[新聞] 黎姿湊孖女考名校 緊張侍候

黎姿08年下嫁商人馬廷強後努力造人，婚後育有三女，三名千金盡得母親遺傳非常可愛，其中孖女馬家蔚（Pricia）和馬家鎂（Gianna）眨眼已經5歲，明年就要報讀小學一年班。

姊妹分頭面試
昨日讀者陳太透過本報「爆相爆片」報料，指黎姿昨日早上8時帶同孖女到位於佐敦道的名校女拔萃小學面試。從陳太提供的照片見到除了黎姿外，還有一名女士幫手帶着孖女，陳太表示因為學校規定一位家長只可以陪一位小朋友面試，所以要另一位女士幫手。Pricia及Gianna以同款裙仔亮相。
已身為少奶奶的黎姿，雖然已息影多時但仍不減風采，手上挽着Hermès Birkin袋更添了一份貴氣。陳太又透露學校安排孖女分開兩組面試，在等候時由家長陪同，但正式面試時，全部小朋友都要單獨進行。當一對孖女跟其他小朋友排隊準備去面試時，黎姿一面叫囡囡「畀心機」，一面望着女兒離開顯得有點擔心。
在兩位囡囡面試期間，學校安排家長到禮堂看片，短片內容主要是介紹學校本身，其間黎姿不時低頭玩手機，全程表現安靜及低調，只間中跟身旁女士閒聊。約30分鐘後，Pricia及Gianna完成面試，黎姿接回孖女，一見到媽咪的孖女表現活潑，不時彈彈跳，臨走時她們還好奇看其他學生的勞作品，時間差不多時黎姿對着大孖說：「家姐快啲，要走啦。」然後坐七人車離去。
女拔萃小學是城中名校，更可以直接升讀拔萃女書院，是不少城中名人趨之若鶩的心頭好，作為媽媽的黎姿深明要贏在起跑線的道理，難怪她顯得緊張。
採訪：皓騫

【Hermès Birkin袋約10萬】■黎姿挽着Hermès袋帶囡囡面試，盡顯貴氣。

Pricia跟Gianna穿着同款裙到女拔萃小學面試。

黎姿湊女親力親為，不時見她帶孖女出外。

(蘋果日報)有片睇
http://hk.apple.nextmedia.com/entertainment/art/20151008/19324346