[新聞] 黎耀祥enjoy歡呼進軍紅館

入行廿五年的黎耀祥早年獲「演唱會之父」張耀榮力邀開演唱會，不過當時他婉拒好意，但自從於紅館為朱咪咪演唱會擔任嘉賓後，他坦言很享受觀眾的歡呼聲。現時張生再向他招手，即時心郁郁想明年舉行演唱會。

「視帝」黎耀祥之前拍《巾幗梟雄》時已經常於幕前大展歌喉，更獲張耀榮邀請他開演唱會，不過當時祥仔婉拒。直至早前他於紅館為朱咪咪演唱會擔任嘉賓，張耀榮及一眾好友再次力邀他明年開演唱會，祥仔坦言心郁郁，因為今年正正是他入行廿五年，絕對是一個紀念性時刻。

「冇諗過威力咁大」

祥仔說：「上次張生搵我嗰陣，我諗唔到原因去做。一來我又唔係歌手，二來呢個並唔係我嘅願望，加上如果要我做一個演唱會，要有成二、三十首歌，真係要諗諗用乜嘢形式去包裝。」問到為何此時想試？他不諱言：「之前喺朱咪咪演唱會係四面台，我真係冇諗過紅館威力係咁大，萬幾人圍住歡呼，原來感覺係好high。跟住張生又再同我講，佢叫我得閒嘅就開枱玩吓！自己頓時心郁郁，感覺實在令人回味。」

扮米高積遜壓力大

祥仔坦言開演唱會不容易，雖然已有多年登台經驗，但他亦會慎重考慮。他笑言：「經歷過上次《保良》扮米高積遜跳舞，真係好大壓力，嗰次真係緊張到瞓唔着，想像唔到嗰種忐忑不安。（張生搵得你就有信心！）佢的確畀咗好多鼓勵我，依家仲要仔細去度度點做。」不過祥仔的工作極多，單是拍無綫劇集已排到出年四月。他坦言若真的開騷，會犧牲搵錢機會。

祥仔坦言若真的開騷就要做到最好，寧願推job增加排練時間。

朱咪咪曾邀祥仔任紅館騷嘉賓。

祥仔曾扮米高積遜又跳又唱。

 
 
 
 
 
 
 
 
 
 
 
 
 
 
 
 
 
 
 
 
 
 


(東方日報)
http://orientaldaily.on.cc/cnt/entertainment/20111105/00282_019.html
======================================================
黎耀祥進軍紅館開個唱

「視帝」黎耀祥早前於紅館為朱咪咪演唱會擔任嘉賓後，獲張耀榮邀請明年開演唱會！祥仔坦言「心郁郁」，若真的要做便要認真去度細節及包裝：「我真係冇諗過紅館威力係咁大，萬幾人圍住歡呼，感覺好High，跟住張生同我講，都有啲心郁郁。」不過，他拍劇檔期已排到明年，分分鐘要犧牲大量搵銀機會來綵排。

(太陽報)
http://the-sun.on.cc/cnt/entertainment/20111105/00470_012.html