繼去年農曆年到美加登台後，黎耀祥年三十晚至年初八，又偕太太 Julia飛往馬來西亞、美國拉斯維加斯、洛杉磯、三藩市和加拿大多倫多共五個地方掘金，由於《巾幗梟雄》和《義海豪情》在當地熱播，當地 fans一見祥仔就大叫柴九和劉醒，令祥仔興奮不已。然而，祥仔亦自言搭飛機搭到頭暈：「七日搭七轉飛機，年三十晚去大馬雲頂同米雪登台，初一由大馬返香港即刻飛去洛杉磯，跟住去拉斯維加斯威尼斯人同陳法拉做個 private party，第二日飛去三藩市同戴夢夢、趙碩之做騷，第三日再到多倫多同潘宗明做 dinner show同商場騷，每日早機，多倫多嗰邊天氣又凍，零下十幾度，結果病咗，要喺嗰邊睇醫生，好在演出都好順利。」
《拉斯維加斯》同因演《義海》而大受歡迎的祥仔和陳法拉在賭城演出。
《三藩市》在三藩市做騷時，祥仔於台上逗小 fans玩。
獲頒感謝狀
《多倫多》多倫多天氣甚冷，祥仔縱有老婆照顧都病倒。
祥仔今次除賺個盤滿缽滿，更獲加州政府頒發感謝狀，他說：「三藩市同洛杉磯都有頒感謝狀畀我，最有代表性係加州政府嗰張，係多謝我咁多年嚟提供娛樂畀當地華人。聽老婆喺美國嗰邊啲屋企人講，張感謝狀對我移民好有幫助，不過我暫時冇諗過移民。」另外，祥仔在拉斯維加斯演出又獲金沙集團華人高層垂青，二人更在台上合唱《海闊天空》。祥仔說：「個高層太太好鍾意睇我做戲，佢哋話嚟緊新加坡個賭場同出年美國想再搵我幫手！」
《雲頂》
祥仔年三十晚到大馬雲頂與米雪登台。
(蘋果日報)
沒有留言:
張貼留言