視帝黎耀祥去年一口氣拍了三套劇《大太監》、《造王者》、《神探高倫布》，今年亦接拍兩套劇集，現正忙於拍攝《傳愛事務所》的祥仔與好戲之人陳豪合作，問到兩位視帝碰頭，拍攝時會否一齊研究劇本或改劇本，祥仔坦言：「我同陳豪好多年前合作過，今次再重逢都好開心，有另一份新鮮感，都會傾吓溝通吓，不過我向來好聽話，改劇本真係比較少，我會嘗試從人哋角度去諗而演繹，如果自己改劇本，咪一路都係做緊黎耀祥？我都想有啲轉變，出嚟嘅效果係有唔同，當然偶然修改都會有，但我習慣照編審、導演、監製嘅意思去演。」
去年尾，祥仔曾到馬來西亞拍攝電影，問會否再接拍？他謂：「唔會拍太多，如果真係要拍，我最想同許鞍華、林嶺東合作，之前同佢哋都合作過，（係情意結？）除咗情意結，之前拍《幽靈人間》，我好欣賞許鞍華嘅投入，每拍完一個take佢都會好開心，睇得出佢對電影係好有熱誠，如果許鞍華再搵我，平啲我都會拍。」此外，他與林嶺東合作過電影《目露兇光》，祥仔謂：「佢都做過演員，會帶你入到場景，畀你感受一下，從佢嘅視覺，我都睇到好多。」
貪玩之人享受開工
祥仔曾表示想放一個長假，跟家人去旅行，不過他有些矛盾，坦言：「我都唔知，有時想停落嚟，但其實我又好享受拍攝過程，我好開心成班人一齊工作嘅感覺，如果唔拍嘢，我做乜呢？休息都唔休息得咁多，我好明監製搵得我，個角色一定好啱我做，一定好好玩，我都好貪玩，所以攰得嚟都幾矛盾。」
文：影視組
髮型：Ivan Lee@Headquarters
場地：Izzue
 |
黎耀祥近年一劇接一劇，提到休息，他自言心情矛盾。
|
 |
黎耀祥若拍電影，最想再與許鞍華及林嶺東合作。
|
 |
黎耀祥（右）在《傳愛事務所》與陳豪合作開心，坦言有另一種新鮮感。
|
(東方日報)
http://orientaldaily.on.cc/cnt/entertainment/20130118/00282_094.html ================================================================
祥仔陳豪重逢Fresh
「視帝」黎耀祥劇集一套接一套，去年最少拍了三套劇，今年初已與視帝陳豪合作拍劇。祥仔大感疲倦想放假休息，但他不諱言心中有矛盾：「監製搵得我，個角色一定啱我做，我都貪玩o架！」
視帝黎耀祥儼如無綫之星般，大小活動一直有他份，就算他有多忙或是在外地工作，對於無綫的活動或慈善活動，他都不遺餘力，果真勤力！祥仔去年一口氣拍了三套劇集《大太監》、《造王者》和《神探高倫布》，並坦言最辛苦是拍攝《造王者》之際：「嗰陣日日外景接廠，試過三、四日喺公司瞓。（同監製要求休息時間嘛！）我從來都唔會，做到都會盡力去做，自己係由低做起嘅，所以會體諒。」
之前祥仔希望有假期與家人去旅行休息一番，問到有否想過放一個較長的假期？他說：「有時想停落嚟，但其實我真係幾享受成個拍攝過程，成班人一齊工作嘅感覺非常開心，如果唔拍嘢，我又做乜呢？休息都唔休息得咁多，監製搵得我，個角色一定很啱我、很好玩，我都貪玩，所以攰得嚟都幾矛盾。」現時他與陳豪合作《傳愛事務所》，祥仔坦言拍得很開心：「我同陳豪多年前合作過，今次再重逢都很開心，亦搵到一份新鮮感。」
恨與許鞍華合作
去年底，祥仔曾抽空到馬來西亞拍攝電影，問到會否嘗試再接拍港產片？他說：「都唔會拍太多，如果真係要拍，想同許鞍華、林嶺東合作。之前我都同佢哋合作過，十分欣賞許鞍華嘅投入，每拍完一個Take佢都會很開心，睇得出佢對電影十分有熱誠，如果許鞍華搵我，平啲我都會拍。」
 |
祥仔與陳豪相隔七年再度合作，分外有新鮮感。
|
 |
祥仔（左起）、法拉、伍詠薇和陳豪拍攝《傳愛事務所》。
|
 |
| 祥仔早前為《傳》劇拍攝街頭打鬥戲份，大顯身手。 |
沒有留言:
張貼留言