攝影：徐錦池 場地：busy suzie蒲莆爐端燒（23690074）
入行踏入第26個年頭的祥仔，近年發展愈來愈順利，首部擔正的時裝劇《法證先鋒III》，開播便創下佳績，首集以最高36點收視，成為去年劇集首播收視最高劇集，最後更成為去年最高收視劇集，祥仔的人氣及實力絕對毋庸置疑。
難得收視保證
既然祥仔成為收視保證，就連他三年前的作品，有傳是倉底貨的《盛世仁傑》亦因而重出生天，縱然祥仔在劇中少有飾演反派，但奸到出汁的「武承嗣」，同樣被受觀眾激讚，竟然在8點半檔時段，可以錄得平均31點、最高36點的收視，絕對是近年不俗成績。
無綫正值被狂撬人手、求才若渴之際，對祥仔此等有收視保證的演員，自然對他特別珍惜，今年年底才約滿，無綫原來在年頭已主動要求續約，「今次公司係比以往早咗啲搵我傾續約，同埋年期亦都由以往兩年加到三年，當然係有加薪，超過百分之十，都算幾理想㗎！」
怕面對陌生事物
98年曾離開無綫4年向外闖的祥仔，早前向公司派定心丸，表態不會受挖角潮影響過檔，原來當中除了他對公司有歸屬感外，還因為他疑患上社交焦慮症，根本怕面對陌生人及環境，「我六、七年前幫『心晴行動』拍攝特輯時，知道原來社交焦慮其中一個症狀，係會連出門口見到隔籬鄰舍，都會怕唔知點面對而唔出門口住，我中學時候就係咁樣，所以相信我都有呢個問題，但係唔算嚴重囉！」
祥仔的社交焦慮情況，雖然未嚴重至要睇醫生，但肯定影響了他向外闖的決心，「首先我試過去內地工作，真係唔係大家想得咁好，加上我真係好怕去陌生環境，又好怕同陌生人相處，有意見都唔知講唔講好，怕人哋唔知會點諗，喺公司大家都熟晒，有咩都可以放心去做，唔使顧慮咁多，反而可以專注喺角色上，咁樣嘅工作環境我會最舒服囉！唔係話一定唔會出去拍嘢，但係真係要好適合先會考慮。」
預備帶新人
早前金牌監製李添勝向本報投訴，其榮休之作《神探高倫布》受挖角潮影響，仍未搵到女主角人選，祥仔提議由周秀娜出任，雖然仍未有眉目，但祥仔認為就算由公司的新人演出亦無妨，「以前係前輩帶我，依家我都係時候帶吓新人，唔畀機會新人，佢哋又點會有進步，咁樣青黃不接的情況，只會更加嚴重，況且呢個角色年紀同我係有一段距離，搵個後生啲對手仲適合。」
 |
祥仔因社交焦慮，影響了他向外闖的決心。 |
(星島日報)
http://www.hkheadline.com/ent/ent_content.asp?track=news&contid=188387&srctype=n
http://www.ihktv.com/wayne-lai-social-anxiety-disorder.html
沒有留言:
張貼留言