KKground... ......................... . 搜尋文章請按首頁左上角...................................................................................................@留言請按我@

2011年2月18日 星期五

[忽然一週第812期] 棄無綫 真銀 踢爆佘詩曼扮跛


2月 13日,傷手約兩個星期嘅阿佘,喺微博上載張同好友及其女兒嘅合照,左手雖紮咗紗布,但明顯同傳說中要打石膏嘅嚴重程度差好遠。

嗱,一踏入兔年,媽咪姐就有料爆嘞!今次嘅主角係佘詩曼。
相信大家仲記得,上月尾喺上海拍完內地劇《女捕快》嘅阿佘,話因為喺上海機場落車時跌親,甩手骱兼撞親腰,需要打石膏及休養 6個星期,因而即刻向 TVB辭演剛開拍嘅劇集《法證先鋒Ⅲ》。呢啲意外嘢,本來冇乜好講,但近日媽咪姐就收到風,阿佘推《法Ⅲ》係另有內情。

二五爆料俾媽咪姐知,話阿佘唔拍《法Ⅲ》,完全係錢作怪,「阿佘近年係 TVB最搵錢嘅藝員,但 TVB對佢就唔緊唔要,連續兩年嘅視后獎,都俾咗鄧萃雯,阿佘條氣梗係唔順啦!事關拍《公主嫁到》時,佢戮晒力做,結果套劇叫好叫座,點知都攞唔到獎,所以佢對 TVB已有離心。
「當初梅小青搵阿佘拍《法Ⅲ》,阿佘見套劇係 2011年嘅重頭劇,仲有黎耀祥做男主角,所以至接拍。點知之後,出邊又有人搵佢拍一套時裝喜劇,另外又有兩個廣告搵佢拍,價錢非常好,但偏偏同《法Ⅲ》撞晒期。阿佘諗過度過,覺得橫豎 TVB唔錫佢,?真銀好過啦。況且青姐出名嚴謹,拍劇期間一定唔會放期俾阿佘啦。之後咪就有甩骱事件發生囉!」
至於有傳阿佘係等嫁至推劇,二五就話:「就算阿佘真係等嫁,都不至於要推劇咁心急吖!」。


情人節當日,佢又上載另一張靚相,祝大家情人節快樂。

咪以為我好恰,我有毛有翼啦!(設計對白)

去年阿佘落足心機拍《公主嫁到》,連周潤發都讚好,但最終只攞到最受歡迎女角色獎,佢唔失望就假嘅。

阿佘同經理人 Tina(右)向來合作愉快,近日 Tina已向 TVB辭職,二五話可能係同阿佘齊齊另起爐灶。

近兩年嘅電視頒獎禮上,阿佘同鄧萃雯都鬥到火紅火綠,但每次都係雯女贏,難怪阿佘對 TVB心淡。

梅小青承認唔放期



媽咪姐就阿佘為?真銀而推《法Ⅲ》呢個傳聞向該劇監製梅小青求證,佢一開腔就話唔相信阿佘係因為要拍戲而推劇,但佢就話:「如果佢(阿佘)接咗《法 III》又想攞期拍電影,我的確一定唔會批,話晒係女主角喎,啲廠期點就呀!如果係攞一兩日假拍廣告就有得商量。」清楚青姐性格嘅阿佘,唔怪得要出蠱惑啦!
監製梅小青同阿佘先後合作過《法證先鋒 II》、《宮心計》同《公主嫁到》,青姐聲稱同阿佘係好友,唔信阿佘係扮跛咁「陰謀」。

黎耀祥失望



阿佘推《法Ⅲ》,其中一個最失望嘅人係黎耀祥。二五話:「《法Ⅲ》舊年最初 cast嗰陣,電視頒獎禮仲未揭曉,青姐諗住用出爐視帝拍視后夠晒綽頭。祥仔亦係因為咁至接拍。點知阿佘不但攞唔到視后,仲推埋套劇,換咗個 out到爆嘅張可頤,你話祥仔點會唔失望!」

祥仔對拍檔由阿佘變成張可頤,曾私下表示有啲失望。

http://tieba.baidu.com/f?kz=1004629463

沒有留言:

張貼留言