(綜合報道)(星島日報報道)陳法拉與Neway太子爺薛世恒多次傳出已經結婚，女方未有正式否認過。昨日有人以「奶奶」稱呼薛的媽媽，法拉亦沒有抗拒，更謂公開都要在適當的時候，似乎默認已婚的傳聞。
陳法拉昨日出席時裝品牌專門店開幕酒會，對於有報道指法拉本應承婚後2年內生BB，最終未有兌現而惹來奶奶的不滿，法拉笑說：「這報道有點天馬行空，不知從何開始解釋。我有點不開心她(奶奶)被拍照，她當時沒有防備，因為我是公眾人物才會發生這種事。」問到她薛世恆的媽咪是否已經是她的奶奶？她答道：「你們問她啦！(你不知道嗎？)要在適當的時候，大家有共識才會公開。」
該報道指她擅自續約無綫令她與「奶奶」關係變差，她坦言愈多這種報道反而令大家的溝通增多，令關係變得更好。例如「奶奶」被記者影相後立即致電她，大家少了誤會。不過她謂「奶奶」被拍照真的有點被嚇親。問到她的「奶奶」有否着她不要再拍戲？她答道：「我好多謝身邊的人都很支持的工作。」她希望30歲才生小朋友，實在很難說何時退出，現時都是以工作為主。
今晚法拉有份演出的《巾幗梟雄之義海豪情》大結局，她謂收視沒有大家想像般高，希望結局可以破《大長今》的紀錄，不竟《義》劇是本地自家製劇集。
琦琦的女兒Ella今年就讀小一，對於近期直資學校的風波，她謂女兒讀國際學院不受影響。而她覺得女兒的學費十分合理，尤其伙食費十分平宜，月費只是300多元，還有營養師設餐單，每日更有幾款選擇。她認為家長捐錢給學校十分正常，她說：「幼稚園時學校開放日都會着家長捐錢，主要是贊助學校圖書館購買新書，我覺得小朋友讀得開心，大家都樂意捐錢，學校亦沒有規定一定要捐幾多。」不過她覺得有學校把儲備炒股票十分危險，她並不贊成。
聖誕節適逢是女兒的生日，女兒最想爸爸跟她一齊慶祝，故任達華一早已經向經理人申請放假，過了新年才開新戲。她說：「我們選了幾個地方旅行，由女兒自己決定去那裏，她生日應該要遷就她。」
另外，余安安剛剛亦去了3個地方旅行，包括上海、泰國和馬來西亞。問她有沒有艷遇？她笑說：「沒有，不過幾個女仔出外，一定會有人搭訕，傾了幾句沒有交換電話。」她謂聖誕節反而會留在香港，因為女兒回港度假想爭取時間見面。
(星島日報)
http://hk.news.yahoo.com/article/101127/3/lhhk.html
==================================================
陳法拉恨30歲生仔暗示秘婚 (有影片)
近期憑劇集《巾幗梟雄之義海豪情》中「晴晴」一角人氣急升的陳法拉，將有機會與「九姑娘」鄧萃雯爭視后，未知是否心情靚爆，昨日終忍不住口暗示已嫁入薛家，更明言與奶奶關係愈來愈好，又拍心口計劃30歲生BB！
現年28歲的陳法拉一直被指與Neway大少薛世恒已婚，可是法拉的事業如日方中，加上薛家向來低調，對於薛家大少奶的身份，法拉惟有採取迴避政策，一直避而不談。不過，最近盛傳法拉因沒有兌現生BB承諾，激到「奶奶」紮紮跳，為免再惹誤會，法拉昨日出席時裝活動時暗示自己已婚的秘密。
陳：陳法拉 記：記者
記：有指你同男友應承奶奶兩年內生BB，唔兌現承諾而激嬲奶奶？
陳：（面色一沉）太天馬行空喇！我唔知點解會有呢啲傳聞，最唔好意思係影到佢（奶奶），因為我係公眾人物，所以影響到身邊人。
記：同男朋友有冇生育計劃？
陳：我諗遲啲先，咁講有少少唔公平。
記：咁幾歲同男朋友生BB？
陳：（甜笑）我諗30歲啦！不過呢啲冇得Plan！
記：係咪因為想過二人世界？
陳：都係以工作行先！
記：其實你係咪激嬲咗奶奶？
陳：我哋關係仲好過以前。
記：佢真係你奶奶？
陳：唔……咁要問番佢喎！
適當時候公開關係
記：點解要問佢？
陳：（欲言又止）總之喺適當時候、大家有共識先公開，出面人哋點寫我唔理，佢畀人影到之後都即打番畀我，佢都有少少嚇親，但都有問候我。解釋畀佢聽之後就再冇誤會，咁仲好！不過我真係唔知出面啲人有乜用心咁寫。
記：奶奶有冇叫你唔好做？
陳：唔會，我開心係身邊嘅人支持我嘅工作。
記：同TVB會唔會續約？
陳：公司嘢唔方便講。
聖誕節出埠旅行
記：聖誕節有冇假放？會唔會出埠？
陳：應該有幾日！都會去旅行，因為香港嘅地方都去晒！
記：同老公去？
陳：唔會答你！
記：咁會唔會同男友去？
陳：依家仲未知。
記：《義海豪情》大結局會同男友一齊睇？
陳：應該唔會，因為有特別安排大結局活動。
記：對結局有冇期望？
陳：其實收視冇想像中咁高，但個結局真係好好睇，希望觀眾乖乖哋返屋企啦！我最想係可以衝破《大長今》嘅紀錄。
(太陽報)
http://the-sun.on.cc/cnt/entertainment/20101128/00470_001.html
沒有留言:
張貼留言