[新聞] 陳豪祥仔老蘭俾女圍

陳豪同黎耀祥前晚喺中環蘭桂坊拍無綫嘅新劇《傳愛事務所》，結果搞到老蘭淪陷咁滯。事關幾十個女fans一見到陳豪出現就發晒癲咁衝埋去影相，完全唔理無綫成隊人喺度拍緊嘢，嚇到陳豪匿埋入附近間舖頭唔敢出嚟。之後輪到拍祥仔，班女又係發晒癲咁拉住祥仔影相，無綫工作人員拉走祥仔，班途人即時鼓譟。好在祥仔識做，話拍晒之後再合照補數。

採訪、攝影：徐錦池、朱志聰

(蘋果日報)