KKground... ......................... . 搜尋文章請按首頁左上角...................................................................................................@留言請按我@

2010年12月17日 星期五

[忽然一週第803期] 黎耀祥走紅 祥嫂全天候實


老婆幫手拎袋,祥仔自然錫晒老婆,更當街當巷拖實對方,比不少天王、天后大方得多。

做老婆難,做藝人嘅老婆原來仲難。
老公未紅嗰陣,當然要陪佢捱騾仔。等到老公走紅,咪以為妻憑夫貴,娛樂圈大把野花為名為利主動送上門。況且,娛樂圈係一個非常獨特嘅生存環境,老婆身處圈外,兩公婆就等同身處於兩個世界,各行各路愈走愈遠,真係隨時人財兩失o架!
媽咪姐就好欣賞黎耀祥個老婆,老公祥仔捱咗十幾年終於出頭,祥嫂未享福先被傳媒爆係狐狸精。好在祥嫂夠硬淨,唔理閒言閒語,索性做埋祥仔助手,一方面可以跟老公同甘共苦,融入老公嘅生活圈子,更可阻隔「有心人」埋老公身,一舉幾得,媽咪姐俾10個叻佢!


拎袋做阿四
祥仔升呢變大紅人,為保住小生形象,有時唔係好方便拎到一袋二袋,好彩祥嫂體貼,shopping時主動幫老公拎戰利品,祥仔可以保持瀟灑形象。


等老公收工
依家周身片約嘅祥仔,日日有戲拍,但老婆竟然全程跟到實,不畏寒風、不怕捱更抵夜,企喺劇組人員位置等老公。





隨傳又隨到


藝人食冇定時,去到邊食到邊。不過做祥仔跟得夫人同樣咁辛苦。祥仔食到半路要跟人做訪問,祥嫂就即時上前接過飯盒,順手幫老公整理衣領,相當好服侍。

陳年祥仔好勁
最近媽咪姐行過藥房,見到一張印有祥仔嘅廣告,個廣告又娘、祥仔又肥爆,相當搞笑。原來呢個係祥仔06年拍下嘅壯陽藥廣告。09年《巾幗梟雄》爆出,廣告商即時加印海報,仲加咗「柴九」嘅招牌金句「人生有幾多個十年」。娘就娘咗啲,不過都算有心思。

沒有留言:

張貼留言