 |
| 【《蘋果》專訪】■周慧敏昨日接受《蘋果》專訪，她在《大時代》飾演的慳妹能屈能伸，周慧敏說：「慳妹喺我心永不磨滅。」攝影：周樂恒 |
【狂煲大時代】「慳妹」周慧敏（Vivian）在神劇《大時代》首集驚鴻一瞥，事隔23年後重播，她的清純氣質仍瘋狂秒殺現今老少觀眾，現年47歲的Vivian當年扮慳妹成為經典，可惜最後慳妹在方展博懷中溘然而逝，成為一個永遠的遺憾！昨日Vivian接受《蘋果》專訪坦言至今難忘慳妹：「喺我心永不磨滅！」採訪：余燕儀
神劇《大時代》在深宵重播引起觀眾捱眼瞓煲劇潮，除了劉松仁、鄭少秋、江毅、曾江等老戲骨高手過招令觀眾拍案叫絕，劇中女神藍潔瑛、周慧敏、李麗珍個個有美貌有演技，其中扮演慳妹的Vivian更深入民心，23年後的今日仍有人叫她做慳妹，昨日Vivian現身將軍澳《蘋果》大樓接受本報專訪，細訴當年扮演慳妹的點滴。
Vivian的慳妹角色成經典，她謙虛說：「我唔敢講係咪代表作，但喺我演戲生涯上好多人記起我演呢個角色。23年喇，成日有人同我講呢個劇，甚至乎叫我做慳妹，真係令人好深印象角色，慳妹喺我心入面唔可以磨滅。拍時已知觀眾會鍾意，因為劇本太強，歸功靈魂韋家輝先生，所以佢邀請我參與，我覺得係一個榮幸。」
 |
| 1992年《大時代》首播，眾演員在清水灣電視城宣傳劇集。 |
 |
| 周慧敏在劇中未能與「展博」劉青雲終老。 |
神推鬼擁接拍
據知慳妹角色取材自《大時代》一位女編劇，問Vivian是否真有其事？她說：「有少少印象，但好模糊，懷疑最初同韋家輝傾時，佢有提過呢樣嘢，其實《大時代》係咪佢故事？哈哈，佢係咪方展博？」為何韋家輝找她演慳妹？Vivian說：「到𠵱家都係一個謎，嗰時入電視城係傾另一個青春劇，我早到咗，經理人話有另一套劇都想同我傾，角色都啱我演，原來係見韋家輝，自己成日諗佢會唔會見到我路過，覺得我適合做呢個角色？」
現實中的Vivian是否慳妹？她笑說：「係一個美麗誤會，我點可能係慳妹，慳妹真係慳到over咗，刻薄自己，病態嘅慳，我諗我係中間嘅慳，唔係大花筒，但又唔係精打細算嘅人，對金錢比較冷感，我諗大家睇得投入，我又演得投入，大家覺得慳妹就係我。」
劇中方展博揀了慳妹，但現實中劉青雲卻選擇了郭藹明，假設Vivian是方展博，最愛會是誰呢？她想了一想說：「我兩個都唔會揀，因為呢兩個女人都義無反顧咁愛佢，如果我揀咗其中一個，會傷咗另一個心。」
雖然慳妹和方展博愛得刻骨銘心，但最後慳妹卻死了，她直言：「我覺得佢應該死，咁唔錫自己，食嘢唔健康又有病，慳妹離開咗，感情有遺憾，更加容易打動觀眾感情。」慳妹死了，方展博是否應返回龍紀文身邊？她說：「應該喎，慳妹都死咗，方展博同龍紀文一齊係最好結局。」
服裝：Lanvin
(蘋果日報)有片睇
=================================================================
重播終有字幕
《大時代》幕幕經典，Vivian最難忘哪場戲？她說：「大家焦點會喺最尾嗰場戲，2015年仲有人問我『紅絲巾飛走，慳妹瞓喺阿博懷裏係咪代表死咗？』至於最打動我一幕，係喺公園同方展博摺紙飛機放，場面好震撼，記得25周年演唱會請青雲做嘉賓，當時請佢嚟喺我個騷放紙飛機，好感動。」
此外，無綫重播《大時代》以來接獲不少網民投訴沒有字幕，無綫企業傳訊部宣傳科副總監曾醒明昨表示會徇眾要求從善如流，下星期一深夜開始會加上字幕，至於昨日凌晨播映的第3集《大時代》，平均收視跟前晚一樣有5點，約32萬觀眾人次，而最高則為6點，約39萬觀眾捧場。
(蘋果日報)有片睇
=================================================================
唐寧獲讚氣質女神
《大時代》位位女演員實力非凡，除藍潔瑛外，還有現年83歲的賤婆婆黎宣，以及已退出娛樂圈18年的吳詠紅等。而劇中演童年版方芳的唐寧，近日被不少網民激讚小時候有氣質，紛紛封她為女神，唐寧昨在電話中笑說：「太榮幸啦！啲朋友話見到咁細個嘅我，好似見到我個仔咁。𠵱家睇番感覺都幾得意。當年同松哥（劉松仁）、秋官（鄭少秋）合作，佢兩個都好錫我哋，當我哋仔女咁。」
至於長大後的方芳則由吳詠紅飾演，現任職Fancl高級培訓主任及形象指導的她，昨在電話表示有份參與這部神劇十分感榮幸。據說方婷被丁孝蟹手下掟落樓身亡一幕被禁播，對此吳詠紅說：「係呀，我哋喺7樓吊威吔，點知第一集出街已經係掟仔落街，楊羚跳樓自殺戲又俾人投訴，電檢處收到好多投訴，所以到我哋呢場被掟落街嘅戲出街cut晒。」
至於早年退出娛圈的宣姨，原來早前因身體欠佳而入院，宣姨丈夫高先生昨在電話中說：「都係老人病，𠵱家喺屋企休息緊，大家有心啦。」
採訪：戴彩煥
(蘋果日報)
=================================================================
精采演出：慳妹能屈能伸
《大時代》的慳妹，絕對是周慧敏從演以來的代表作，甚至令人誤會她現實中也是慳妹一名。
慳錢惹霍亂
慳妹因食隔夜餸不適，彩婆婆以為她心臟病發，展博即孭她到醫院。慳妹向展博哭訴從未拍過拖，亦不想死在他身邊。後來證實她染上霍亂，虛驚一場。
下廚𠱁濟哥
慳妹跪求濟哥救展博，她知道對方最愛吃亡妻華姐的蘇杭點心，便做了不同款式𠱁濟哥。最後濟哥被她的誠意打動，決定收她為契女，幫助展博。
大膽鬧四蟹
慳妹與四蟹講數，大膽狂鬧：「我係女人乜都唔識，女人仲好小器，不過我仲要野蠻仲要小器！方展博係我老公，佢以後有咩事，我一定唔會放過你！」
淒美大結局
展博贏股票更贏了丁家五蟹，卻未能與慳妹終老。結局最後一幕，他與慳妹在山頂談心，慳妹依偎在展博懷裏，紅絲巾飄過，寓意慳妹逝世。
(蘋果日報)有片睇
==================================================================
逐個捉：《大時代》十女將
神劇《大時代》雖然以男演員的爭鬥為主，但女角色亦不容忽視，以下10位女演員的演技令人印象深刻。網民近日更發起投票，嚴選劇中最索女角。
藍潔瑛（51歲）
角色：玲姐，方進新未婚妻。
近況：受情緒病困擾，現居於赤柱單身人士公屋，領綜援過活。
周慧敏（47歲）
角色：慳妹，患先天性心臟病，節儉成性。
近況：婚後半退休，去年拍電影《等一個人咖啡》及推出大碟。
郭藹明（47歲）
角色：龍紀文，龍成邦之女，對展博情深義重。
近況：98年結婚，青雲口中「能將他從太空帶返地球」的賢妻。
李麗珍（49歲）
角色：方婷，與孝蟹相戀。
近況：2000年與許愿離婚，08年與潘源良拍拖，去年復出。
吳詠紅（48歲）
角色：方芳，方進新長女，怨展博令她被迫輟學。
近況：與前藝人何英偉婚後育有一女，退出娛圈後任美容導師。
楊羚（47歲）
角色：方敏，方家孻女，被益蟹強姦後染性病。
近況：已婚，間中客串做電視主持，之前客串拍《竊聽風雲》。
唐寧（33歲）
角色：童年版方芳
近況：4年前與舞台劇才子鄧偉傑結婚，育有一子一女。
黃愷欣（59歲）
角色：華姐，濟哥妻子。
近況：98年息影，移居美國西雅圖。
黎宣（83歲）
角色：賤婆婆，丁蟹媽媽。曾替方家照顧四名子女。
近況：黎姿的姑媽，父親為香港電影之父黎民偉。
歐陽莎菲（已故）
角色：彩婆婆，慳妹外婆。
近況：2010年在美國鹽湖城因器官衰竭病逝，享年86歲。
(蘋果日報)有片睇
==================================================================
進新展博 父子穿越重逢
 |
| 飾演方進新的劉松仁與劇中兒子「展博」劉青雲穿越合照。 |
導演杜琪峯前晚60歲大壽，在跑馬地Amigo餐廳舉行生日派對，撮合在《大時代》的劉松仁與劉青雲飾演的方進新與方展博父子穿越時空世紀重逢。
有份出席派對的導演舒琪前晚在facebook上載一張劉松仁及劉青雲等的合照，並謂：「嘩，《大時代》組，啱啱影到！」由於《大時代》劇情講展博還未長大成人，進新已被丁蟹打死，所以這張大合照絕對是世紀合照。
撰文：魯吉
(蘋果日報)
沒有留言:
張貼留言