[快周刊第676期] 黎耀祥邀攝記嘆茶

每逢暑假，又係父母頭痕幫仔女搵節目嘅時間，強如「視帝」黎耀祥亦唔例外，出名廿四孝嘅祥仔，早幾日就同老婆、囝囝黎正橋現身銅鑼灣，開心暢遊親子樂。

佢哋一行三人先系遊街，唔好睇橋仔只係讀中學，原來佢經已同老豆咁高咁大，期間佢哋發現辣妹影相，唔止冇黑面，橋仔仲主動送上四萬笑容打招呼，嗱！呢啲咪叫好家教羅！

行到攰攰哋，佢哋入左餐廳嘆Tea醫肚，祥仔仲好客氣問辣妹：「你餓唔餓呀？坐低一齊食吖？」為免破壞人哋天倫時間，辣妹梗系唔會咁蠢做電燈膽啦！玩足兩粒鐘，都只係使左百零蚊，今次親子樂又幾抵玩喎！