[新聞] 陳茵媺疑會陳豪野性過生日

陳茵媺（Aimee）與陳豪被指拍劇撻着，雖然一直否認拍拖，但被問到與陳豪組情侶檔吸金，她直指冇所謂。另於生日前一夜（卅一日晚），Aimee被撞破打扮得花枝招展離開香閨往赴約，莫非正是約了陳豪慶祝生日？


Aimee在卅一日晚約七時許返回將軍澳清水灣半島住所，未幾便見她一身黑色野性打扮，一襲短裙露出一雙玉腿，有別平日鄰家女孩形象，甫踏出門口，Aimee即驚覺有記者在場，記者問她是否約了陳豪，Aimee笑說：「唔係，我落街買嘢，（去邊度玩呀？）冇呀，聽日都要開工，（同陳豪拍拖？）唔係唔係，未呀！（有冇人追？）都有嘅，（陳豪追？）感覺唔到佢追我喎！」未知是否被記者踢爆將要出街赴會，Aimee隨即返回屋企。

狂現身活動

而自與陳豪傳出緋聞後，其賺錢機會接踵而來，昨日她出席完遊戲機活動後再往澳門登台，記者笑她取代陳豪舊愛廖碧兒成「吸金王」，她尷尬說：「我唔同人比較，都係拍劇時間咁啱配合到！（有冇人搵你哋情侶檔？）要問番經理人，不過同邊個同事都冇所謂，（可以收貴啲喎！）好呀好呀！（同廖碧兒情敵檔呢？）唔好咁講，同任何同事都冇所謂。」

收賀壽短訊


另外，在活動中，司儀經常拿她與陳豪的緋聞、飲咖啡習慣來開玩笑，Aimee坦言不覺被整蠱。而她坦言早前生日收到陳豪的賀壽短訊，而本月十六日輪到陳豪生日，問她有甚麼準備？Aimee笑說：「冇咩準備呀，都係好似同事咁送番個短訊祝佢快樂啦。」

對於Aimee火速上位變身吸金花旦，無綫高層樂易玲坦言Aimee深受客戶歡迎，她說：「佢係重點栽培嘅花旦，緋聞炒作的確幫到啲藝員，不過暫時未有人斟佢哋情侶檔喎！」

(東方日報)
http://orientaldaily.on.cc/cnt/entertainment/20110404/00282_033.html
======================================================
樂易玲睇好重點栽培


對於陳茵媺變身「豪女郎」後工作量大增，成為新一代吸金花旦，無綫高層樂易玲說：「陳茵媺一向好受客戶歡迎，好多客都鍾意搵佢做嘢。佢、唐詩詠同李詩韻係無綫新一代重點栽培嘅花旦仔，蓄勢待發，不過佢孭住幾個劇，檔期比較難度。」她承認緋聞有助藝人提高知名度及身價，但坦言：「拍拖嘅嘢，有時公司都控制唔到！」不過，樂易玲指陳豪暫未可以接受另一段感情：「大家畀啲時間佢，等佢專心工作吓先啦！」


(太陽報)
http://the-sun.on.cc/cnt/entertainment/20110404/00470_002.html