[新聞] 唐詩詠瞞邦邦裸背

唐詩詠在無綫新劇《神探高倫布》中有突破演出，除一人分飾兩角外，還有大膽露背鏡頭，問她是否為製造話題？她昨日在電話中說：「導演可能知我保守，原本安排一位替身畀我，但我覺得劇情合理，識我嘅人都知我唔會為製造話題而拍。」

唐詩詠表示拍這場戲沒有清場，但做足防走光措施，她說：「前面黐晒膠紙，仲諗住見到祥仔（黎耀祥）會尷尬，但拍時好投入。」有沒有向緋聞男友崔建邦報告？她說：「話明緋聞梗係唔使，同自己交代OK！」

唐詩詠飾演的梅妹被丈夫困在天井內三年，導致精神有點失常，她事前亦有找「高人」相助，她說：「我冇讀過演藝訓練，好多謝陳國邦畀咗好多意見，仲有陳志健幫我搵咗啲慈善機構，令我有機會接觸一啲情緒上有問題嘅人，對我演戲好大幫助。」

採訪：王崇穎

在《神》劇中，唐詩詠棄用替身，親自上陣拍露背鏡頭。

(蘋果日報)
http://hk.apple.nextmedia.com/entertainment/art/20130411/18223659
======================================================================
電視撈飯：馬賽起飛腳露底

馬賽前晚喺第二集嘅《神探高倫布》裏面有一場捉賊戲相當搶鏡，因為佢着住條短裙起飛腳嗰陣露出咗肉色打底褲，令網民熱烈討論。噚日馬賽喺電話度讚啲網友好細心，咁都留意到，佢話唔單止拍打戲，平時無論着短裙、短褲都會着打底褲，真係小心使得萬年船喎。


(蘋果日報)
http://hk.apple.nextmedia.com/entertainment/art/20130411/18223732