[壹周刊第1097期] 黎耀祥食到盡

唉！我又真係幾靚仔！
（設計對白）

近排幫無 綫拍緊新劇《法證先鋒 III》 嘅黎耀祥，難得有 break，於是丟低個仔，同老婆大人去圓方撐 枱腳拍拖。
聲稱要地獄式減肥，一日三餐被迫以蕉代飯，難得陪老婆開飯，黎耀祥唔想待薄個胃，就算澱粉質係肥人剋星，都破例叫 咗碗麵食，仲食到津津有味。
話晒兩屆視帝，麵店職員見佢食飽飽，趁機會埋去嗌合照，黎耀祥當然有求必應，不過影相之前，最緊要梳番靚個頭，唔想失禮街坊。
去到邊都有 fans，證明觀眾緣滿瀉，黎視帝仲點都唔肯做無 綫親生仔，寧願老婆辛苦 啲，做埋經理人，保證所有收入可以全數落袋，唔使分佣俾人。咁識計數，黎耀祥當然可以買架波子 Boxster S，襯番佢視帝身份。

同麵店職員合照前，黎耀祥當 iPhone係鏡，照清楚個樣先埋位，人紅 咗，更加要注重外表。

撐完 枱腳，之後一齊行街，黎耀祥仲鬼咁黐纏，點都要繑實老婆隻手。

黎太想自己 shopping，黎耀祥唯有走先，住 88萬波子 Boxster S新車走人。

有傳無 綫高層樂易玲出盡法寶，都冇辦法勸掂黎耀祥鄧萃雯簽經理人約，加上阿佘馬德鐘廖碧兒黃宗澤，個個親生仔女都話走，黎耀祥更加冇必要作繭自縛。