[忽然一週第812期] 張可頤明笑徐子珊

導演嗌 NG，眾人立即散開，張可頤仲笑到四萬咁口。

張可頤頂替佘詩曼拍《法證先鋒 III》無耐，已經傳出佢藐爆徐子珊，同場無乜交流。
嗱，雖則張可頤跟同劇女拍檔不和唔算新鮮，但徐子珊話晒低佢幾班，會唔會失身份同對方爭呀！
日前，兩人同黎耀祥及吳卓羲等人到飛鵝山拍外景，佢哋就真係唔似傳聞中咁僵，子珊仲成為眾人嘅開心果?。點解？話說當日劇情講佢哋發現屍體，每個演員輪住講對白，點知去到子珊嗰度，佢突然停咗，導演就話：「唔係拍默劇喎，係咪唔記得講嘢？」眾演員即刻笑到彈開晒，連平時工作超認真嘅張可頤都笑到唧唧聲。如果真係不和，仲唔乘機踩多兩腳咩！

正式拍攝，張可頤同黎耀祥講完對白，徐子珊忽然發台瘟，啞咗唔識接住對白。

盛傳緋聞嘅吳卓羲同徐子珊熟不拘禮，男方大模斯樣喺女方面前「休」褲。

荒山野嶺，氣溫唔夠 10嵖，徐子珊凍到擤鼻涕，張可頤仲拍佢膊頭叫佢保重。