[新聞] 陳國邦大讚毛舜筠廚藝了得

【明報專訊】毛舜筠（毛毛）、陳國邦昨日為合作的無綫處境劇《八時入席》開工，拍攝一場煮食場口。阿邦盛讚毛毛戲裏戲外的廚藝也很了得﹕「之前有幾次，試過毛毛下廚炮製的中、西餐和甜品，都好好食，其實我太太（羅敏莊）煮餸都幾得。」毛毛自言最擅長煮中菜，因為由小到大都常在家中入廚，本身也有興趣學煮西餐，希望鑽研混合中西文化的菜式，故去年赴巴黎修讀藍帶廚師課程。問到可會向飲食界發展？她說﹕「開食店太困身，不會考慮，但我都想過出書和做節目，以前都有不同電視台搵過我，我想完成中級和高級課程，揣摩自己想用什麼風格去做先。」

阿邦大爆聽過毛毛因學廚而落淚。毛毛坦言學廚非常刻苦﹕「教學的大廚好惡，會喝你，我又經常灼傷、𠝹傷流血無人理，感覺好孤單。」她開心在課堂中認識了一班志同道合的同學，互相照顧、共患難，大家還約好明年一齊再讀課程。她說﹕「初級課程最辛苦，希望捱埋其餘兩個課程啦。那邊的大廚不認識我，最初以為我只得20歲，讓我重拾學生時代感覺。」

記者﹕鍾一虹

(明報)
http://ol.mingpao.com/php/showbiz3.php?nodeid=1457719511762&subcate=news&issue=20160312
======================================================================
毛舜筠法國學廚辛苦到喊

無綫全新處境劇《八時入席》演員毛舜筠與陳國邦昨日開工拍攝煮飯戲，戲裏戲外的毛毛同樣廚藝了得，她透露明年將再到法國修讀藍帶烹飪課程，又提到箇中辛酸：「課程好辛苦、好艱辛，係一個訓練廚師嘅課程，經常會燙傷同割傷，但冇人會理你！當時試過好無助都有喊過，但係好好嘅經歷。」毛毛又指若成功的話，將會是第二位香港藝人修畢課程，問到可有興趣出烹飪書及節目？她說：「有興趣出書，之前都有好多人搵我拍烹飪節目，但自己想搵到一個風格先去做。」

(東方日報)有片睇

http://orientaldaily.on.cc/cnt/entertainment/20160312/00282_016.html