祥仔代賭場派利是，不少豪客循環再用利是封，向視帝送上開工利是。
挾住《義海豪情》劉醒餘威，冧庄做視帝的黎耀祥，在剛過去的農曆年，連走星馬美加多個地方瘋狂登台，賺到笑！上週五（二月十八日），撞正祥仔同老婆結婚十四周年紀念，但搵錢大過天，視帝於是帶埋老婆到澳門四季酒店做騷，在貴賓賭場百利宮，舒舒服服娛樂三十名賭場 VIP一小時，十五萬袋袋平安。
相比起同佘詩曼分手後，事業插晒水的鄭嘉穎，第二日（十九日）與陳自瑤唱金沙賭場大廳，只得五萬落袋，差天共地。
限量三十位
上週五下午五時，黎耀祥拖着拖喼，同老婆 Julia現身上環港澳碼頭，出發前往澳門，為當晚在四季酒店內的百利宮賭場演出作準備，平日例三人行的兒子黎正橋，未有同行。
「阿仔有課外活動，所以冇跟埋一齊嚟。」黎耀祥說。其實當日是祥仔同老婆結婚十四周年紀念，過埠搵錢，兩公婆順便二人世界。
搭正十時，黎耀祥抵達表演現場，由於當晚賭場只限量安排了三十名尊貴賭客入場欣賞演出，令一班專程到澳門捧偶像的 fans，一律食閉門羮。不過祥仔並無袖手旁觀，他親自向有關方面周旋，最終 fans獲安排入場企位睇騷。
一上台，祥仔識做賣口乖：「今晚最緊要贏多啲！」台下有觀眾即時俾反應：「贏埋都唔夠你搵得多啦！」之後祥仔一口氣唱了《舊歡如夢》同《新鴛鴦蝴蝶夢》，又同觀眾玩抽獎送禮物，兼大派由賭場一早預備好的利是。有出有入，即使過埋正月十五，觀眾照派利是俾視帝。
當紮視帝黎耀祥負責招待三十豪客，比起過氣視帝鄭嘉穎唱大廳（下圖），尊貴得多。
鄭嘉穎開騷唱《愛情陷阱》，結尾孖住陳自瑤唱《相思風雨中》，新正頭唱悲情歌，毫無氣氛。
上週五，祥仔與老婆現身上環港澳碼頭，出發到澳門登台。
扮秋官激似
經玩抽獎派利是熱身後，視帝埋位繼續娛賓。在多年前的無綫劇《娛樂插班生》中，大家都見識過黎耀祥扮羅文有幾入型入格，原來扮秋官（鄭少秋）仲掂，開口唱《小李飛刀》同《倚天屠龍記》，台下觀眾情緒高漲，大嗌：「秋官！」其間祥仔一度走到台邊同觀眾握手，有人衝上前「索吻」，令他大感尷尬。
做超過一粒鐘唱九首歌，黎耀祥十一時二十分才離場，比原定完騷時間，超時演出廿分鐘。「最緊要大家玩得開心，遲啲收工有咩所謂。」祥仔說。
之後，黎耀祥同老婆未有即時返港，孖住老婆在澳門食燭光晚餐慶祝結婚周年紀念。「心情好得意，十四年前好霉，只係帶咗幾千蚊美金去美國註冊，坐經濟位，去到美國亦係慳住慳住使，經濟環境同而家比，實在差好遠。」今時唔同往日，祥仔有感而發。
黎耀祥憑《義海豪情》冧庄做視帝，身價即時拾級颷升。
有份睇騷的豪客，公然向祥仔索吻，令他尷尬不已。
限位三十人，但在黎耀祥周旋下， fans終於能靠邊站，舉牌支持偶像。
爛船都有三斤釘，在澳門碼頭仍有人搵鄭嘉穎合照。
登台後，祥仔夫婦在賭場安排的酒店套房，食燭光晚餐，慶祝結婚十四周年。
冇厘反應
第二日（十九日），鄭嘉穎同陳自瑤亦聯手到金沙賭場搵食。同黎耀祥一樣，抽獎、唱歌娛賓，但二人演出場地是賭場大廳，場內賭客過百，鄭嘉穎一上台，便向賭客問問題：「我嚟緊有新劇上，大家知唔知叫咩名？」
同佘詩曼分手後，鄭嘉穎人氣已大不如前，見台下鴉雀無聲，腦筋急轉彎的陳自瑤，即轉話題幫拍檔解窘。二人分別唱了三、四首歌，再合唱《相思風雨中》。
在無人 encore的情況下，十一時半依時完騷。
比起黎耀祥，同樣做過視帝的鄭嘉穎，騷價比對方少一截，收五萬，只是祥仔三分一價；娛樂圈，永遠跟紅頂白。
搵食拍檔
○九年祥仔同 Julia夫妻檔拍購物車和背囊廣告。
現年 46歲的黎耀祥，經歷過兩段婚姻。 18歲在夜校進修，邂逅份屬街坊的前妻，拍拖十年， 92年拉埋天窗。婚後一年，黎耀祥拍《俠女遊龍》遇上李麗珍中學同學兼助手，即現任妻子梁耀蓮（ Julia），間接促使黎耀祥同前妻結束一段情緣，祥仔亦曾公開承認，「第一段婚姻，是人生中做得最錯的事。」
離婚後，黎耀祥在家人極力反對下同 Julia一齊，兩人 97年於美國拉斯維加斯結為夫婦。同年 10月，兒子正橋出世，黎耀祥同家人的關係才得以修補。婚後 Julia除了做家庭主婦，還充當丈夫的經理人兼助手接洽工作，陪開工，一腳踢，省卻外人抽佣，全數袋袋平安。
近年黎耀祥事業起飛，身為另一半的 Julia也偶然粉墨登場，同老公孖咇拍廣告，實行有錢齊齊搵。故無綫多次銀彈利誘，都未能打動他加入做無綫親生仔。
挾住《義海豪情》劉醒餘威，冧庄做視帝的黎耀祥，在剛過去的農曆年，連走星馬美加多個地方瘋狂登台，賺到笑！上週五（二月十八日），撞正祥仔同老婆結婚十四周年紀念，但搵錢大過天，視帝於是帶埋老婆到澳門四季酒店做騷，在貴賓賭場百利宮，舒舒服服娛樂三十名賭場 VIP一小時，十五萬袋袋平安。
相比起同佘詩曼分手後，事業插晒水的鄭嘉穎，第二日（十九日）與陳自瑤唱金沙賭場大廳，只得五萬落袋，差天共地。
限量三十位
上週五下午五時，黎耀祥拖着拖喼，同老婆 Julia現身上環港澳碼頭，出發前往澳門，為當晚在四季酒店內的百利宮賭場演出作準備，平日例三人行的兒子黎正橋，未有同行。
「阿仔有課外活動，所以冇跟埋一齊嚟。」黎耀祥說。其實當日是祥仔同老婆結婚十四周年紀念，過埠搵錢，兩公婆順便二人世界。
搭正十時，黎耀祥抵達表演現場，由於當晚賭場只限量安排了三十名尊貴賭客入場欣賞演出，令一班專程到澳門捧偶像的 fans，一律食閉門羮。不過祥仔並無袖手旁觀，他親自向有關方面周旋，最終 fans獲安排入場企位睇騷。
一上台，祥仔識做賣口乖：「今晚最緊要贏多啲！」台下有觀眾即時俾反應：「贏埋都唔夠你搵得多啦！」之後祥仔一口氣唱了《舊歡如夢》同《新鴛鴦蝴蝶夢》，又同觀眾玩抽獎送禮物，兼大派由賭場一早預備好的利是。有出有入，即使過埋正月十五，觀眾照派利是俾視帝。
當紮視帝黎耀祥負責招待三十豪客，比起過氣視帝鄭嘉穎唱大廳（下圖），尊貴得多。
鄭嘉穎開騷唱《愛情陷阱》，結尾孖住陳自瑤唱《相思風雨中》，新正頭唱悲情歌，毫無氣氛。
上週五，祥仔與老婆現身上環港澳碼頭，出發到澳門登台。
扮秋官激似
經玩抽獎派利是熱身後，視帝埋位繼續娛賓。在多年前的無綫劇《娛樂插班生》中，大家都見識過黎耀祥扮羅文有幾入型入格，原來扮秋官（鄭少秋）仲掂，開口唱《小李飛刀》同《倚天屠龍記》，台下觀眾情緒高漲，大嗌：「秋官！」其間祥仔一度走到台邊同觀眾握手，有人衝上前「索吻」，令他大感尷尬。
做超過一粒鐘唱九首歌，黎耀祥十一時二十分才離場，比原定完騷時間，超時演出廿分鐘。「最緊要大家玩得開心，遲啲收工有咩所謂。」祥仔說。
之後，黎耀祥同老婆未有即時返港，孖住老婆在澳門食燭光晚餐慶祝結婚周年紀念。「心情好得意，十四年前好霉，只係帶咗幾千蚊美金去美國註冊，坐經濟位，去到美國亦係慳住慳住使，經濟環境同而家比，實在差好遠。」今時唔同往日，祥仔有感而發。
黎耀祥憑《義海豪情》冧庄做視帝，身價即時拾級颷升。
有份睇騷的豪客，公然向祥仔索吻，令他尷尬不已。
限位三十人，但在黎耀祥周旋下， fans終於能靠邊站，舉牌支持偶像。
爛船都有三斤釘，在澳門碼頭仍有人搵鄭嘉穎合照。
登台後，祥仔夫婦在賭場安排的酒店套房，食燭光晚餐，慶祝結婚十四周年。
冇厘反應
第二日（十九日），鄭嘉穎同陳自瑤亦聯手到金沙賭場搵食。同黎耀祥一樣，抽獎、唱歌娛賓，但二人演出場地是賭場大廳，場內賭客過百，鄭嘉穎一上台，便向賭客問問題：「我嚟緊有新劇上，大家知唔知叫咩名？」
同佘詩曼分手後，鄭嘉穎人氣已大不如前，見台下鴉雀無聲，腦筋急轉彎的陳自瑤，即轉話題幫拍檔解窘。二人分別唱了三、四首歌，再合唱《相思風雨中》。
在無人 encore的情況下，十一時半依時完騷。
比起黎耀祥，同樣做過視帝的鄭嘉穎，騷價比對方少一截，收五萬，只是祥仔三分一價；娛樂圈，永遠跟紅頂白。
搵食拍檔
○九年祥仔同 Julia夫妻檔拍購物車和背囊廣告。
現年 46歲的黎耀祥，經歷過兩段婚姻。 18歲在夜校進修，邂逅份屬街坊的前妻，拍拖十年， 92年拉埋天窗。婚後一年，黎耀祥拍《俠女遊龍》遇上李麗珍中學同學兼助手，即現任妻子梁耀蓮（ Julia），間接促使黎耀祥同前妻結束一段情緣，祥仔亦曾公開承認，「第一段婚姻，是人生中做得最錯的事。」
離婚後，黎耀祥在家人極力反對下同 Julia一齊，兩人 97年於美國拉斯維加斯結為夫婦。同年 10月，兒子正橋出世，黎耀祥同家人的關係才得以修補。婚後 Julia除了做家庭主婦，還充當丈夫的經理人兼助手接洽工作，陪開工，一腳踢，省卻外人抽佣，全數袋袋平安。
近年黎耀祥事業起飛，身為另一半的 Julia也偶然粉墨登場，同老公孖咇拍廣告，實行有錢齊齊搵。故無綫多次銀彈利誘，都未能打動他加入做無綫親生仔。
沒有留言:
張貼留言