有指《神》劇其中一個片段「搞屎」佔幾分鐘，敖嘉年前晚在運動會上說：「拍呢場戲都冇一分鐘，整體而言，部劇都幾得意，我同黎耀祥嘅重頭戲未出，有唔少辛苦演出，好似打到周身傷，碌落樓梯，劇組拍時唔想劇情千篇一律，搞搞新意思卻吃力不討好。」
 |
黎耀祥為新劇試造型時表示，沒有為意觀眾水平提高。
|
(太陽報)
http://the-sun.on.cc/cnt/entertainment/20130429/00470_031.html
=======================================================================
黎耀祥讚觀眾水準提高
視帝黎耀祥昨日為《巾幗梟雄之諜血長天》試造型，對於近日《神探高倫布》收視平平，他認為是很好的經驗：「冇為意到觀眾水準大大提高，部劇好多地方需要交代，不能為求戲劇效果而忽略咗合理性。我都係第一次畀人鬧得咁勁，我冇辦法保證拍啲劇一集比一集好，亦唔會因為被批評唔開心。」
敖嘉年前晚在運動會上亦有辯解，他指自己與黎耀祥的重頭戲未出，當中有不少辛苦演出，如打到周身傷、碌落樓梯。因劇組不想劇情千篇一律，未料新搞作吃力不討好，不過敖嘉年也不會因新劇被叫腰斬而不開心。
 |
黎耀祥與敖嘉年合作的劇集受劣評，二人均表示會接受意見。
|
(東方日報)
http://orientaldaily.on.cc/cnt/entertainment/20130429/00282_013.html
=======================================================================
祥仔享受俾人鬧
無綫黃金時段播嗰套《神探高倫布》不停俾網民狂插，男主角黎耀祥噚日喺將軍澳電視城開工，就大讚觀眾好有理性去睇劇，仲覺得佢哋雖然係批評，不過絕對令到各方面都會有進步，所以佢話唔會唔開心：「拍嘅時候唔會好覺，我以前好少俾人鬧，係一個好好嘅經驗！我都冇可能保證到拍出嚟嘅劇套套都係好，我哋做演員嘅都係盡量做好本份。」
沒有留言:
張貼留言