 |
曱甴 |
人人北上賺人仔，偏偏冧庄視帝黎耀祥唔介意低水港銀，繼續效力無 綫。上個禮拜六（四月廿三日），黎耀祥帶埋老婆同仔仔，一大朝早去到西貢拍攝新劇《法證先鋒 3》，擒車頂飛車危險動作親自上陣，搵命搏都冇問題。
劇情講張可頤被賊人挾持，黎耀祥冒死英雄救美。好在中學年代學過兩三年空手道，拍攝飛撲跳躍動作，黎視帝應付自如，之後要拍擒上車頂捉賊，其實現場有替身代勞，黎耀祥唔怕危險親身上陣，不過亦有些少怨言：「我個角色明明係專業人士，家陣又要捉賊，又要飛車，變 咗動作片，好在有武指錫住，如果太危險，我會搵替身拍。」
撈 咗咁多年，黎耀祥唔介意逆來順受，大前題只係為搵錢，唔似得張可頤，近排因為俾記者寫佢拍劇扮大牌狂 NG，與同劇 嘅徐子珊傳不和，當日傳媒一場嚟到，叫佢企定影張相都唔願，拍完 瞓入車尾箱 嘅鏡頭仲即刻閃人。
一個由三打七捱到做視帝，另一個選完港姐就做女主角，果然有分別。
 |
由石屎地位置起跳，再橫越草叢撻落軟墊，雖然落位有些少偏離，好在有武指睇實，黎耀祥身手算唔差。 |
 |
飛撲、擒車頂親自上陣，黎耀祥事前做足安全措施，兩隻手都有威也（右圖紅圈）箍實。 |
 |
放復活節假，兩父子一齊開工，祥仔仲幫老豆影低飛車威猛樣。 |
 |
瞓入車尾箱後，張可頤點都唔肯擰塊面出 嚟影相，拍完仲要急急腳走人，見到記者似見到鬼！ |
======================================================
沒有留言:
張貼留言