黎耀祥近日趁着新處境劇《八時入席》開拍前的空檔，到芝加哥、紐約及三藩市巡迴演出四場，順道在紐約拍了一個眼鏡廣告硬照，吸金6位數為仔仔儲教育費。
事隔5年，祥仔再到美國登台，由於當地正播放《公公出宮》劇集，所以氣氛好熱鬧，受歡迎程度也是出乎意料。他笑言台下粉絲好熱情爭住握手，又派利是給他，受歡迎程度儼如巨星，自己被粉絲團團包圍，逼到寸步難行，混亂中還被女粉絲錫了一啖面頰。問他是否被靚女錫？他笑說：「邊有靚女送上門，師奶粉絲就多！」
祥仔自覺今次腳頭好，之前芝加哥及紐約天氣惡劣，又凍又落雪，他擔心芝加哥飛紐約的航班受阻延，因而影響演出，想不到他到埗便陽光普照，離開才落雨，好好彩。最後一站祥仔在三藩市唱了兩場，同場還有龔嘉欣，更在當地為太太擺了幾圍慶祝生日。黎太表示首次在外地過生日，有很多親友為她慶祝，好開心，並收到祥仔送贈手袋、衫及鞋等生日禮物。祥仔承認此行大豐收，登台之餘與太太逛街購物，在三藩市撞正大減價，超級名牌鞋千多元便有交易。還有他們在芝加哥狂掃羽絨褸，他與太太共掃了6件，祥仔說這個品牌的價錢是香港的三分一，而且款式好多，所以買得好開心。
談到他此行狂吸金，祥仔低調說：「唱4場有限錢，加加埋埋也是6位數，我收好平，志在與當地粉絲見面。」他還透露今年8月仔仔會到三藩市讀書，今次順路視察環境，無論居住及學校環境一定比香港好，加上當地有親戚照顧，所以好放心。說到他為仔仔搵教育費，他坦言4年大學要過百萬，今次登台也不夠，還要繼續努力。
(星島日報)
http://std.stheadline.com/yesterday/ent/0306fo06.html
沒有留言:
張貼留言