祥仔坦言此劇選角上極之合適，皆因Kent哥是金像影帝，而祥仔的演技也十分資深，祥仔表示：「套劇講兩個好有份量的角色對壘，同Kent哥合作好好，佢對劇本上會提出好意見，大家合作好暢順，好有默契。（討論區有人支持你，亦有人讚Kent哥做得好）我不嬲都覺得冇所謂，討論區自由發言。總有人鍾意你，有人唔鍾意，唔需要太介懷。（幾耐冇演奸角？）十幾年冇做奸角，我覺得演奸角幾好玩，好大發揮。劇本鋪排得好好，因為我飾演武承嗣個仔犯罪，Kent哥飾演狄仁傑秉公辦理，令個仔處死。後來我為鞏固權位不惜毒死妻子，係個悲劇人物，後尾更陷入瘋狂狀態。」
演奸角唔怕畀觀眾鬧
近年祥仔踏上事業高峰期，《巾幗》系列中「柴九」、「劉醒」，正氣形象深受劇迷歡迎，亦為他帶來兩座「視帝」銜頭，但在《盛》劇中，祥仔飾演的是陰險毒辣的武承嗣，問到會否因此而遭觀眾唾罵時？祥仔一副大無畏精神：「唔會，家觀眾好冷靜去睇演員演技，係咪帶到角色配合劇情推進，唔擔心觀眾鬧，觀眾睇我演戲咁多年，好了解我。」
談及《盛》劇在拍竣四年後才播出，劇中演員包括郭羨妮及廖碧兒均已離巢，問到會否影響收視時，祥仔表示：「古裝冇時間性，唔同時裝攞手機會變舊款。同埋香港觀眾好鍾意上網睇劇，開套電視睇劇太方便啦，我都期待睇吓香港觀眾反應，因為每個角色我都用心做。（有信心再攞視帝？）視帝要睇好多因素，我不嬲都盡咗力就算，有獎攞就當花紅。」
「有劇一定TVB優先」
無巧不成話，無綫另一套正在拍攝的古裝劇《造王者》，亦是祥仔和Kent哥做對手戲，但這次是忠奸角互換，祥仔表示：「係呀，《盛世仁傑》係唐朝、《造王者》係宋朝，我同Kent哥忠奸角色互換，幾有趣。相距百幾年，好似前世今生延續篇咁。（《盛世仁傑》有乜難拍場面？）經常要黐鬍鬚。（有為角色加戲？）我不嬲都唔加戲，頂多係將情緒豐富啲。」
無綫刻下正處小生、花旦逃亡潮，曾與祥仔合作《法證先鋒III》的張可頤，亦落實過檔「魔童」王維基的新電視台，為無綫一線小生的祥仔，亦坦言王維基曾有意邀請他加盟：「有Call過我約食飯，但我太忙，佢哋又忙開台，無謂打搞人哋。其他大陸劇都係傾緊，但TVB仲有三年約，有劇一定係TVB優先考慮，因為我熟識呢度環境，講吓笑都唔怕得罪人，暫時未睇到外面有乜吸引。（王維基開多個台搶走晒甘草演員？）其實都係好事，我覺得做呢行都係講創意，多個台，多劇開，多啲創新劇集係好事。」祥仔懂得飲水思源，難怪他可以站穩一線小生地位。
(新報)
http://www.hkdailynews.com.hk/enews.php
沒有留言:
張貼留言