錢，她揚言不在意，反而能「一見你就笑」，那個他就 pass了。愛很簡單，像花家姐一樣，有 heart勝萬金。撰文：朱倬誼
 |
| 阿佘離開 TVB勇闖內地市場，先賺人仔後賺桃花，盛傳她追求者多多。 |
黃金剩女佘詩曼的緋聞很多，當中最深入民心的是陳浩民和鄭嘉穎，今年新傳的有神秘富二代和已婚商人 Terry。在她口中，陳浩民是拍過拖，鄭嘉穎曾經有 feel但沒發展過，另外兩個圈外人則是流料。
擴闊圈子搵男友
阿佘為放眼世界離開無綫，揀男友又會不會順勢放眼世界？她日前在銅鑼灣接受本報記者專訪時笑說：「都會 o架，無論朋友、男朋友，我相信都會擴闊圈子。隨緣啦。」有指她早前在內地拍劇超多人吼，富二代輪住追，她卻表現得一頭霧水：「我真係唔明白點解會咁講，我真係一個富二代都識唔到，所有之前所講嘅大陸富商係冇出現過，我唔知你信唔信，係一個都冇。」
近日有傳阿佘在內地開工時，有人目擊片場外停泊神秘的名貴長房車，載着滿車鮮花等阿佘收工，她聞悉後隨即否認：「如果有點會冇人影到啫？咁誇張，梗係冇啦！不過我對呢啲謠言已經麻木咗，十年前已經開始有啦，但嗰時就未興大陸富二代。」
 |
陳浩民和阿佘當年戲假情真，陳更是她唯一承認的男友。 |
 |
阿佘承認曾與鄭嘉穎有 feel，但沒發展，上月兩人雙雙出席活動銀。 |
「鍾意咪去愛囉」
 |
阿佘擇偶很簡單，只要一見他就笑便 OK。 |
自從鄭嘉穎後，阿佘身邊有否出現追求者？她說：「有，了解嚇有囉，識嚇朋友，正常社交。 Dating有 o架，但發覺唔啱，唔想嘥曬啲時間。」阿佘是等愛的女人，今時今日她對愛情的要求實在簡單到不能，她說：「最緊要開心，總之望到佢會笑咪得囉，其實好簡單咋，如果我要錢，一早就印印腳啦。我從來都唔係睇錢搵男朋友，由細到大都係，我鍾意咪去愛囉。」
鄭秀文和許志安大方公開戀情，拍住拖旅行四圍去。這種有別一貫搞地下情的做法，令到不少藝人恨到發燒，阿佘也說：「我好戥佢哋開心，每個人處理手法唔同嘅，都好 o架。」
不排除閃電結婚
若拍拖又會否公開？阿佘說：「睇對方啦，未必 o架。如果圈外人，可能佢驚、怕醜呢，唔知，到時先算。」時下女星流行閃婚，阿佘亦不排除，她笑說：「我冇諗咁多，有嗰個人出現先算啦，呢啲好難講，情到濃時唔知嘛，但嗰個人都未出現，講乜鬼啫，諗嚟做乜，幻想做乜呀。」天曉得！
「喺 TVB冇新鮮感」
由選港姐到成為當家花旦，佘詩曼已在 TVB效力 14年，今年起她改簽部頭約。原因是曾特首話齋：「要打好呢份工。」她要力保自己最愛的演藝工作。阿佘解釋：「我喺 TVB好多嘢都做過，我自己冇乜新鮮感，又驚觀眾冇新鮮感，我想畀自己衝擊，咪決定離開溫室，我同 TVB仲係好好關係，佢又想我每年拍一部，我覺得冇唔好，做得開心咪得囉。」
離巢北上賺人仔
 |
| 阿佘對爭視後獎已感疲倦，笑言「再諗就黐線」。 |
TVB曾多次被轟刻薄、低薪，阿佘否定離巢與此有關，她說：「無論公司同出面嘅條件唔差得好遠，唔係錢嘅問題，我想放眼世界，人生短短幾十年，有能力有咁嘅機會嘅時候，點解唔去出面睇嚇行個圈？我好鍾意演戲，唔想因為不斷循環又循環嘅習慣，或者喺冇乜大變動嘅工作下去令我厭倦家嘅興趣，我想繼續愛我份工。既然某程度上唔可以變嘅時候，我惟有自己變，我想去接觸唔同嘅導演、編劇、監製、演員或者去唔同地方拍嘢，所有嘢對我嚟講都係衝擊。」
走上內地市場之路，人仔價更高吧？阿佘也承認。她 36歲，其實走得太遲，她笑說：「唔知呀，總之我家有機會咪家囉。」阿佘走，卻帶頭掀起逃亡潮，她反問：「以我所知係林保怡之嘛，馬德鐘都未滿約呀。我唔知人哋咁多嘢，我自己都顧唔掂。」
「想進軍大銀幕」
 |
| 阿佘（左） 97年當選港姐季軍而入行，當年冠軍為翁嘉穗（中），亞軍是李明慧。 |
盛傳阿佘簽約華誼兄弟旗下新公司，她依然賣關子，稱新合作的公司傾到九成，但未動筆，她笑道：「冇人知簽邊間最好，博一博 o架咋。」她是視後又有深厚根基，別人都不會讓她演垃圾戲啦，她說：「都係自己揀，所以要行呢步先 upgrade自己，我呢年幾兩年嚟，發覺原地踏步咗喺度，想試嚇行出去。」想拍電影嗎？她說：「我諗個個人都想進軍大銀幕，拍乜冇所謂，電視劇、電影又好，最緊要遇到我有感覺嘅劇本。」
厭爭視後：俾人攞嚇
 |
| 林峯與阿佘合演的《花花世界花家姐》已播完，口碑好壞參半。 |
無綫劇集《花花世界花家姐》前晚播映大結局，佘詩曼飾演 10歲智商的花家姐珠珠，和林峯扮演的二世祖奕奕上演童話式愛情故事，大團圓收場。不過《花》劇自播映以來收視平平，上周平均收視 26點（約 166萬觀眾收看），網民聲音兩極，有人讚花家姐可愛，有人嫌她演繹浮誇嘈喧巴閉，阿佘卻早有心理準備，自知既有阿旺珠玉在前，聲音就一定多。
阿佘淡然說：「我兩套阿旺都冇睇過，驚入咗腦會更加似，我預咗比較，阿旺太深入民心，但係我點解都會接？作為一個演員乜都要試嚇，梗係有挑戰性嘅角色先做。我 enjoy過程，我拍得開心，有人睇得開心，仲想點啫？」
智障角色近乎等同攞獎指標，郭晉安、胡杏兒、鄭則仕都是人辦，自從阿佘憑演 06年《鳳凰四重奏》成為雙料視後，她會否希望挾花家姐再登視後寶座？她笑說：「梗係冇啦，入唔入到圍都唔知。」她被提名視後無數次，但過往她的身份是無綫親生女，年年都熱爆錶；今年她離巢外闖，不排除因而令攞獎成數降呢，她卻說：「前年雯女（鄧萃雯）、祥仔（黎耀祥）攞獎已經係非常好嘅解釋，佢哋都唔係親生仔女。大家都係幫 TVB拍嘢，其實入到圍已經好開心，獎項家對我嚟講，真係唔係太重要。」
「我唔想咁攰」
是否已爭厭視後？阿佘直言：「之前未攞過大獎嘅，我相信每個藝人嘅最大動力、目標都可能係攞呢個獎。但我唔係一個貪心嘅人，出年又要攞多次，我唔想咁攰。我密集式工作咗咁耐，體力上已經好攰，如果精神上都咁攰嘅話，我諗我會黐線！攞過、開心過咪算囉，俾人攞嚇，人哋都開心 o架。」
化妝：江中平 of A&V Make up school
髮型： Billy Choi of Hair Culture
服裝提供： Dior
場地提供： Island seafood& Oyster bar（ Causeway Bay）
(蘋果日報)
http://www.ihktv.com/zh-hk/charmaine-sheh-gold-left-women.html
沒有留言:
張貼留言