[新聞] 為孖女中環出動 Fit爆黎姿掃童裝起雙

黎姿自去年 7月誕下大孖家蔚及細孖家鎂後，有女萬事足，貴為闊太的她雖然已經不用再在螢幕前亮相，但基於女士愛美的天性，她已經極速回復昔日在公仔箱的狀態。前日就去到中環一間嬰兒用品專門店，為孖女選購玩具及衣服，所有用品都要一買開雙。

現年 39歲的黎姿前年嫁給富商馬廷強後，去年 7月就為丈夫誕下一對精緻孖女，得丈夫錫到燶照顧得無微不至，婚後深居簡出。



雖然已是兩女之母，但黎姿一身時尚打扮依然甚有少女感覺。




在一小時裏，黎姿精挑細選，為家中孖女大掃貨。




黎姿出動買嬰兒用品，還有女助手陪同。



打扮時尚



去年產後個多月，黎姿跟老公馬廷強現身時，體形比現在胖很多。

  
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
變身少奶奶的黎姿，前日 6時許就難得出動去到中環太子大廈 Jacadi Paris，一間專賣童裝及玩具的名店，為她的大孖家蔚及細孖家鎂選購用品。


貴為馬太的黎姿，前日見她已極速回復昔日苗條，身形跟在電視台做當紅花旦時不遑多讓，而且打扮時尚，黑色緊身褲配以一對 3吋高跟鞋，絕不似已為人母的中年女性，身旁還有一名女性助手為她打點一切。

進入店內，店員一眼便認出黎姿，表現格外親切，為她詳細介紹每一樣產品，已鮮有外出購物行街的黎姿依然保有女性愛購物的天性，對每樣物品都精挑細選，在一個小時內買了多套嬰兒衣服、鞋、襪、玩具甚至座椅，為照顧家中孖女所以每樣物品都添了雙份。

保持笑容

黎姿掃貨時，鞋仔和公仔都要打孖上。

之後就心滿意足的離開，再次面對記者鏡頭黎姿心情勁靚，雖然一直講着手提電話，依然全程保持和藹笑容，但就秉承夫家低調作風，對記者提問全部不作回應，跟着行到樓下跳上 7人車，由司機接載離去。

(蘋果日報)

http://www.tvbchannel.com/zh-hk/fit-gigi-daughter-kids.html