KKground... ......................... . 搜尋文章請按首頁左上角...................................................................................................@留言請按我@

2015年10月17日 星期六

[新聞] 黎耀祥帶新人賀歲 難估劇迷口味

視帝黎耀祥前日與傅嘉莉、裕美及何廣沛為賀歲劇《財神駕到》開工,拍攝一場飾演窮人的祥仔與胡諾言爭執的戲份。

談到與一班較新的演員合作,祥仔讚大家都做得好好:「佢哋依家比我哋做新人時已經好好多。」問到此劇在農曆新年間播出,會否擔心觀眾外遊而影響收視,他說:「有時收視較難控制,難以捉摸觀眾喜好。不過當冇乜期望時,又可能有好效果呢!」他又指此劇監製李添勝做事嚴謹,今次再度合作很開心。

同場的傅嘉莉坦言與祥仔合作初時感到緊張:「李添勝都叫我放鬆啲去演,仲話睇到我喺《張保仔》嘅演出幾好,叫我唔使太緊張。」





































(太陽報)
=====================================================================
黎耀祥霸氣視帝嚇親傅嘉莉


黎耀祥在賀年劇中與一班較新的演員合作,他大讚大家均落力演出。傅嘉莉坦言與黎耀祥合作初期相當緊張,連監製李添勝都感覺到,並親自開聲叫她演得「放鬆啲」。

視帝黎耀祥與藝人胡諾言、傅嘉莉、裕美和何廣沛,前日在將軍澳電視城為賀年劇《財神駕到》拍攝,內容講述飾演窮人的黎耀祥與胡諾言發生爭拗。

演窮人慳時間

黎耀祥笑言劇中飾演窮人也不錯,因為化妝和造型都比較簡單,可以省回不少時間。問到今次與一班較新的演員合作有何感覺?他大讚各演員都盡力演出:「佢哋個個都好有動力,做得好好。其實佢哋依家比我哋做新人時已經好好多o架嘞。」

問到此劇在農曆年間播出,會否擔心觀眾外遊令收視有影響?黎耀祥說:「我真係未試過有劇賀年檔播。不過我一向唔理收視,自己每部劇都會做到最好。有時收視好難控制,好難捉摸觀眾喜好。不過當大家冇乜期望嘅時候,又可能有好效果呢。」他又指此劇監製李添勝做事認真、嚴謹,劇本又夠紮實,今次再度合作感到相當開心。

要李添勝提點

同場的傅嘉莉坦言與視帝級的黎耀祥合作,初時埋位演出相當緊張,結果連監製李添勝都看得出來,要找她傾談,她說:「李添勝都見到我比較緊張,同我講叫我放鬆啲去演,仲話睇到我喺《張保仔》嘅演出幾好,叫我唔使太緊張嘅。」她又讚黎耀祥演技出色,單是一個眼神也能帶她入戲,她說:「佢真係好犀利,同佢合作幾日已經好快帶到我入戲,仲令我好快投入角色。」

今趟演窮人的黎耀祥,笑言造型簡單,慳回不少時間。
















黎耀祥(右一)與胡諾言(左一)等人在劇中對峙。




















傅嘉莉讚黎耀祥令她很易入戲。


















(東方日報)

沒有留言:

張貼留言