傳祥仔收酬金20萬
壽宴中不乏感人場面，朱咪咪說：「全場好感人同溫馨，阿駒同細佬上台唱咗《念親恩》，兩兄弟攬住阿媽，駒媽忍唔住喊咗出嚟，咁感動點會唔喊？呢次係阿駒出嚟第一次同駒媽賀壽。」朱咪咪更大讚崩牙駒歌喉，她說：「成家人個個都好唱得，好掂。」
祥仔前晚逗留大半小時，先後唱了三首飲歌，分別是電視劇《巾幗梟雄之義海豪情》歌曲《紅蝴蝶》、《有酒今朝醉》和《前程錦繡》，其後他還跟崩牙駒胞弟尹國雄合唱了《舊歡如夢》，記者昨日致電身在內地工作的祥仔，他說：「國雄唱得幾好，記得晒啲歌詞，我仲以為要傍住佢。」
祥仔指他做過三年駒媽壽宴表演嘉賓，但由於往年崩牙駒正在獄中，前晚才首次碰面，他說：「駒哥好孝順佢媽咪，佢又好客氣，我一去到就畀咗酬金先表演。」接觸崩牙駒後可覺他豪氣？祥仔說：「睇唔出，佢同普通人冇分別。」有傳祥仔前晚出騷酬金達20萬，他避談：「錢幾多就唔好講，講得多又唔好，少又唔好，大家鍾意點傳就點傳。」
祥仔透露在後台等候時，崩牙駒帶同親友進來要求合照，他當然樂意做人肉佈景板，為江湖中人私人宴會表演可有甚麼禁忌，祥仔說：「冇乜特別唔同，始終都係一個騷，呢晚又係老人家生日，我哋作為藝人嘅，志在娛樂大家，唔理佢乜嘢背景、地位同階層，我又冇黨冇派，我接騷只係睇乜嘢性質，今次係咪咪姐叫我。最緊要老人家開心，我哋有陪佢上台切蛋糕。」
(蘋果日報)
沒有留言:
張貼留言