 |
梁烈唯他只希望搵到錢，和父母一齊住。 |
梁烈唯是誰？你可能印象模糊，他在《女拳》中飾演小猴一角，常和黃宗澤鬥嘴。唯唯來自半個演藝世家，大伯是「永遠的喬峰」梁家仁，父親梁家禮在1980年拍過《天堂夢》，後來退出娛樂圈開運輸公司，自己做老闆。唯唯生於小康之家，自小唔憂柴唔憂米。讀書雖然唔夠哥哥叻，但有小聰明。「讀完中五會考只得一分，那時在匯豐銀行做初級文員，又唔喜歡做寫字樓工，知道《監獄風雲之少年犯》招募新演員，咪去試下，點知一出來就做男主角。」
自以為大才小用
聽落好似好正，一出道就做男主角，但世事又怎會如此完美。唯唯20歲入行，由於初時外表MK，所以飾演的角色都是古惑仔，正如他所言，初入行根本不知道什麼叫演戲，反正在做回自己。「《監獄風雲之少年犯》在當年好收得，有成四百幾萬。一出街人人都認得我，明星喎，感覺好high。那時貪玩，唔懂珍惜機會，好快就淪為小配角，還常心想：『搞錯呀，我呢D大才，你小用？』」後來才知道，我一開始簽畀志雄哥，好多戲是他開拍，所以我才多戲拍。」
做「債仔甲」被嘲笑
原以為梁烈唯會反省，可惜第一個挫折只令他以為懷才不遇，就連因拍戲成為好友的陳敏之推薦佢入TVB，佢都左想右想。「那時覺得自己做電影主角出身，入電視台好似好屈就自己，最後都去了TVB試鏡。半年後小青姐(監製梅小青)開《青出於藍》，感覺上又做返自己。所以入到電視台，身邊對手都沒拍過戲，只有我有拍攝經驗，當時的我自覺好有自信，好突出，其實好囂，又唔守規律，好快就打回原形，今次更2年冇工開。」問唯唯在最失意的時候沒想過轉行嗎？他答道：「有一陣子轉做DJ打碟，搵的錢是比做藝人多，但自己做得唔開心，最後返回電視台。」
在唯唯口中，人不在最卑微的時候是不會反省的，回到電視台，試過被助導臨時臨急CALL回公司拍《上海傳奇》做「債仔甲」。「那天場景我至今難忘，上到車找自己的衣服，某位演員半帶嘲笑的語氣同我講『咩你有份做？你件債仔衫在特約衣架上』。我聽完個心好酸，眼淚不停地在眼內轉。」有時做人真的不可以計教太多，正因為這做「債仔甲」當日臨時在路上碌地，被監製張乾文看在眼內，在《賭場風雲》找他演少年歐陽震華。
望租屋和父母同住
08年尾09年簽約TVB做親生仔，唯唯只望將來多些工作，可以和父母一齊住，令他們不用太辛苦。「說來好慚愧，上次聽容祖兒演唱會知道佢入行十年，其實我同佢同年入行。早幾年父親因為金融風暴破產，現在和媽媽住在元朗。上次去到他們家，見到那屋連窗都沒有，那一刻個心好酸，我立即打電話畀我經理人，同佢講我咩JOB都接，只希望搵到錢，令他們搬離那地方。以前我想做明星，現在只希望做個出色的演員。」
唯唯與現任女友Tina拍拖8年，是應采兒的助手，算是半個圈中人。唯唯很多謝女友對自己不離不棄，他說：「我們拍拖8年，自問都沒畀過好日子佢。幸好她都算半個圈中人，所以佢好明白我，而且我的Fans都知道我們拍拖，成日叫我們拉埋天窗。我們拍拖8年，佢陪伴在側，令我可以捱過人生的低潮。一起咁耐，我只和她去過一次旅行，佢媽咪都有微言，話咩我終於同佢個女去旅行啦？我希望將來畀到好生活女朋友。」
(文匯報)
沒有留言:
張貼留言