[壹周刊第1116期] 黎姿做大家姐護孖女

婚後一心要為老公馬廷強開枝散葉嘅黎姿，幾經努力兼聽從高人指點改埋名，終於喺舊年七月生咗對孖女。

架勢呢!（設計對白）

除咗酒店職員開路，黎姿亦有貼身保鏢護駕，派頭十足，至於老公馬廷強，堅持低調，冇俾機會記者影到。

星期日（七月二十四日），孖女一歲生日，黎姿喺半島酒店搞 party，因為交通意外受傷嘅舅父黎嬰，亦有出現。

告別幕前之後，黎姿配合老公作風保持低調，但見傳媒「閘」晒人採訪孖女生日 party，佢亦做個順水人情，俾兩女經酒店正門離開，令大家交到功課。等足一年，孖女終於曝光。至於馬太本人，亦喺保鏢左右傍住、同酒店職員開路下，陪住兩女同車走人。

可惜黎姿已經收山，如果唔係，當日情景，搵佢重拍《大家姐》，綽綽有餘，吳君如個「十三妹」，頂多都係 sell吓奶粉！

細孖

大孖

大孖家蔚（ Pricia）同細孖家鎂（ Gianna），同款打扮。

孖女先由傭人抱上車，黎姿在外睇到實一實，之後才上車坐入後排一齊走。

出席嘅賓客，都有一大袋禮物回禮。

為免發生碰撞，黎嬰下午三點半離開酒店時，由十人保鏢侍候。（《蘋果日報》圖片）