兩年前剛拿視帝，我邀黎耀祥做訪問，當時他說：「我哋喺呢行咁多年，邊會咁易俾人吹捧到……吹捧我？黐線！」
兩年過去了，祥仔還是祥仔，吹捧不了，可是摧殘得了。
過去兩年，年產劇集八十多集，平均四天拍一集；劇集煞科，輪到奧運特備節目、港姐決賽嘉賓、大小綜藝節目、宣傳廣告還有出埠登台拿獎，原來拍完劇更忙，原因簡單：「唔紅邊個搵你？你唔紅，棟你喺度都費事啦！」
厚粉大眼袋一臉疲態的黎耀祥說，最近晚上看重播的《巾幗梟雄》，對比三年前和現在的自己，起碼老了十年：「後生最恨做男主角，覺得做咗男主角就係成功，一定會開心；原來，做咗男主角都唔係必然開心，成功並唔等於開心。」尋開心，是現年 48歲的視帝黎耀祥最近在探討的新課題。
巔峰心聲
從綠葉祥仔、到視帝祥哥，黎耀祥說自己沒有變，訪問、宣傳、節目嘉賓，別人出聲邀請，他能排到的都盡量一一滿足，寧願自己少點休息。這一天見面，再厚的粉也蓋不住黎耀祥的疲態：「我真係唔知幾時停。其實我真係幾攰，身心俱疲……個樣攰係其次，最主要個心攰……」黎耀祥說，自己忙到連兒子也看不過眼：「佢問我：『爹哋你使乜咁辛苦？好多嘢你可以唔做㗎！』我答佢，拍電視唔同第二樣，郁啲就話唔去，個個藝員都話唔去，咁電視台點算？都明白嘅，紅吖嘛，梗係搵你啦，唔紅邊個搵你？唔紅叫你做港姐嘉賓做乜鬼？棟喺度都費事啦。」 85年加入藝訓班，捱足 24年終於等到一個叫「柴九」的角色，幫他做上男主角、拿下視帝、成為電視界最高民望的演員，毫無疑問，以實力派來說，黎耀祥這三年處在事業和人生的巔峰，人在巔峰的心聲，黎耀祥說：「想停但係停唔到囉……」
「以前拍戲過完癮就走，宣傳活動我係大布景板，次次第一個到，影完大合照第一個撇……真正係自由自在，開心生活。
死得眼閉
政府開放免費電視牌照，刺激本港電視界銀彈撬人潮；強國電視業更是發展蓬勃，拍劇酬勞多觀眾更多，小生花旦紛紛北上。黎耀祥卻在去年王維基大舉撬人之際，與無綫簽多三年藝員合約（他從未簽做「親生仔」，他經理人一直是他的老婆）。他說，他老了，沒必要也沒衝勁出去闖。
「出去無非為搵錢，搵多啲錢都係為開心啫，我o依家夠開心啦！拍嘢，係一班人喺度玩咋嘛，同班熟人玩梗係開心過同班唔熟嘅人玩啦。我唔想出到去，唔知人哋梳頭定化妝，點叫人好……我好贊成後生嘅去闖，我呢，年紀大啦，唔闖啦，闖都係計未來十年嘅數咋嘛，再紅，我十年後都六十歲，一定要退落嚟，做咩要博？」
 |
新劇《造王者》題材嚴肅收視最高一樣有 31點，師奶殺手黎耀祥功勞最大。
|
 |
每晚 12點重播的《巾幗梟雄》又成為全城熱話，黎耀祥說聽過傳聞開拍第三集，但未經證實。
|
 |
2010年，黎耀祥憑《巾幗梟雄》裏的柴九一角勇奪視帝，獲頒獎嘉賓吳君如吻賀。
|
 |
98年離巢闖影圈，黎耀祥拍過不少低成本爛片：「劇本唔好、劇情唔合理，演員都可以利用演技令件事合理啲。」
|
 |
09年走紅以後接下大量廣告代言工作，黎耀祥在最新的超級市場廣告裏反串扮師奶。
|
安於現狀的另一個原因，黎耀祥說，是因為他 98年，離開無綫闖過影壇，闖，對他來說不是新鮮事：「當時離開，唔係想搵錢，係因為年輕。作為一個演員或者一個人，都需要經歷多啲。人生係一個過程，睇多啲經歷多啲，比搵多啲錢寶貴得多。我成日都話我人生冇乜遺憾，由低處去過高處，每一個階段都停留過，一個咖哩啡，捱到上主角，攞埋獎、出埋書、唱過歌、拍過戲、做過舞台劇……夠豐富啦，如果我係一本書，呢本書寫得結局㗎啦；講得徹底啲，如果我聽日就走咗，我都走得心安理得。五年前，我阿媽瞓住咁走咗。前一晚仲見到佢，第二朝就收到電話話走咗。我攞獎嗰年，人之常情，都會諗吓，如果阿媽未走睇到就好喇……講真，如果阿媽睇到又點呢？價值觀係我哋訂咋嘛！呢個世界無盡頭㗎，你仲想攞啲咩？個世界咁大，你攞得幾多？攞幾多為之夠？咪就係，你覺得夠，就係夠囉！」
天道酬勤
不想頻撲北上，黎耀祥的另一個原因，太太 Julia代答：「佢邊度捨得個仔！」黎耀祥 92年與拍拖十年的首任妻子結婚。婚後一年離婚，再與現任妻子 Julia組成新家庭。兩人現在有一個 14歲的兒子， Julia則身兼多職，每天開工跟在黎耀祥身邊，是經理人也是助手。
「阿仔 10月就夠 15歲，可能佢由細到大都黐住我哋兩個，去到邊都一家三口一齊，唔算反叛。我諗嘢嘅方式，阿仔學咗好多，我覺得佢嘅 EQ幾好，幾識得忍耐，控制自己情緒。細個佢想買嘢，我會掉一百個問題畀佢諗，呢個真係好啲？嗰個呢？買咗又點呢？諗吓諗吓，最後佢通常唔會買。買唔買唔係重點，但係買嘅過程中學到，人做一樣嘢之前一定要諗清楚。最後做錯決定經常發生，但起碼你諗過。我覺得我教得佢最好係呢樣。我成日都同佢講，天道酬勤，上天係會獎賞勤力嘅人。呢個世界有個定律，人幾蠢都好，勤力就得；我成日同佢講，老豆成功唔係因為叻，係因為我最勤力，我好勤力，我比任何一個人都勤力。不過我成功咗，但係成功嘅代價，係兩年時間老到似十年，因為呢兩年真係捱得好緊要。所以呢，個世界好公平，要成功，真係要付出好多。」
潑墨
讀緊藝訓班時愛讀俄國戲劇大師斯坦尼斯拉夫斯基的《演員的自我修養》，現在的黎耀祥自己也是大師， 2010年推出《戲劇浮生：黎耀祥論演技與人生》，電視台後輩人人都有一本。
「我曾經好鍾意鑽研角色鑽研演技，每個角色都要設計；前幾年開始，演戲對我唔再係表演，係人生經歷同主觀意欲；以前係工筆畫，精雕細琢， o依家變咗潑墨，想點做就點做。」
嗯，就是令狐沖打遍天下無敵手的獨孤九劍，以無招破有招，追求的是劍意，而不是劍招。你估睇完本書，就可以做黎耀祥啦咩！
撰文：朱小博
攝影：范仲良
髮型： Ivan Lee@Headquarters
化妝： Din Tse
形象： Bryan@the Flaming
服裝提供： COOLDAY,SIR
http://www.ihktv.com/face-276-waynelai.html
天道酬勤
不想頻撲北上，黎耀祥的另一個原因，太太 Julia代答：「佢邊度捨得個仔！」黎耀祥 92年與拍拖十年的首任妻子結婚。婚後一年離婚，再與現任妻子 Julia組成新家庭。兩人現在有一個 14歲的兒子， Julia則身兼多職，每天開工跟在黎耀祥身邊，是經理人也是助手。
「阿仔 10月就夠 15歲，可能佢由細到大都黐住我哋兩個，去到邊都一家三口一齊，唔算反叛。我諗嘢嘅方式，阿仔學咗好多，我覺得佢嘅 EQ幾好，幾識得忍耐，控制自己情緒。細個佢想買嘢，我會掉一百個問題畀佢諗，呢個真係好啲？嗰個呢？買咗又點呢？諗吓諗吓，最後佢通常唔會買。買唔買唔係重點，但係買嘅過程中學到，人做一樣嘢之前一定要諗清楚。最後做錯決定經常發生，但起碼你諗過。我覺得我教得佢最好係呢樣。我成日都同佢講，天道酬勤，上天係會獎賞勤力嘅人。呢個世界有個定律，人幾蠢都好，勤力就得；我成日同佢講，老豆成功唔係因為叻，係因為我最勤力，我好勤力，我比任何一個人都勤力。不過我成功咗，但係成功嘅代價，係兩年時間老到似十年，因為呢兩年真係捱得好緊要。所以呢，個世界好公平，要成功，真係要付出好多。」
 |
童年與母親合照，黎耀祥說：「阿媽 5年前過身，我都諗過，點解我攞獎佢睇唔到。」
|
 |
常與太太梁耀蓮(Julia)、兒子黎正橋一起工作登台順手度假， Julia曾是李麗珍助手，在片場結識黎耀祥。
|
潑墨
 |
演紅柴九後，黎耀祥出書教做戲，電視台人人有一本。
|
讀緊藝訓班時愛讀俄國戲劇大師斯坦尼斯拉夫斯基的《演員的自我修養》，現在的黎耀祥自己也是大師， 2010年推出《戲劇浮生：黎耀祥論演技與人生》，電視台後輩人人都有一本。
「我曾經好鍾意鑽研角色鑽研演技，每個角色都要設計；前幾年開始，演戲對我唔再係表演，係人生經歷同主觀意欲；以前係工筆畫，精雕細琢， o依家變咗潑墨，想點做就點做。」
嗯，就是令狐沖打遍天下無敵手的獨孤九劍，以無招破有招，追求的是劍意，而不是劍招。你估睇完本書，就可以做黎耀祥啦咩！
撰文：朱小博
攝影：范仲良
髮型： Ivan Lee@Headquarters
化妝： Din Tse
形象： Bryan@the Flaming
服裝提供： COOLDAY,SIR
http://www.ihktv.com/face-276-waynelai.html
沒有留言:
張貼留言