「草蜢」三子未開始錄影便先「鬥嘴」，今次他們各自邀請嘉賓，阿智請靚靚，傑仔請伍姑娘，其他兩個便是阿細邀請，阿智取笑蘇老闆要請兩個嘉賓，怕他們不夠份量，傑仔笑言已預計三人遲早吵架。三子首次擔任主持坦言心情緊張，錄影開始時先玩「明星甫士王」遊戲，各人隨著音樂的節奏要在錄影機的鏡頭前擺甫士鬥型，最搞笑是靚靚邊追著鏡頭，上衣邊不停滑下，最後該環節由祥仔和伍姑娘勝出。接著四位嘉賓要玩「華麗品味賽」，要從不同價格的紅酒中，選出最貴價的紅酒，不擅飲酒的王敏德便用鼻子去嗅，被靚靚取笑「將軍澳警犬呀！」王敏德遂向伍姑娘取貼士，更以帶她乘直升機來利誘伍姑娘，伍姑娘笑說：「你想死呀，我識你老婆！」結果沒有人估中答案。
(文匯報)
http://paper.wenweipo.com/2011/02/23/EN1102230006.htm ================================================
黎耀祥同林峯鬥Chok 自認偶像派
【明報專訊】草蜢為無綫主持的新遊戲節目《華麗明星賽》前晚錄影第一集，請來黎耀祥、袁詠儀（靚靚）、伍詠薇（伍姑娘）及王敏德擔任嘉賓。眾星悉心打扮迎戰，在台上鬥擺Chok樣，祥仔笑言是偶像派，講Chok與林峯有得揮。靚靚則玩得太投入，露肩上衣下滑，她急急用手拉衫顯得有點狼狽。
節目以華麗作主題，主持草蜢三子蔡一傑、蔡一智及蘇志威鬥靚衫又鬥嘴。阿傑與阿智分別請伍姑娘及靚靚做嘉賓，蘇志威的嘉賓則打孖上有祥仔及王敏德，被阿智取笑因怕不夠分量。
袁詠儀上衣下滑狼狽
節目先進行熱身遊戲，嘉賓們隨着音樂及依照號碼順序向廠內8部攝影機擺甫士，玩得甚放。祥仔甫士勁Chok，伍姑娘如模特兒般行騷，退下外套騷玉背又鬼馬伸脷扮鬼臉。靚靚因穿著露肩上衣，動作太大令上衣滑下，她急用手拉住衫有點狼狽，故她笑說：「不是身上的衫這樣，我實中晒（攝影機次序）！」結果祥仔與伍姑娘均中了7部攝影機的次序。祥仔擺Chok樣甫士投入，他笑說：「我Chok開！（是否Chok過林峯？）我想大家差不多，我現在仍是偶像派嘛！」
伍詠薇玩得放騷玉背
在等待下一個遊戲時，王敏德即興唱英文歌，祥仔見狀笑說：「等我唱《小李飛刀》頂一頂你先。」王敏德又改唱《游龍戲鳳》及泰文歌回敬，甚搞笑。
在「華麗品味賽」遊戲，要在3種價錢的紅酒中選出最貴一種，王敏德不懂飲酒只好用鼻聞，因而被靚靚取笑：「將軍澳警犬呀！」嘉賓又要考眼光選出「明日之星」，祥仔認為最重要是外表，執生能力是其次。
靚靚想生B拒人工受孕 靚靚被周刊指擇吉日想生女，她說自己每年都拜太歲，入廟一定有所求，但生子女由天定，順其自然，想享受整個過程，不想用其他方法。只是老公張智霖忙碌，並笑說：「莫非單性繁殖咩！」她坦言想生兔B或龍B。
(明報)
http://ol.mingpao.com/cfm/star5.cfm?File=20110223/saa01/mea1.txt ================================================
伍姑娘願玩唔服輸
由草蜢主持的《明星華麗賽》前晚進行首集錄影，邀得袁詠儀（靚靚）、伍詠薇、黎耀祥做嘉賓，結果由靚靚贏得十九萬元獎金獎品。靚靚錄影前揚言草蜢三子必定嗌交，果然三子為了照顧自己請來的嘉賓，不時鬥嘴。
玩遊戲時，眾嘉賓要在三杯紅酒中選出最靚、價值五萬元的紅酒，結果冇人估中，但靚靚和伍姑娘很不忿氣，靚靚揚言靚紅酒有豉油味，伍姑娘則覺得過了期，場面搞笑。
(東方日報)
http://orientaldaily.on.cc/cnt/entertainment/20110223/00282_013.html ================================================
為魔童添伴 拒人工授孕靚靚享受造人過程
袁詠儀（靚靚）和張智霖已有心肝椗囝囝魔童，他們一直希望為囝囝增添妹妹或弟弟。前晚靚靚錄影遊戲節目，她坦言不會靠人工授孕，希望順其自然兼可享受造人過程。 由草蜢主持的無綫全新遊戲節目《華麗明星賽》，前晚在將軍澳電視廣播城錄影，請來圈中好友袁詠儀、伍詠薇、黎耀祥和王敏德齊玩多個遊戲，其中試飲不同紅酒，估出最貴的一種，祥仔卻只貼中最便宜的一款，至於其他人也未能估中。
草蜢當晚請來一眾好友玩新遊戲，其中一個是試飲紅酒估價格，卻無人估中。
祥仔 Chok樣媲美林峯
祥仔擺甫士，他自言 chok樣拍得住林峯，但卻似足羅文。
各人又要行天橋擺甫士，祥仔十足羅文上身，相當搞笑。事後祥仔笑言對擺甫士甚有信心，問是否可 chok過林峯？他笑說：「未必贏得過佢，但絕對可以拍得住。」
靚靚行天橋時打底 tube top一度滑下，甚為狼狽。至於王敏德雖然廣東話不靈光，但不時唱歌冧觀眾；最後由靚靚贏出並奪得約 19萬元的獎金獎品。主持草蜢就表示他們錄影前已不時在化妝間頂嘴。
有報道指靚靚擇日到廟宇拜神求女，她聞言說：「一直都有求，仲有健康同財富，去廟拜神梗有所求，話我求女，好呀，承佢貴言。」
兔龍 BB與魔童合拍
不過靚靚自言不太心急，並說：「由天決定，我唔會試其他方法，自然啲。」是否要享受造人過程？靚靚笑說：「必然啦，人梗係有七情六慾，唔係上天造我哋出嚟做乜，但老公唔得閒，唔通我單性繁殖咩？」靚靚坦認希望生兔或龍 BB，因為這兩個生肖和囝囝魔童較合拍。記者笑言張智霖在外工作時，靚靚可以探望順便造人，她笑說：「佢開工喎，咁攰享受唔到 o架。」
(蘋果日報)
沒有留言:
張貼留言