地點:石澳海邊屋
================================================
《魚躍在花見》鬼話連篇 杏兒、 Chilam談情驚現人頭石
無綫啱啱播完嗰部《魚躍在花見》，其中一集裏面張智霖（ Chilam）喺廚房一幕曾經出現疑似鬼影嘅靈異鏡頭，搞到觀眾網民毛管戙。點知話口未完，噚日又有讀者同馮仁昭報料，話第 19集嘅《魚》劇裏面，又出現個恐怖人頭。讀者話喺嗰集見到一個男人樣喺岩石上面，跟住仲貼埋網民回應，其中網民 ewqeq話:「好邪！魚躍在花見第 19集有奇異嘢！」
杏兒同 Chilam喺石澳海邊傾偈時，身邊岩石竟出現一個立體人頭像（小圖）。電視圖片
立體男人頭
馮仁昭睇番有關片段，喺結尾部份，胡杏兒同 Chilam喺石灘邊傾偈嗰陣，果然清楚見到個男人頭喺岩石上面，而且仲係好立體嗰種，唔使定鏡都見得一清二楚。不過，馮仁昭問番《魚》劇監製莊偉健，佢就笑住話係一場誤會。莊偉健話:「嗰度係一個畫家嘅屋企，佢係著名畫家趙無極個徒弟，佢喺海邊嘅石上畫咗好多畫，人頭像係佢其中一個作品。個畫家間屋喺石澳海邊，係一間好靚嘅屋，依山而建。」馮仁昭問番上次 Chilam喺廚房一幕出現嘅靈異鬼影又點解釋時，佢就話了解過成事件之後，得出結論亦純粹係一場誤會。莊偉健強調：「嗰次係倒影嚟 o架啫！」
馮仁昭睇番有關片段，喺結尾部份，胡杏兒同 Chilam喺石灘邊傾偈嗰陣，果然清楚見到個男人頭喺岩石上面，而且仲係好立體嗰種，唔使定鏡都見得一清二楚。不過，馮仁昭問番《魚》劇監製莊偉健，佢就笑住話係一場誤會。莊偉健話:「嗰度係一個畫家嘅屋企，佢係著名畫家趙無極個徒弟，佢喺海邊嘅石上畫咗好多畫，人頭像係佢其中一個作品。個畫家間屋喺石澳海邊，係一間好靚嘅屋，依山而建。」馮仁昭問番上次 Chilam喺廚房一幕出現嘅靈異鬼影又點解釋時，佢就話了解過成事件之後，得出結論亦純粹係一場誤會。莊偉健強調：「嗰次係倒影嚟 o架啫！」
(蘋果日報)
http://hk.apple.nextmedia.com/entertainment/art/20110309/15054646
沒有留言:
張貼留言