[壹週刊第1100期] 同老公撐枱腳 黎姿早走避合照



灣仔醫肚

陪老公食晏，黎姿提早走人，見記者影相，耷頭遮面急步，用齊。


























曾經負磅一百八十磅，舊年七月，為老公馬廷強誕下雙胞女嬰嘅黎姿，人生大事除咗照顧老公同兩個女，代弟黎嬰睇實皮膚護理中心生意，仲有再為馬家增口，決意做生仔機，連好友樂易玲花盡口水勸佢復出，都係食檸檬。




目標清晰，四十嘅黎姿對鏡頭亦愈來愈抗拒。無論同朋友定係同老公一齊，都係同一態度，頭耷耷急急腳。

早個禮拜，深居簡出嘅黎姿同老公去咗灣仔福臨門撐枱腳，食完兩公婆前後腳落樓，黎姿行先，見到《壹》仔，避鏡程式自動開啟，耷頭郁手摸面有咁快行咁快，十分鐘後，馬廷強先自己一個出現，分開走亦分車坐，合照？同要黎姿復出一樣，好難！

十分鐘後，馬廷強自己落樓，同老婆分開車鬆人。

中環行街

要湊女又要代弟返工嘅黎姿，難得機會行街鬆一鬆。

退出幕前後，黎姿見到記者都下意識耷頭同郁手遮面，顯得周身唔自在。

搭?離開時，瘦番唔少嘅黎姿全程匿喺設計師好友 Bonita張身後。

去年懷有孖胎嘅黎姿，一度負磅 180磅，出街例有人傍住行。