KKground... ......................... . 搜尋文章請按首頁左上角...................................................................................................@留言請按我@

2011年4月29日 星期五

[忽然1周第822期] 祥仔一拖二開工

呢日雖然落住雨,但祥仔就要拍個動作場面。呢場戲講佢跳落山坡追車,祥仔親身上陣,絕冇錫身。



早前馬德鐘老婆睇唔過眼,喺微博鬧 TVB冇人性,演員冇得休息,又冇時間陪屋企人。聽講唔少演員嘅家屬都好有共鳴。


上周六( 23日)同本周日( 24日),黎耀祥分別到西貢鄉郊和馬鞍山郊野公園拍《法證 3》,嗰度偏僻到連電話訊號都收唔到,萬一有咩意外,真係叫天不應叫地不聞。成個復活節假冇老公陪不特止,仲要 call都搵唔到老公,黎耀祥老婆 Julia梗唔放心。佢連續兩日同埋囝囝正橋去荒山野嶺陪祥仔拍外景,正橋仲拎住部近 4萬蚊嘅 Canon 5D高檔「玩具」幫爸爸影靚相。

有老婆同個仔撐場激勵士氣,難怪祥仔第一日喺落雨天拍飛車戲亦面無懼色。翌日外景仲同張可頤夾份萬歲請眾演員飲嘢食麵包㖭! Julia咁體貼,馬德鐘老婆真係要學吓。



4月 23日西貢
之後就追車,跟住仲跳上行駛中嘅車頂, 40幾歲嘅祥仔趴車頂仲好 fit。



祥仔老婆 Julia就全程坐喺車入邊,話怕睇到老公咁危險,心驚膽戰喎!


老竇咁搏,乖仔正橋就攞住部近 4萬蚊嘅 Canon 5D相機拍低啲勇猛雄風。


4月 24日馬鞍山
呢日祥仔舒服啲,齋拍文場戲。休息時同妻兒研究靚相(左圖);仲萬歲請 tea(上圖)。


沒有留言:

張貼留言